4-июнь — Қазақстан Җумһурийитиниң Дөләт рәмзлири күни

Вәтәнпәрвәрлик һис-туйғуни ойғитиду

Vatan

Қазақстан өз мустәқиллигигә еришкәндин кейин, 1992-жили 4-июньда Президент Нурсултан Назарбаев Қазақстан Җумһурийитиниң дөләт рәмзлири — Байрақ, Герб, Гимн тоғрилиқ Пәрманларни имзалиди. Алтун нурлирини чечиватқан қуяш вә бүркүт пәрвази әкис әткән көк байрақ билән оттурисида барлиқ қазақстанлиқлар үчүн умумий өйниң рәмзи болған шаңирақ әкис әттүрүлгән герб дунияға Қазақстан Җумһурийитиниң вуҗутқа кәлгәнлигини билдүрди.

Дөләтчиликниң алий нишанлири

Һәрқандақ дөләтниң миллий алаһидилигини тонутуп, униң миллий роһини көтиридиған хасийәтлик уқум-чүшәнчиләр көп. Дөләт рәмзлири әйнә шуларниң қатарида муһим орунни егиләйду. Шуңлашқа Қазақстан Җумһурийити Президентиниң 2007-жил 4-июньдики «Қазақстан Җумһурийити Президентиниң Қазақстан Җумһурийитидики кәспий вә башқа мәйрәмләр тоғрилиқ» 1998-жил 20-январьдики Пәрманиға қошумчиларни киргүзүш һәққидә» Пәрманиға бенаән, 4-июнь җумһурийитимиздә Дөләт рәмзлири күни сүпитидә нишанлинип келиватиду.