Meniŋ hoşnilirimMeniŋ

0
657 ret oqıldı

Qerindaşliq riştiliri/iMabada mustäqillik šzlügidin kelip qaldi desäk, natoğra pikir  bolar edi. Tar štkül, çiğir yol, ätiki täğdirimizni gumanliq qilğan väziyätlärni yeŋip, nişanğa işäşlik qädäm taşliğandin keyinla kälgän bähit bu. Uniŋ bahardäk illiq hidi tehi dilimizda. Bu küçkä küç, niyätkä tiräk bolidiğan sezim. Uniŋ härbirimizgä artqan jüki, zor җavapkärligi häm moҗut. Äl birligi, yär pütünlügi, hälqimizniŋ iҗilliğini saqlap qelişniŋ näqädär muhimliğini yahşi his qilduq. Huddi bir šyniŋ baliliridäk qol tutuşup, parlaq nişanğa yol alduq. Qazaqstan namliq bärikätlik äl hälqiniŋ birlik, razimänlik, qerindaşliq riştiliri arqiliq bügünki hatirҗämlikkä eriştuq. Äyni ähvalni härkim šziçä җoruydu.

Män bügün hoşnilirim häqqidä hekayä qilmaqçimän. Ätigändä sirtqa çiqipla hoşnam Yüsüpni uçritimän. Taҗik jigiti. Känҗä qizini yetiläp mäktäpkä maŋidu. Ayali Sänäm — uyğur. Yüsüp keŋäş dävridä härbiy hizmitini bizniŋ Çonҗida štävatqanda, ağriqhaniğa çüşüp qalidu. Şu yärdä işläydiğan Sänämgä aşiq bolidu. Ahiri, ikkisi šylinip, jigitniŋ juti — Aşhabadqa ketidu. Tunҗisi Muhsin şu yärdä tuğulidu. İkkinçi pärzändigä boy kštärgändä Sänäm ağrişqa başlaydu. Buni sšyümlüginiŋ ana jutini, qerindaşlirini seğinivatqiniğa җoriğan Yüsüp ailisi bilän Çonҗiğa kelidudä, ahiri moşu yärlik bolup qalidu. Şuniŋdin beri talay jil štti. Ular Mihroş isimliq oğul vä Tamono degän çirayliq qizçaq sšydi. Yüsüpmu hazir bizniŋ diyarğa üginip, siŋişip kätti. Çoŋ oğli härbiy hizmätkä atlanğanda, holum-hoşnilar bilän çirayliq uzattuq. Kälgändä vaŋ-çuŋimiz bilän aldiğa çiqip kütüvalduq. Mihroş biyil mäktäpni pütärmäkçi. Mustäqillikniŋ täŋtuşi bolğan bu balilar qazaqçiğa sudäk.  Şuniŋğa qarap ana tilini untup qaldimekin, degän gumanim bekar bolup çiqti. Ular šydä ana tilida sšzlişidekän. Yüsüp šz pärzäntliriniŋ Qazaqstanda tuğulup, moşu jutta šsüp -yetilivatqiniğa razi.  U arilap bizniŋ šygä şahmat oyniğili kiridu. Bäzidä uruq-tuqqanliri häqqidä sorap qoyimän. Jiliğa bir-ikki qetim jutiğa berip qaytidekän. Qerindaşliri yardäm berip turidiğan ohşaydu.

Neriqi šydä Klara Nikolaevna bilän Alla turidu. Oruslar. Һärqandaq muyumimiz ularsiz štmäydu. Bir täripimizdä — koçimizniŋ anisi, mäslihätçimiz Tamara hädäm Räşitova. Һäzillişip, «Ayalbeşi» däpmu qoyimiz. U uzun jillar bank başliği bolup işläp, pensiyagä çiqqan. Һazir yätmiştin alqiğan ana birär hoşnimiz ağrip yaki yardämgä muhtaҗ bolup qalsa, hämmimizniŋ beşini qoşup, yardämgä çaqiridu. Uniŋ eytqinini heçkim moşu kämgiçä yärdä qoyğan ämäs. Һätta koça tazilaşqimu «ayalbeşimiz» hämmimizni bir kişidäk başlap çiqidu. İş pütkändin keyin bir šygä jiğilip, puğanimiz qanğiçä muŋdişip, içi-qarnimizni boşitivalimiz.

Män «hoşnilarni tonumaymiz, arilaşmaymiz» däydiğanlarni zadila çüşänmäymän. Yeqinda šlüm işi bolup qaldi. Tamara animiz beşimizni qoşup här qaysimizğa tapşuruqlarni bärdi. Ömlüşüp hoşniniŋ qayğusini yenikläştürüşkä tiriştuq.

Toy bolsimu şu. Һämmä işni hoşnilar täŋ bšlüşüvalimizdä, äl-jutni bärikätlik, şat-horam uzitimiz.

Koçimizniŋ moysäpitliri «Televizordin Nazarbaevniŋ sšzini  tiŋşiduq. Şu kişi aman bolsun, bäş vaq namazda Älbeşiğa beğişlap dua qilimiz», deyişidu.

— Aldi bilän bala-çaqimizniŋ amanliğini tilimämsilär, — däymän häzillişip.

— Qizim, şu kişiniŋ dšlitidä tiniç, hatirҗäm šmür sürüvatimiz. Yättä bala šstürdüm. Һämmisi aldi-aldiğa kätti, — däydu hoşnam Mahinur ana pikrini dälilläşkä tirişip.

— Ändi, sän meni tiŋşa. Şu balilar hazir meniŋ ähvalimni telefon arqiliqla sorap qoyidu. Nazarbaev bolsa, bala šstürdüŋ däp mäydämgä «Altun halqa» esip qoydi. Bir ubdan pensiya berivatidu. U ahçini tiqişturup, nävrilirimgä berimän. Şu çağda meni asravatqan kim? — däp šzämgä qarşi soal qoyidu. Män uniŋğa җavap berälmäy qalimän.

«Bärikät — šmlüktä», degän näqil bekar ämäs. Bu qisqa hayatta bir-birimizni hšrmätläp, yšläp jürgängä nemä yätsun! Ätrapidikilärgä ränҗip, kimdu-birlirini qarğap, nalip yaşiğandin kšrä, käçürümçan, mehrivan, šm bolup hayat käçürgän ävzäl ämäsmu, qerindaşlar!

Bayan MAMIRBAEVA,jurnalist.

Uyğur nahiyäsi.

Bälüşüş

Javap qalduruŋ