Toy kšläŋgüsi

0
879 ret oqıldı

Abdurusul ÖMÄR

Oktyabr' eyiniŋ başliri edi. Ğulҗiğa kelişim bilänla, huddi maŋila qarap turğandäk, Һaşim haҗikamniŋ qiziniŋ toyi başlinip kätti. Һaşim haҗikam dadamniŋ tağisiniŋ oğli edi. Aldinqi jili Stambuldiki çoŋ oğli bilän Һärämgä berip, häҗ-tavap qilip kälgän edi. Uniŋ ikki oğli Stambul, Almuta vä Ürümçi ariliğida qatnap jürüp, soda bilän şuğullinip, nurğun pul tapti. İkki yärgä üç qävätlik bena selip, benaniŋ içi-teşini näççä on miŋ yüvän pul häşläp zenätlidi. İlgärki yenik maşinilirini ändi yaratmay setivetip, Germaniyaniŋ «Mersedes» markiliq maşinilirini setivaldi. Ular tehi yeqindila «Siŋlimizniŋ toyiğa işlitiŋ», däp dadisiğa jigirmä miŋ yüvän pul bärgän edi. Şuŋa qiziniŋ toyiğa qançilik pul kätsimu, Һaşim haҗikamniŋ buruti tävrimätti.

Män Һaşim haҗikamniŋ hoylisida altä qetim esilğan qazanğa dahil boldum. Älçilär kelip, qiz-jigitniŋ toy küni bäkitilgändin keyin, äŋ aval «Rähmät-tazim çeyi» štküzüldi. Bu çayğa uruq-tuqqanlardin başqa, üç-tšrt yüzdäk ärlär qatnişip, yoğan qazan esildi. «Rähmät çaydin» keyin, dağduğiliq «Aqliq çay» štküzüldi. «Aqliq çaydin» keyin, «Mal tapşuruş çeyi» štküzüldi. Bu çayğimu üç yüzdin artuq är-ayal qatnaşti. Mehmanlarğa näççä hil tamaq täyyarlinip, mol dästihan selindi. Jigit täräp yoğan bir maşinida bir topaq bilän tšrt bodaq qoy, tağar-tağarda gürüç, yüz kilo may, birnäççä tağar sävzä, näççä kilogramm çay, näççä yaöik qänt-gezäk vä başqa lazimliq närsilärni elip käldi. Müŋgüzlirigä qizil lentilar bağlanğan topaq bilän bodaq qoylar elip kirilgändä, hoyla içi toy täntänisigä çšmüp, başqiçä җanlinip kätti…

«Mal tapşuruş çeyidin» keyin toy boldi. Ätigändin käçkiçä mehmanlarniŋ ayiği üzülmidi. Toyğa kälgän adämniŋ sani miŋdin eşip kätti. Toydin keyin «Çillaq çeyi» štküzüldi. «Çillaq çeyiğimu» qudilar, uruq-tuqqan, holum-hoşnilar bolup ikki yüzdin artuq kişi çaqirildi. Petir manta bilän polu tartilip, haşamätlik dästihan selindi. «Çillaq çeyidin» keyin, «Qizni җümälitiş çeyi» štti.

Һaşim haҗikamniŋ šyidä štküzülgän altä hil çay häqqidä täpsiliy tohtalsaq, qäğäz tut kälmäydu. Kitaphanlirimizni zeriktürüp qoymasliq üçün, päqät şu çaylarniŋ biri bolğan «Aqliq çayniŋ» qandaq štküzülgänligini eytip bärmäkçimän.

Һaşim haҗikamniŋ on näççä eğiz šyi gülliri otqaştäk çaqnap turidiğan yoğan Hotän gilämliri bilän bezälgän edi. Näççä onliğan qiz-kelinlär duhavidin pärtuq tartip, putiğa çirayliq qizil mähmäldin sapmakäş kiyişip, mäydisigä gül taqiğan halda u šydin, bu šygä jügrişip jürätti. Ular saray šylärgä tamni çšridäp haŋdän tovar vä ätläslärdin tikilgän kšrpilärni selişatti. Peşayvandiki uzun üstälgä dästä-dästä qilip äҗdiha sürätlik çirayliq piyalilärni, çay quyidiğan çšgün-çäynäklärni tizişatti. Qolğa su alidiğan aptava-çilapçilarni hazirlişatti.

