Bar boluŋlar, äzizlär!

0
791 ret oqıldı

Uyğur nahiyälik «İli vadisi» gezitiniŋ sabiq muhbiri Ğäyrät Taşvaevniŋ ismi çoŋ vä ottura boğum ävlat väkillirigä yahşi tonuş. Bügünki kündä hayatiniŋ 70-davanidin aşsimu, kšpçilik mänpiyiti üçün jügräydiğan aditini taşlimiğan Ğäyrät aka bu qetim sabiq sinipdaşliriniŋ beşini qoşup, Çonҗa yezisidiki «Atameken» kafesida uçrişiş štküzdi.Moşuniŋdin 55 jil muqäddäm 42 näpär qiz vä jigit Avat ottura mäktividin uçum boldi. Duniyağa kšz eçipla aniniŋ aq süti vä kšz yeşidin läniti uruşniŋ dähşitini his qilğan ular är yetip, bälänt arman vä arzular bilän çoŋ hayatqa qädäm taşliğan edi. Zatän, ular üçün äşu dähşättin artuq zulum yoq edi.

Dästihan üstidä qädinaslar uzaq muŋdaşti. Ana mäktäpni pütärginigä 45 jil toluşi munasiviti bilän štküzülgän uçrişişta bäkmu yayrap, hämmigä birdäk dostluq mehrini çaçqan Tursun Däraev, Zina Abdrimova, Nävirdin Davutov, Büvi Asipova vä Gülvaräm Baqieva duniyadin štüptu. Ustazlar bilän moşu dostlar rohiğa qur°an tilavät qilinğandin keyin jutdaşlar štmüşkä qayta säpär çäkti. Pärzänt sšyüp, nävrä-çävrilär quçqan mštivärlärniŋ bir-birigä eytari az ämäs, älvättä. Qayğu bilän şatliqta hağda bolğanğa yätsunmu! Gayida mäslihätçigimu haҗätmän bolup qalidu kişi.

Ular üçün hayat behšddä štmidi. Һärkim šz käspi boyiçä işläp, ana jut, egilik vä nahiyäniŋ täräqqiyatiğa ülüş qoşqan. Peşqädäm ustazlar Һämra Ämärov, Vasil İmirov, Sahibäm Tursunova vä Һürläm Mäŋsürova yüzligän şagirtlar qälbigä märipättin çiraq yaqqan. Rahiläm Balinova hšrmätlik däm elişqa çiqqiçä yeŋiliq hävärçisi bolup işligän. Ähmät Sidiqov — talmas biläklik şofer, Nurähmät Qurbanov – salahiyätlik mal dohturi, hä Ärmidin Däraev bolsa, soda sahasiniŋ hadimi. «Altun» vä «Kümüç halqa» sahibliri Hatäm Medinova, Zäytünäm Qasimova, Bähitnurhan Talipova, Märiyäm Semätova, Rizvangül Näsirdinova vä Merhan Kärimova kšpbaliliq qähriman anilar җümlisidindur.

Jillar çanisida yaşliq dävir ğuyuldap štüp, teçliq ämgäk qoynida bäquvät çağlar qaptu. Şu päyttiki molçiliqni hasil qilğan atilar bilän anilar bügünki hatirҗämlikniŋ rämzi ämäsmu?! Ötmüş bilän bügünki künniŋ kšrügi bolğan äşu äzizlär bilän kälgüsi ävladimizniŋ bähtigä bügünki teçliq zamanmu mäŋgülük bolsun. Seğinğan qälblär egiliri didar ğenimättin kam bolmisun, ilahim!

Mahmut İSRAPİLOV.

Uyğur nahiyäsi.

Bälüşüş

Javap qalduruŋ