Bepärva bolmayli

0
808 ret oqıldı

Meniŋ bu gezitni oqup kelivatqinimğa yerim äsirdin eşiptu. Moşu vaqit içidä uniŋ birmu sanini qaldurmay oqudum desäm, aşuruvätkänlik ämäs.8 yeşimda birinçi kosmonavt Gagarinniŋ kainatqa uçqinini gezitniŋ birinçi betidin oquğinim tehiçä esimda. Moşu gezittin KPSSniŋ Plenum, s°ezliri toğriliq «İnformatsiyalik hävärlärni» oqup çoŋ bolduq. Һazir birliri «totalitarliq dävir» däp jürgän äşu jilliri «Kommunizm tuği» uyğurlar üçün nurğun iş qildi. Uniŋ sähipiliridin ittipaqdaş җumhuriyätlärdiki, bolupmu Qirğizstan, Özbäkstan vä Türkmänstandiki uyğurlarniŋ hayat näpäsi, uyğurlarniŋ tarihi, beşiğa çüşkän külpätlär bilän äҗdatlirimizniŋ här sahada qazanğan utuqlirini, büyük alimlirimiz, ziyalilirimiz, sän°ätkarlirimiz vä addiy işçi-dehanlirimiz toğriliq mälumatlarni turaqliq oqup turduq. Yazğuçilirimizniŋ yeŋi äsärliri, teatrimiz repertuaridiki sähnä äsärliri toğriliq hävärni aŋlap, şularni oquşqa, kšrüşkä aldirattuq. Tarihiy Vätinimizdiki yazğuçi-şairlarniŋ äsärliridin nämunilärni däsläp moşu gezittin oquduq.

«Kommunizm tuği» geziti mäktäp oquğuçiliri vä muällimlär üçün imla luğiti rolini atqurup käldi, hazirmu «Uyğur avazi» şundaq boluvatidu däp oylaymän.

Qazaqstan mustäqillik alğandin keyin gezitimiz tehimu mäzmunluq çiqivatidu. Başqa näşirlär bälgülük bir sahanila yorutsa, bu gezitniŋ alahidiligi şuki, uniŋdin «yättä yaştin yätmiş yaşqiçä» bolğan oqurmänlärniŋ hämmisini qiziqturidiğan materiallar bar.

Keyinki vaqitlarda intayin qiziqarliq yeŋiliqlarni moşu gezitimiz arqiliq bilivatimiz. Duniyada uyğurlarğa munasivätlik yeŋiliqni, yä başqa bir uçurni uniŋdin başqa näşirdin tapalmaysiz.

Mäkkidiki büyük Käbigä yepilğan yopuqtiki hätni Uyğur pärzändiniŋ šz qoli bilän yazğanliğini, «Por-Bajın» qäl°äsi toğriliq täpsilatlarni vä hälqimizniŋ başqimu bebaha miraslirini «Uyğur avazidin» başqa heçbir näşirdin oqalmaysiz.

Җämiyätlik täşkilatlirimizdiki iҗabiy šzgirişlärdiki bäzi muämmalarni, teatrimizniŋ bügünki repertuari vä näpäsini, jiraqta yaşiğaçqa, dayim teatrğa baralmisaqmu, qutluq sähnimizdikini bizgä yätküzüvatqan, huddi uni kšrüp çiqqandäk, tuyğu hasil qilivatqan  yänila şu «Uyğur avazi» geziti ämäsmu?

Qisqisi, ägär «Uyğur avazini» oquydekänmiz, šzimizni uyğurniŋ mädäniy-mäişiy vä iҗtimaiy qazinida qaynavatqandäk his qilimiz.

Oylaymänki, «Uyğur avaziğa» muştiri boluşqa maddiy şaraitimiz toluq yar beridu. Päqät eränsizligimiz tüpäylila bir jilliq mäniviy ozuqtin quruq qelişimiz mümkin. Şu müҗäzimiz talay ävlatniŋ şorini qaynatti. Şuniŋ üçün eräŋsizlik qilmay, gezitqa yezilişni untumayli demäkçimän.

Adilҗan ҺÄMRAEV.

Kiçik Dehan yezisi, Uyğur nahiyäsi.

Bälüşüş

Javap qalduruŋ