Män qazan beşida Һaşim haҗikamniŋ birnäççä är tuqqanliri vä qudiliri bilän paraŋlişip oltirattim. «Aqliq çayğa» tuqqanlarniŋ ärlirimu çaqirilğan edi. Bostan mähällisidä daŋqi bar aşpäz Meҗit qari nahayiti tüҗüpläp poluniŋ sävzisini qoruvatatti. Neridiki bağda yandaş tamniŋ tüvidä yänä bir qazanda gšş pişirilip, qordaqqa täyyarliq qilinivatatti. Yänä bir çättä Һaşim haҗikamniŋ ikki oğli aq çeläktä rişalä etiş bilän bänt edi. Aşpäz ustam rişalä etivatqanlarğa qarap:

— Һäy, balilar, boldi qoçuvärmäŋlar, ändi üstigä qiyamni quyuŋlar, qoçuvärsäŋlar, tämi qalmaydu, — dedi.

Rişalä etivatqanlar ändi qoçuşni tohtitip, çeläkkä koridiki qiyamni quydidä, çoka bilän yänä birnäççä qetim qoçuğandin keyin, eğizini yepip qoyuşti.

Qazan beşiniŋ yenidiki aşhana šydä yättä-säkkiz ayal pätmus tiziş bilän avarä edi. Һärbir pätmusqa nan, sambusa samsa, navat, qänt, härhil kämpütlärni, pataza, qaq bäliş, tuş vä härhil peçen'elärdin bolup, on näççä hil tatliq-turum tizatti. Şunçä kšp närsini patquzuş üçün yoğan pätmus bolmisa bolmatti. Һaşim haҗikamniŋ šyidiki yüz näççä yoğan pätmus yetişmäy, holum-hoşnilarniŋ šyidin pätmus sorap çiqişti. Pätmuslar bir ayalğa birdin tartilatti. Һärbir pätmusniŋ astiğa yoğan aq tsellofan halta selinğan edi.

Kün peşindin alqip qalğan edi. Aş dümlinip, qordaqmu pişay däp qaldi. Ayallar mähällä-mähällidin top-top bolup kelişkä başlidi. Bir saatqa qalmay, därvaziniŋ aldiğa kiçik maşina-avtobuslar toşup kätti. Һämminiŋ ahirida Һaşim haҗikamniŋ qudisi Selim bayväççiniŋ ayali Paşa henim tuqqanliri vä holum-hoşniliri bilän sanduq, yaöiklarni, çoŋ-kiçik bopilarni yaş balilarğa kštärgüzüp, häyvät bilän kirip kelişti. Һaşim haҗikamniŋ ayali Ayimhan haҗim ularniŋ aldiğa çiqip, bir-birläp üzini yeqip kšrüştidä, mehmanhaniğa başlidi.

Һaşim haҗikamniŋ qudisi Selim bayväççimu Bostan mähällisidiki kšzgä kšrüngän baylarniŋ biri edi. Uniŋ çoŋ oğli Türkiyadä restoran eçip, nahayiti beyip kätkän edi. Һazir toyini qilivatqan kiçik oğlimu Taşkänttä soda bilän şuğullinip, helä kšp pul tapqanmiş. Selim bayväççä çoŋ koçiniŋ dohmuşiğa yeŋidin salğan ikki qävätlik dukanda otturançi oğli vä bir nävrisi bilän billä pütünläy çät älniŋ mallirini, kiyim-keçäklirini satatti. Uniŋ üçün toyğa yüz — ikki yüz miŋ yüvän pul kätsimu, heç qançä bilinmätti.

Aldiğa pärtuq tartqan qiz-kelinlär mehmanlarniŋ qolliriğa su elip, gilämlärniŋ üstigä dästihan selişti, härbir ayalniŋ aldiğa birdin, җämi ikki yüzgä yeqin pätmus tartildi. Pätmuslardin başqa dästihanğa tizivetilgän mayliq toğaç, rişalä, alma, näşpüt, üzümlärmu kšzniŋ yeğini yäp, çaqnap turatti.

Qazan beşidiki ärlärniŋ bir qismi sahiphanniŋ täklivi bilän ayrim šygä kirip ketişti. Män hoylida oltirip, җiqiraq närsilärni šz kšzüm bilän kšrüşni halattim, şuŋa sahiphan şunçä zorlisimu, hšzür eytip, birnäççimiz qazan beşidila sorun tüzüp oltiriştuq.

