Şagirtlar küç sinaşti

0
621 ret oqıldı

Uyğur nahiyäsidä täntärbiyä vä sport sahasiniŋ täräqqiyatiğa ülüş qoşup, yeza yaşliri bilän šsmürlär arisida sağlam hayat tärizini tärğip qilğan ustaz-mäşiqländürgüçilär kšpläp sanilidu. Bolat Ahmetov,  Azat Paltuşev, Tursun Һezbaqiev, Ärkin Mamutov äynä şular җümlisidin. Bu sport veteranliriniŋ arisida märhum İsa Mirzaevniŋmu nahiyädiki sport işqivazliriniŋ qälbidä orni bšläk. Çünki uniŋ ästaidil ämgigi bädiligä nahiyäniŋ nurğunliğan qiz-oğulliri vilayät vä җumhuriyät dairisidä tonuluşqa muväppäq bolğan edi.

Narinqol nahiyäsiniŋ (hazirqi Rayimbek) Sümbä yezisida 1948-jili duniyağa kälgän İsa Qizilçegara yezisidiki ottura mäktäpni tamamlap, Almutidiki Qazaq täntärbiyä institutida tähsil kšridu. Mäzkür bilim därgahini 1972-jili pütirip, şu jilila Uyğur nahiyälik balilar vä šsmürlär sport mäktividä ämgäk paaliyitini yaş futbolçilarni mäşiqländürüştin başlidi. Tšrt jil mabaynida vilayät dairisigä tonulğan futbolçilar arisida Tilivaldi Kebirov Almutiniŋ «Qayrat» komandisi tärkivigä elinip, ustaziniŋ ämgigini aqliğan edi. Bu nahiyä üçün çoŋ utuq edi. Şuŋlaşqa 1976-jili nahiyälik partkomniŋ qarari bilän nahiyälik «Qayrat» ihtiyariy sport җämiyitiniŋ räisligigä tayinlanğan ustaz-mäşiqländürgüçi barliq egiliklärdä  mäzkür jämiyätniŋ şšbilirini eçip, işqa qizğin kirişti. On bäş jil mabaynida nahiyä yaşliri birnäççä qetim vilayät boyiçä ğalip ataldi.

2011-jili hšrmätlik däm elişqa çiqqan İsa aka kšp jilliq mehnätniŋ halavitini kšrüp ülgärmäyla duniyadin štti.

Yeqinda rämitiniŋ qädinas ağinisi Ablimit Märdanovniŋ täşäbbusi vä nahiyä rähbärligi, nahiyälik balilar vä šsmürlär sport mäktiviniŋ häm İsa akiniŋ äl-ağiniliriniŋ, uruq-tuqqanliriniŋ qollap-quvätlişi bilän armrestling boyiçä märhumniŋ hatirisigä beğişlanğan turnir uyuşturuldi. Yaş sportçilar aldida sšzgä çiqqan nahiyälik sport mäktiviniŋ mudiri Җahangir Mäҗitov, mäşiqländürgüçi Elmira Sartbaeva, nahiyälik täntärbiyä vä sport bšlüminiŋ başliği Adilҗan Qurbanniyazov, mštivärlär Ablimit Märdanov, Marat Gayitov vä başqilar bemäzgil duniyadin štkän jutdişini äsläp, hatiriliri bilän bšlüşti. Andin nahiyädiki ottura mäktäplärniŋ oquğuçiliri bilän sabiq şagirtlar sinaqqa çüşüp, härhil salmaq däriҗisidiki 85 sportçi biläk küçini namayiş qildi. Mukapatliq orunlarğa erişkänlär sport mäktivi mudiriyitiniŋ medali vä pähriy yarliqliri bilän mukapatlandi. Ahirida musabiqini  uyuşturğuçi top sšzgä çiqip, uşbu çarä-tädbirniŋ utuqluq štüşigä ülüşini qoşqan jutdaşlarğa minnätdarliq izhar qildi.

Mahmut İSRAPİLOV.

Uyğur nahiyäsi.

 

Bälüşüş

Javap qalduruŋ