13 yaşliq çempion

1
1 356 ret oqıldı

Yeqinda şähsiy tiҗarät işliriğa bağliq pat-patla çät ällärdä bolup turidiğan kona tonuşlarniŋ birini uçritip qaldim. Kšrüşmiginimizgä biraz jillar bolğanliqtin, täbiiyki, sšhbitimizmu helä uzaqqa sozuldi. Özara hal-ähval soraştin başlanğan sšhbitimiz härhil mavzularda davamlişip, tonuşum yeqinda Birläşkän Äräp Ämirliklirini ziyarät qilip qaytqanliğini vä u yärdä alahidä bir häliqara turnirğa dahil bolğanliğini eytti.

Uniŋ sšziçä, mämlikät paytähti Abu-Dabi şähiridä štkän djiu-djitsu boyiçä musabiqiğa, yeşidin qät°iy näzär, salmiği 40 kilogrammdin 120 kilogrammğiçä bolğan sportçilar iştrak qiptu. Bay şeyhlarniŋ biriniŋ täşäbbusi vä hamiyliğida uyuşturulğan turnirniŋ mukapat fondi kšp boldimu yaki başqa mähsätlär kšzdä tutuldimu, namälum, äytävir, uniŋğa AQŞ, Büyük Britaniya, Germaniya, Hitay, Җänubiy Amerika älliri, Qazaqstan vä birqatar Märkiziy Aziya dšlätliri bolup, ällikkä yeqin mämlikätniŋ väkili qatnişiptu.

Moşu yärgä kälgändä uniŋ alahidä hayaҗanliqqa bšlinivatqanliğini bayqidim.

Bilämsän, äŋ hoşal bolidiğan yeri, 42 kilogramm salmaq däriҗisi boyiçä küç sinaşqan palvanlar arisida uyğur pärzändi,13 yaşliq Ähät Nasirov çempion ataldi, — dedi u hayaҗan ilkidä vä tiҗarät işliriğa bağliq uniŋ bovisi İlham bilän pat-patla uçrişip turidiğanliğini qoşumçä qildi.

Şuniŋdin keyin meniŋda Ähätniŋ bovisi bilän uçrişiş oyi päyda boldidä, yänä şu tonuşumniŋ yardimi arqiliq İlhamni tepip, sšhbätläştim.

İlhamniŋ maŋa eytip berişiçä, Ähät uniŋ qizi Şahidämniŋ oğli ekän. 2001-jili duniyağa kälgän u Almutida turğinida, şähärdiki 5-gimnaziyadä oquydu. Keyin ata-anisi bilän Birläşkän Äräp Ämirliklirigä kšçüp ketiptu vä şu yärdiki yetäkçi bilim därgahliriniŋ biri hesaplanğan Äl-Maris İnterneşnl mäktivigä oquşqa kiridu. Mäzkür mäktäptä oqutuş äräp vä ingliz tillirida jürgüzülgäçkä, zehni štkür Ähät bu tillarni çapsanla šzläştürüp ketidu.

Künlärniŋ biridä u rus tilida sšzlişivatqan ikki kişigä duç kelip qalidu. Ularniŋ biri dağstanliq Umar Sultan oğli Aliev bolup, u Ähät bilim elivatqan mäktäptä küräş sektsiyasini başquridekän. (Dağstanniŋ küräş mäktiviniŋ sabiq SSSR dairisidä qançilik ammibapliqqa egä bolğanliğini yahşi bilimiz — Ş.M.). Bovisiniŋ eytişiçä, başta Ähät muällim-mäşiqländürgüçi bilän päqät rus tilida sšzlişiş üçünla küräş sektsiyasigä qatnişip jürüptu. Biraq mäşiqländürgüçiniŋ şagirt ihtidariniŋ qandaq däriҗidä ekänligini šz vaqtida bayqap, täläpni kündin-küngä küçäytişi, täbiiyki, Ähätniŋ qiziqiş-intilişini päydin-päy aşuruşi bara-bara šz mevisini berip, nätiҗidä šsmür-palvan härhil däriҗidiki musabiqilarda mukapatliq orunlardin kšrünüşkä başlaydu. Äynä şundaq turnirlarda maharitini aşurğan u štkän jili Dubay şähiridä šsmürlär arisida štküzülgän duniya çempionatida üçinçi orunğa erişidu. Moşu çempionatta 12 yaşliq palvanniŋ çelişiş usuliğa qayil bolğan täşkiliy komitet uni  mähsus mukapat — qimmät bahaliq yapon kimonosi bilän räğbätländüridu. Biyil bolsa, başta eytip štkinimizdäk, mämlikät paytähtidä štkän musabiqida šz salmaq däriҗisidä altun medal'ğa erişip, hämmini hoşalliqqa bšläydu.

Ähät Nasirov Qazaqstan puhrasi, Birläşkän Äräp Ämirlikliridä yaşaydu. Şuŋlaşqimu Dubayda vä äräp älliri arisida štküzülgän musabiqilarda monu mäsiligä heçkim diqqät ağdurupmu kätmigän edi. Biraq štkän jilqi duniya çempionatida vä biyilqi häliqara musabiqida uniŋ qaysi mämlikätkä vakalätlik qilişi keräkligi toğriliq mäsilä päyda bolidu. Ähätniŋ mäşiqländürgüçisi Umar Aliev uniŋğa Qazaqstan namidin qatnişiş täklivini beridu. Buni җumhuriyät sport sahasiniŋ rähbärligimu maqullaydu. Nätiҗidä Ähät mukapatlanğuçilar supisidin orun alğanda, Qazaqstan Җumhuriyitiniŋ Dšlät bayriği kštirilip, Gimni yaŋraydu.

Biz u küni Ähätniŋ bovisi İlham ikkimiz helä uzaq  sšhbätläştuq. Äşu җäriyanda İlham u yaki bu närsilärni eniqlaveliş üçün nävrisigä birnäççä qetim telefon qildi. Män uniŋdin nävrisidin mukapatlanğuçilar supisiğa kštirilgändä, nemini his qilğanliğini soraşni iltimas qildim. İlham meniŋ iltimasimni orunlap, yanfonniŋ üni qoşup qoydi. Ähätniŋ «Sport kiyimimdä «Qazaqstan» degän yeziq bar. Qazaqstanniŋ Bayriği kštirildi. Nahayiti hayaҗanlandim», degän sšzliri oçuq aŋlandi.

Һä, Ähät tehi 13 yaşta. Çoŋ utuqlar, ataq-unvanlar tehi uniŋ aldida, älvättä. Şundaq ekän, biz uyğur pärzändigä märtivisi juquri häliqara musabiqilarğa pat-pat iştrak qilip, utuq qaziniverişini tiligän bolar eduq.

 Şšhrät MÄSİMOV.

Bälüşüş

1 izahät

  1. Yenilik yahşi! Tebrikleymiz! Şšhrät, Ähätniŋ bovisi İhrim Nasirov akannimu yezip koysan tehimu durus makale bolattigu deymen! Biz gayida suyek egisi ademlirimizni untup ketimiz…..

Javap qalduruŋ