Çäk taşlandi

0
1 123 ret oqıldı

Ötkän җümä küni Braziliyadä kelär jili moşu mämlikättä štküzülidiğan futbol boyiçä duniya çempionatiğa qatnişidiğan milliy komandilar arisida çäk taşlaş märasimi bolup štti. Biz tšvändä çäk taşlaş yäkünini elan qilğaç, säkkiz topqa tähsim qilinğan 32 komandiniŋ qaysisiniŋ çempionatniŋ novättiki basquçiğa yollanma alidiğanliğiğa munasivätlik šz tähminimiz bilän bšlüşmäkçimiz.

Şundaq qilip, «A» topida Braziliya, Horvatiya, Meksika, Kamerun komandiliri oynaydu. Bu topta Braziliya birinçi, Horvatiyaniŋ ikkinçi orunni egiläp, çempionatniŋ pley-off qismiğa yollanma alidiğanliği eniq. Biraq, qalğan ikki komandiniŋmu bu yollanma üçün helä küç çiqiridiğanliğini hesapqa alğan orunluqtur.

«V» topida İspaniya, Gollandiya, Çili, Avstraliya komandiliri šzara küç sinişidu. Buniŋda heç ikkilänmäyla hazirqi duniya çempioni İspaniya, şundaqla Gollandiya däsläpki ikki orunni egiläydu, däp işäşlik eytişqa bolidu.

«S» topiğa Kolumbiya, Grekiya, Kot d’ İvuar, Yaponiya komandiliri tähsim qilindi. Bir qarimaqqa, küçi baravär komandilar jiğilğan top. Şundaq bolsimu, biz ularniŋ arisidin Evropa vä Aziya väkilliri kälgüsi basquçqa yollanma alidu, däp oylaymiz. Biraq, här halda, afrikiliqlarnimu hesaptin çiqarmasliq keräk.

«D» topiğa Urugvay, Kosta-Rika, Angliya İtaliya milliy komandiliri җämländi. Oçuq kšrünüp turiduki, ularniŋ arisidin millionlar oyuniniŋ asasini salğuçi inglizlar bilän birnäççä qetim duniya çempioni atalğan ital'yanlar däsläpki ikki orunni egiläp, çempionatniŋ pley-off qismiğa çiqidu. Һär halda, Urugvay komandisiniŋmu yollanmilarniŋ birigä egä boluş üçün tirişidiğanliği eniq.

«E» topi Şveytsariya, Ekvador, Frantsiya, Gonduras komandilirini birläştürdi. Ularniŋ arisida Evropa väkilliri Frantsiya bilän Şveytsariya ikki yollanminiŋ egisi bolidu.

«F» topida Argentina, Bosniya vä Gertsegovina, İran Nigeriya komandiliri uçrişidu. Bu toptin novättiki basquçqa Argentina bilän Bosniya vä Gertsegovina komandiliriniŋ çiqişi ehtimaldin jiraq ämäs. Һär halda Nigeriya tallanma komandisinimu ästin çiqarmasliq keräk.

«G» topiğa Germaniya, Portugaliya, Gana, AQŞ komandiliri bšlündi. Mutähässislärniŋ pikriçä, äŋ küçlük komandilar җämlängän top moşu. Nemislarniŋ härqandaq çempionatta päqät altun medal' üçün kürişidiğanliğini futbol işqivazliri yahşi bilidu. Şuŋlaşqa ular šz topida birinçi orunni egiläydu. Ändi ikkinçi yollanma üçün Portugaliya vä AQŞ komandiliri küç sinişip, bizniŋ tähminimizçä, Kriştianu Ronaldu başliq jigitlär finalniŋ 1/8 qismiğa qatnişidu.

«N» topiğa Bel'giya, Alҗir, Rossiya, Җänubiy Koreya milliy tallanma komandiliri birläşti. Bu topta Rossiya bilän Bel'giya däsläpki ikki orunni egiläp, novättiki basquçta oyun kšrsitiş hoquqiğa egä bolidu, däp oylaymiz. Biraq, koreylarniŋmu oŋayla çeqilip ketidiğan yaŋaq ämäsligini ästä tutuş keräk.

Ändi kimniŋ duniya çempioni atilidiğanliğiğa kälsäk, täbiiyki, uniŋ başlinişida barliq komandilar ohşaş şaraitqa egä. Şundaq bolsimu, bu qetimqi çempionatta Braziliya, Argentina, Germaniya, İspaniya komandiliri mukapatliq orunlarğa sazavär bolidu, däp tähmin qilişqa bolidu.

Şšhrät MÄSİMOV.

Bälüşüş

Javap qalduruŋ