Йеңи ихтисадий сәясәт

Һәммигә керәк қарар

Shardinov

Мән Президентниң дөләт ихтисадидики йеңи қурулумлуқ ислаһатларға мунасивәтлик сөзлигән нутқини диққәт билән тиңшидим. Һазир ихтисатта инфляциялик таргетләш (инфляциялик таргетләш — дөләтлик инфляцияни назарәт қилиш мәхситидә дөләт органлири тәрипидин қоллинидиған чариләр комплекси) чүшәнчиси киргүзүлиду. Нурсултан Назарбаевниң нутқи, адәттикидәк, ениқ вә тәпсилий болди. Дөләт рәһбири ихтисадимиз үчүн бу қәдәм қанчилик муһим екәнлигини вә қандақ утуқларға елип келидиғанлиғини рәқәмләр билән дәлилләп бәрди.

Биз утуққа йетимиз

Yadishir

Мән — пенсионер. Күндилик һаятимда долларни пайдиланмаймән. Пенсияни тәңгидә алимән. Мениң үчүн һазир әң асасий нәрсә, озуқ-түлүк мәһсулатлириниң баһаси көтирилмисә болди. Мәлумки, Президентимиз бу мәсилигә алаһидә көңүл бөлүватиду, шәхсән өзи йәрлик дөләт органлириға бу мәсилини қаттиқ назарәт қилиш вәзиписини жүклиди. Өзәм гезит-журналлар, телевидение арқилиқ дуниядики йеңилиқларни байқап туримән. Тәкитләш лазимки, хошна Россиядә биздин илгири рубльни әркин алмаштуруш башланди. 

Экспорт иқтидарини ашуриду

Nyrlan

Мениң пикримчә, тәңгини әркин авуштуруш курсиға өтүш вәтәнлик агросанаәт комплексини йүксәлдүрүшкә шараит яритиду. Бу дөлитимизниң Дуниявий сода тәшкилатиға кириш һарписида наһайити муһим. Һазир ички базарлиримизда қазақстанлиқ вә чәтәллик йеза егилиги мәһсулатлирини ишләпчиқарғучилар арисида чоң риқабәтчилик күтүлмәктә.

Келәчәккә ташланған муһим қәдәм

Maxsutov

Өткәндә Дөләт рәһбири Қазақстандики чоң бизнесниң вәкиллири билән учрашти. Мәзкүр учришишта Қазақстан ихтисадини, униң йетәкчи саһалирини күчәйтиш, валютилиқ таргетлаш асасидики йеңи малийә-мәбләғ сәяситини әмәлгә ашуруш мәсилилири муһакимә қилинди. Әлвәттә, бу нурғунлиған адәмләр вә санаәт орунлириниң мәнпийитини өз ичигә алидиған аддий қарар әмәс, бәлки әһмийити зор қарар болди. Президент «Ахирқи жилларда дуния ихтисадидики әһвал начарлимақта…

Хәлиқ қизғин қоллайду

Taigynjan

Мән, барлиқ қазақстанлиқлар охшаш, өткән һәптидә Дөләт рәһбириниң Ақордида тиҗарәтчиләр билән болған учришишини диққәт билән көрдүм. Президент тиҗарәтчиләр билән ихтисатта қелиплашқан әһвални муһакимә қилди.