Мәнавият

Театр сәнъити — хәлиқниң

Сәнъәткарлиримиз өз маһаритини Алмутидики тамашибинларғила әмәс, наһийәләрдики қериндашлиримизғиму намайиш қилиш мәхситидә 13 — 27-май арилиғида театримизниң Панфилов (13 — 17-май),  Уйғур (18 — 22-май), Челәк (23 — 27-май) тәвәсидики күнлири  өтмәкчи.

Корей сәһнисидики уйғур жигити

Alimshax

   6 — 10-апрель күнлири Чимкәнт шәһиридә III Җумһурийәтлик миллий театрлар фестивали өтти. Тәкитләш лазимки, мәзкүр фестиваль Қазақстан хәлқи Ассамблеясиниң 20 жиллиғиға беғишлинип, униңға елимиздә паалийәт елип бериватқан барлиқ миллий театрлар иштрак қилди.  Бу фестивальға җумһурийәтлик дөләт Корей музыкилиқ комедия театриму қатнашти.

Течлиқ — «келәчәк» сөзиниң синонимии

ERA_8080-

Астанада Дуниявий мәнивий мәдәнийәт форуми (ДРМФ) вә Қазақстан хәлқи Ассамблеяси тәрипидин уюштурулған «Течлиқ, разимәнлик вә мәнавият мәдәнийити» хәлиқара илмий-әмәлий конференцияси болуп өтти.
Конференция ишиға Дуниявий мәнивий мәдәнийәт форуминиң қош рәиси Төлеген Мухаметжанов, Қазақстан хәлқи Ассамблеяси Рәисиниң орунбасари — ҚХА кативатиниң мудири Ералы Тоғжанов, «Течлиқ мәдәнийәт арқилиқ — Европа» хәлиқара тәшкилатиниң президенти Вильгельм Аугустат, Аләмшумул бехәтәрлик институтиниң президенти Джонатан Гранофф, Россия Федерацияси Президент йенидики шәхсий һоқуқ тәтқиқат мәркизиниң иҗраий мудири Юрий Агешин, шундақла Қазақстан Җумһурийити Парламентиниң депутатлири, конференцияләрниң, җәмийәтлик тәшкилатларниң вәкиллири, елимиз вә чәтәллик мәдәнийәт әрбаплири қатнашти.
Конференцияни ачқан тәшкилий комитет рәиси Төлеген Мухаметжанов қатнашқучиларни алқишлап, өткүзүлүватқан чарә-тәдбирниң муһимлиғиға вә униң әһмийитигә тохталди.
— Дуниявий мәнивий мәдәнийәт форуми — бу, шүбһисизки, хәлиқ дипломатиясиниң йетәкчи хәлиқара диалог мәйданлириниң бири. Униңда ақнийәтлик адәмләр дунияни техиму парлақ һәм хелә бехәтәрлик қилиш үчүн өз күч-қувитини җипсилаштуриду. Шуңлашқиму бизниң конференциямизниң мавзуси «ХХІ әсирдики течлиқ, мәнавият вә разимәнлик мәдәнийити» дәп аталған, — деди баш қошушта сөзгә чиққан Ералы Тоғжанов.
У шундақла барлиқ җәмийәтлик күчләрни, гражданлиқ җәмийәт институтлирини, илим-пән вә мәдәнийәтни турақлиқ һәм тәрәққиятни қоллап-қувәтләш үчүн җипсилаштуруш вәзиписиниң Ассамблея ишида биринчи орунда туруватқанлиғини атап көрсәтти.
— Һазир пүткүл дуния бирлик һәм разимәнлик формулисини издәватиду. Кейинки үч жилда бизниң тәҗрибимизни үгиниш үчүн он тоққуз дөләт экспертлири, парламентарийлириниң, алимларниң, дипломатларниң, журналистларниң, һөкүмәтлик әмәс тәшкилатлар вәкиллириниң Ассамблея кативатиға атмиш қетимдин ошуқ мураҗиәт қилинғанлиғи униң хәлиқара күн тәртивидики актуаллиғи тоғрилиқ гувалиқ қилиду, — дәп атап көрсәтти Ералы Тоғжанов.
«Течлиқ, разимәнлик вә мәнавият» Хәлиқара илмий-әмәлий конференциясидә Вилгельм Аугустат (Австрия), ДРМФниң асасини салғучи-президенти Сесто Джованни Кастаньоли (Швейцария), Россия Тәбиий пәнләр академиясиниң әзаси, профессор Валерия Порохова, Тель-Авив университетиниң профессори Эрнесто Кахан, ДРМФ Президиуминиң әзаси Наталья Вареник (Украина), PaxUnіversalіs президенти Йенс Штахура (Австрия), Қирғизстан миллий консерваториясиниң ректори Муратбек Бегалиев сөзгә чиқип, өз пикирлири билән ортақлашти.
Форумниң иккинчи күни униңға қатнашқучилар Роһий разимәнлик күни шәрипигә уюштурулған хәйрихаһлиқ акциясигә қатнашти. Шундақла бу күни иккинчи Дуниявий роһий мәдәнийәт форумиға тәйярлиқ көрүш бойичә хәлиқара тәшкилатниң мәҗлиси болуп өтти. Ахирида форум қатнашқучилири үчүн «Астана-опера» дөләт опера вә балет театрида мәйрәмгә беғишланған концерт өткүзүлди.

Миллитимиз пәхирлири

Йеқинда наһийә рәһбәрлиги, наһийәлик мәдәнийәт вә тилларни риваҗландуруш бөлүми һәм наһийәлик вә наһийәгә қарашлиқ йезилиқ  китапханилар хадимлириниң уюштурушида «Миллитимиз пәхирлири» намлиқ тәдбир уюштурулди.