Çay quyuldi. Sahiphan: «Qeni mäzälärgä beqişsila!» deyişi bilän täŋla, mehmanlar dästihanğa qol selişti. Aldi bilän mayliq toğaçlarni uştup, rişaligä miläp, hšzürlinip yeyişti (härbir ayalğa bir sirkaydin rişalä tartilğan edi). Andin mevilärgä beqişti. Alma, näşpütlärni birdin, ikkidin elişip, yançuqliriğa selişti. Çaydin keyin qordaq, polu tartildi. Aridin bir saat štmäyla, dästihan quruqdilip, pätmuslardiki tatliq-turumlarmu tsellofan haltilarğa selinip boldi. Biraq, ikki ayalğa bir tavaqtin tartilğan qordaq, polular tüzük yeyilmäy, qara gšşlirila yeyilip, şu peti qaytip çiqti. Män eşip qalğan polu, qordaqlar qazanğa tškülüvatqanda, nemä üçündu, ihtiyarsiz halda, namrat dehan qerindaşlarni äsläp qaldim. Qaraŋ, bu yärdä yäydiğanğa eğiz yoq, israpçiliq ädäp ketivatqan, bir yärdä häqlär aç qosaq zarlap štüvatqan… Nemä degän täŋsizlik-hä!

Dästihanlar jiğişturulup, qolğa su elinğandin keyin, mehmanlar dua qilişip, orunliridin qozğilişti. Ayallar hoyliğa çiqqanda, hoyliniŋ otturisiğa yoğan birnäççä giläm selinip, gilämniŋ bir çetigä yoğan ikki sanduq, näqişlik bir jürüş yağaç sanduq, yaöiklär qoyuluvatatti. Duhavidin pärtuq tartivalğan, yüzi yapilaq, aq semiz, ällik yaşlardiki bir ayal hizmät qilivatqan birnäççä qizlarniŋ yardimi bilän yaöiklärdiki qänt-gezäklärni pätmuslarğa tizişqa başlidi. Bir pästila çoka-çoka navatlar, paçkiliq qäntlär, tortlar, buloçkilar, härhil esil kämpütlär, patazilar, mämpäzlär, härhil peçen'elär gilämniŋ üzini qaplidi. Һärhil nazu-nemätlär, huddi gülzarliqtiki hilmu-hil eçilğan güllärni äslitätti.

Bir çağda heliqi aq semiz ayal ätrapidiki mehmanlarğa qarap:

— Tuqqanlar, hanimlar, birdäm җim turuşsila, härqaysiliri kšrüp turğan bu pätmustiki närsilär jigit täräpniŋ äkälgän tatliq-turumliri! — däp tovlidi.

— Yapir, qänt-gezäklärnila säksän pätmus äkäptu, — dedi qazan beşidikilärniŋ biri.

Biz häyran bolğan halda, bir-birimizgä qarişip qalduq.

Qänt-gezäklär jiğişturulğandin keyin, heliqi ayal yoğan tšgä sanduqniŋ eğizini açti:

— Mana, bu qizğa çät äldin aldurğan yazliq, küzlük, qişliq esil pal'tolar. Mana bu hrom pal'tosi, mana bu hrom çapini, mana bu kostyum-yubkisi tšrt qur, җiŋ sarҗidin, mana bu härhil esil koftilar…

Bir pästila gilämniŋ üstigä härhil pal'tolar, kostyum-yubkilar, härhil juŋ rähtlärdin, şipiŋ duhavidin, han ätlästin, krepdeşindin tikilgän hilmu-hil kšynäklär, İtaliyaniŋ daŋliq štükliri, tuflilar, qama qulaqça vä qimmät bahaliq yazliq, qişliq yağliqlar, aliy däriҗilik iç kiyimlär, nepiz-qelin paypaqlar vä toyluq kiyimi pätmus-pätmuslarda qatar tizilip kätti. Tizilğan kiyim-keçäklärniŋ kšpligidin kšz qamişatti. Qizğa elinğan kiyim-keçäklär tizilip bolğandin keyin, yoğan bir pätmusqa altun bezäklär tizilişqa başlidi: härbiri atmiş grammliqtin bir җüp altun biläyüzük, bir altun saat, bir җüp altun halqa, ikki җüp altun üzük, altun zänҗir, altun bulavka, altun medal'on… Mehmanlar qizğa elinğan altun җabduqlarniŋ kšpligi vä hilmu-hilliğiğa häyran qelişti.

