«EKSPO-2017» kšrgäzmisigä bolğan yolda

0
538 ret oqıldı

Aqordida Prezident Nursultan Nazarbaev «Astana EKSPO-2017» Memarçiliq layihisi kontseptsiyasi bilän tonuşti. Kšrgäzminiŋ äŋ yahşi lahiyisigä elan qilinğan konkursniŋ ğalibi Adrian Smith+Gordon Gill Architecture LLP şirkiti štküzgän tonuşturuş märasimida Dšlät rähbiri Duniyaviy kšrgäzminiŋ Astanada uyuşturulidiğan äŋ çoŋ çarä-tädbir bolidiğanliğini täkitlidi.

—            Mäzkür kompleks şähär qiyapitini toluq šzgärtidu. Män konkursqa qatnaşqan «EKSPO-2017» asasiy benasiniŋ barliq layihiliri bilän tonuşup çiqtim. Andin ularniŋ arisidin äŋ yahşi on layihä tallavelindi vä ahirida Adrian Smith+Gordon Gill Architecture LLP varianti toğriliq qarar qobul qilindi. Mäzkür şirkätniŋ päqät quruluş sahasidila ämäs, bälki «yeşil» ihtisat sahasidimu çoŋ täҗribigä egä ekänligi hesapqa elindi, — dedi Prezident.

Nursultan Nazarbaev ğalip çiqqan şirkät layihisiniŋ «yeşil» energetika sahasida ülgä bolidiğanliğini vä buniŋdin keyinki quruluşniŋ moşu täҗribigä asaslinişi keräkligini täkitlidi.

— Kšrgäzmä kompleksiniŋ bir vaqitta quyaş, şamal energiyasini, şundaqla ählätni qayta işläştin çiqidiğan energiyani işläp çiqiridiğanliği Qazaqstan vä pütkül regionimiz üçün yahşi ülgä bolidu. Ämäliyatta moşu çoŋ kompleks šzini šzi elektr energiyasi bilän täminläläydu, quyaş vä şamal yahşi bolğanda, uni şähär sistemisiğa ävätiläydu. Bu nadir layihä vä uni biz birinçi bolup ämälgä aşuruvatimiz, — dedi Dšlät rähbiri.

Prezident kšrgäzmä štküzülgändin keyin uniŋ barliq benaliriniŋ häliq mänpiyiti üçün paydilinilişi keräkligigä yänä bir qetim diqqät ağdurdi.

Ahirida Prezident kšrgäzmä ob°ektliri quruluşiniŋ qärälini vä süpitini nazarät qilidiğan injiniringliq şirkätniŋ tallavelinğanliğini täkitlidi.

Bu yärdä şuni qoşumçä qilimizki, EKSPO-2017 memarçiliq kompleksiniŋ quruluşi tähminän moşu jilniŋ may eyida başlinidu.

Bälüşüş

Javap qalduruŋ