Арқа сәп қәһриманлири

Омини әслигәндә

Oma

Растини ейтсам, бүгүнки әвлатниң оминиң немә екәнлиги тоғрилиқ анчә чүшәнчиси йоқ. Әнди уруш жиллириниң балилири һесаплинидиған биз демәтликләр оминиң әң қайнақ иш мәвсүми екәнлигини яхши билимиз, униңға арилишип өстуқ. У жиллири Өсәк вадисиниң етизлирида асасән күзлүк вә язлиқ буғдай өстүрүләтти. Ашлиқ тахта болуп, пишишқа башлиғанда шаңларниң әтрапини, ичини тазилап, тәкшиләш, комбайн үчүн загон селинатти. Һосулни жиғиштурушқа техника йетишмигәчкә мәлидики йәттә яштин йәтмиш яшқичә һәммиси омиға сәпәрвәр қилинатти.