Qizniŋ kiyimliri vä zebu-zenätliri bilän giläm lipmu-liq tolğan edi. Giläm ikkinçi qetim jiğişturuldi. Sanduq açquçi ayalniŋ elan qilişi bilän ändi jigit täräpniŋ qizniŋ ata-anisi, bir tuqqanliri, tağiliri, hammiliri vä yeqin dostliri, holum-hoşniliriğa qilğan soğiliri giläm üstigä tizilişqa başlidi. Qizniŋ ata-anisiğa draptin pal'toluq vä birdin esil djemper, bir tuqqanliriğa gabardindin, sarҗidin pal'toluq, tağiliriğa җiŋ sarҗidin kostyum-bryukiliq, hammiliriğa kostyum-yubkiliq, holum-hoşniliri vä yeqinliriğa şipiŋ duhavidin, han ätlästin kiyimliklär qoyuldi…

Һaşim haҗim Bostan mähällisidiki uruq-җämiti äŋ kšp kişi bolğaçqa, säksän kişilik soğa qoyulsimu, qaysidu-bir şiräm tuqqini qelip qalğaçqa, yänila kšŋül ağriğidin hali bolalmidi.

Giläm üçinçi qetim jiğişturulğandin keyin, heliqi ayal üniniŋ bariçä tovlap, ändi qiz täräpniŋ jigitkä vä uniŋ ata-anisiğa, tuqqanliriğa qilğan kiyim-keçäkliri, soğiliri qoyilidiğanliğini elan qildi.

Aldi bilän jigitkä elinğan yazliq, qişliq esil pal'tolar, hrom çapan, qoş-qoş esil djemper, kostyumlar, esil štük, şibletlar, çät älniŋ esil qulaqçisi, qimmät bahaliq kšynäklär, iç kiyimlär, härhil galstuklar tizildi. Andin jigitniŋ ata-anisiğa, uruq-tuqqanliriğa, holum-hoşniliriğa atalğan kiyim-keçäk, soğilar tizildi. Ahirida jigitkä elinğan altun üzük vä altun saat bilän billä qizğa atap elinğan altun biläyüzük, altun halqa, altun üzük vä altun zänҗirlär bir-birläp kšräk qilinip, pätmusqa tizildi.

Bu qetim gilämgä tizilğan pätmusniŋ sanimu yätmiştin eşip kätti.

Kün helila käç kirip qalğan edi. Käç küzniŋ soğ havasida ayallar dügdäräşti, aran çidap turuşatti. Bir qisim ayallar bu «toy yärmäŋkisiniŋ» qaçan tügişigä kšzi yätmäy, ketip qelişti.

Gilämgä tizilğan ahirqi pätmuslar jiğişturulup bolğandin keyin, heliqi aq semiz ayal gilämniŋ aldidiki kšrpidä oltarğan birqançä haҗim hanimlar vä büvimlärgä qarap:

— Selim bayväççä vä Һaşim haҗikamniŋ qiz bilän jigitkä vä qudilarğa, tuqqanlarğa atap qilğanliri moşuniŋ bilän ahirilaşti. Qeni, ämsä, härbirliri toyniŋ çirayliq štüşini, jigit bilän qizniŋ turmuşiniŋ bähitlik boluşini tiläp dua qilip berişsilä! — dedi.

Һaҗim hanimlar, büvimlär duağa qol kštirişti…

***

Һaşim haҗikamniŋ qiziniŋ toyidin keyin, uzun štmäy, Bostan mähällisidä mundaq bir kšŋülsiz vaqiä yüz bärdi.

«Juqarqi mähällidiki Ämät baqqalniŋ oğli Adil tšvänki mähällidiki Qadir haҗimniŋ qizi Zohrani äpqeçiptu», degän hävär pütkül mähälligä pur kätti. Ähval häqiqätän şundaq edi.

Qiz äpqeçiş — tarihtin buyan yüz berip kelivatqan iş. Bäzidä qizniŋ yaki jigitniŋ ata-anisi quda bolğuçi täräpni šzlirigä munasip kšrmäy, jigit bilän qizniŋ toy qilişiğa yol qoymaydu. Bäzidä qiz täräp jigit täräpkä nahayiti juquri täläp vä şärtlärni qoyup turuvalidu. Jigit täräpniŋ ihtisadiy ähvali u şärtlärni orunlaşqa yar bärmäydu. Moşundaq ähvallarda šz visaliğa yetişkä kšzi yätmigän qiz bilän jigit täväkül qilip qeçişqa mäҗbur bolidu. Şuŋlaşqa bu hil hadisä yüz bärgändä, uniŋ sävävini çoŋqur tählil qiliş vä muvapiq birtäräp qiliş lazim.

***

Oğli Adilniŋ Qadir haҗimniŋ qizi Zohra bilän pütüşüp qalğanliğini aŋliğanda, Ämät ahunniŋ beşi peqirap, aläm çšrgiligändäk boldi. U: «Qadir haҗim mähällimizdiki çoŋ baylarniŋ biri. Qolini nägä sozsa — yetidu, män bolsam, addiy bir bağvän, qandaqmu uniŋ bilän täŋlişäläymän… Äŋ yahşisi, Adilni bu niyitidin yanduray», däp oylidi. U ayali Zorihan arqiliq nesihät qilip, oğlini niyitidin yandurmaqçi boldi. Lekin Zorihan Adilğa birqançä qetim nesihät qilipmu, gepini aŋlitalmidi. Ahiri Ämät ahun oğli bilän oçuq sšzlişip, qattiq gäp qilğanmu boldi. Lekin Adil zadi gepidin yanmidi.

Ämät ahun nailaҗ holum-hoşniliriniŋ mäslihiti bilän mähällidiki moysäpitlärdin birnäççä kişini Qadir haҗimniŋ šyigä älçilikkä ävätti.

Qadir haҗim däsläptä: «Qizimni bir baqqalniŋ oğliğa  berämdimän, bolmaydu», däp unmay turuvaldi. Lekin mähälliniŋ moysäpitliri qayta-qayta gäp qilip, neka qanunini çüşändürgändin keyin, päs koyğa çüşüp, qoşulğandäk qilğan bolsimu: «Selim bayväççä Һaşim haҗimniŋ qiziğa qançilik toyluq äkälgän bolsa, Ämätmu şunçilik toyluq äkälsun, bolmisa toyni qilmaymän», degän şärtni qoyup turuvaldi. Älçilär nailaҗ qaytip ketişti.

Älçilär uniŋğa Qadir haҗimniŋ tälivini yätküzgändä, Ämät ahunniŋ qaramtu çirayi tehimu qaridap, turğan ornida qaqqan qozuqtäk tunҗuqup turup qaldi. Uniŋ bu toydin ümüti üzülgän edi.

Zorihan älçilärniŋ gepini aŋliğanda, beşida çaqmaq çeqilğandäk bolup, kšz yaşliri ihtiyarsiz mäŋzini boylap eqişqa başlidi. Bu şum hävärni oğli Adil aŋlisa, nemä bolup ketär… «Ah, Huda nemişkimu şor peşanä qilip yaratqansän… Bu täŋsizlikniŋ därdini qaçanğiçä tartarmiz…».

***

Qadir haҗim qizi Zohraniŋ Ämät baqqalniŋ oğli Adil bilän qaçqanliğidin hävär tapqanda, puti kšygän tohudäk tepirlap šzini qoyidiğan yär tapalmay qaldi. U peşayvanliq yoğan hoylisiniŋ otturisida u yaqtin-bu yaqqa meŋip, äsäbiylärçä vaqiratti:

— Һu, munapiqlar, meniŋ undaq qizim yoq. Adäm tepilmiğandäk bir gadayniŋ balisiğa ägişip qaçqinini qara. Kšzümgä kšrüngüçi bolmisun, bolmisa här ikkisiniŋ җenini alimän…

Qadir haҗimniŋ ayali Ayşäm henimmu uniŋğa җor bolup, šzini kaçatlap, jiğlatti:

— Vay, Hudayim, bu nemä şärmändiçilik… Hälqi aläm aldida qandaqmu beşimni kštirip jürärmän… Vay tovva, qiz bala baqtim däp bir bala-qazani baqqan ohşaymän… Vay, haҗim, ändi qandaq qilarmiz?!

Qadir haҗimniŋ hoylisidiki qiya-җiya, jiğa-zerini aŋlap, bir pästila holum-hoşnilar kirip kelişti. Ular ähvaldin hävär tapqandin keyin, bäziliri yaqilirini tutuşup, tovva deyişsä, bäziliri içidä: «Hop boptu, toyluq seliq selip, haşamätlik toy qilimän, degängä toysun!» deyişätti. Şundaq bolsimu: «Balilar nadanliq qilip qoyuptu, sävir qilişsila. Ändi qaqşap-jiğliğan bilän orniğa kälmäydu…» deyişip, täsälla berişätti. Ärlär Qadir haҗimni, ayallar Ayşäm henimni qoltuğidin yšläp, saray šygä kirip ketişti.

Aridin birär saat štmäyla, Bostan mähällisidiki birnäççä moysäpit bilän ahali komitetiniŋ mäs°ulliri kirip kelişti. Ular kirişi bilän Qadir haҗim tehimu äzväyläp kätti. U gäp qilğanda, sozunçaq üzi başqiçä tatirip, šşkä saqili titiräp ketätti. U jigitni «mutihäm», «qaraqçi», «hayvan» däp tillisa, qizini «nomussiz», «tuzkor» däp haqarätlätti.

— Qadir haҗim! — dedi mähällidiki moysäpitlärniŋ biri. — Artuqçä kayip, šzlirini upratmisila. Oylap baqsila, bu işni pütünläy balilardin kšrüp kätkilimu bolmaydu. Ötkändä biz älçilikkä kälgändä, Ämät baqqalğa qoyğan täläpliri äsliridä bardu? Һämmä gäp mana şuniŋda. Aqiviti nemä boldi? Ändi başlirini taşqa ursilimu bekar… Äŋ yahşisi, neka oqutuş räsmiyitini ada qilivetäyli, — dedi.

— Yaq, šlsämmu mundaq şärmändä toyni qilmaymän, ata-baliliqtin vaz käçsäm keçimänki, neka oqutmaymän. U munapiqlar, šyümgä qädäm basquçi bolmisun! — däp җahilliq bilän gepidä çiŋ turuvaldi Qadir haҗim.

— Qadir haҗika! — dedi ahali komitetiniŋ mudiri. — Ubdan oylansila, ikki yaşniŋ neka ärkinligigä tosqunluq qilsa bolmaydu. Ägär gäpliridä çiŋ turuvalsila, bu işqa täşkil egä bolup, qanun boyiçä birtäräp qilimiz. U çağda šzlirigimu gäp kelip qalidu. Zohra yänila siliniŋ qizliri, ata-baliliqtin vaz keçimän degänliri, toğra ämäs… Äŋ yahşisi, toy räsmiyitini štävetäyli, şu çağda siliniŋmu, Ayşäm henimniŋmu baş ağriği saqiyidu.

Qadir haҗim ahali komiteti mudiriniŋ sšzidin keyin, nemişkidu, birdinla җimip kätti. U mudirniŋ: «…Bu işqa täşkil egä bolup, qanun boyiçä birtäräp qilimiz. U çağda šzlirigimu gäp kelip qalidu», degän sšzini oylap, änsiräp qaldi. U šziniŋ bir çağlarda «hayankäş», «ätkäsçi» degän qalpaqlarni kiyip kšrgän künlirini äsläp, teni şürkängändäk boldidä, nailaҗ maqul boldi. Mäslihät boyiçä yäkşänbä küni ikki yaşniŋ nekasi oqulidiğan, toy räsmiyitimu štülidiğan boldi…

***

Yäkşänbä küni Bostan mähällisidä toy štküzüldi. Bu toyniŋ heçqandaq dağduğisi bolmidi. Jigit täräpmu, qiz täräpmu birla qetim qazan esişip, mähällidikilärnila toyğa çillaşti. Qiz täräp jigit täräpkä artuqçä täläp qoyuşqa petinalmidi. Ämät ahun aka qiz-jigitkä tapqinini qildi. Qiz täräpmu šz layiğida atiğinini qildi. Bu toydin az sandiki baylar narazi boluşti. Mutlaq kšpçilik kişi mämnun boldi. Hoşal bolğanlar qiz bilän jigit edi. Çünki ular visalğa yetip, çin bähitniŋ läzzitini tetiğandi.

Toy җäriyanida Qadir haҗimniŋ zadila qapiği eçilmidi. U toyğa kälgänlär bilän eğiziniŋ uçidila amanlişip kšrüşkän boldi. Uniŋ meyisida aççiq äläm bilän puşayman arilaş eçiniş tuyğusi hšküm sürätti.

(«Tarim» jurnalidin ihçamlap elindi).

Bälüşüş

Javap qalduruŋ