«Qissäsul änbiya»

0
859 ret oqıldı

Uyğur klassik ädäbiyati tarihida muhim orunda turidiğan mäşhur äsär «Qissäsul änbiya» (äsli nami «Qissäi Rabğozi») Märkiziy  Aziyadä yaşiğuçi türkiy häliqlär arisida äynä moşu nam bilän şšhrät qazandi. Uniŋ muällipi Näsriddin Rabğozi bu äsärni hiҗriyäniŋ 710-jili (miladiniŋ 1300-jili) yezip tamamliğanliğini qäyt qilidu. Äsärniŋ qimmiti şuniŋdin ibarätki, kitapta bayan qilinğan qissilär — İslam duniyasidiki mäşhur päyğämbärlär vä ularniŋ särgüzäştiliri bädiiy vasitilär arqiliq yorutulğan bolup, härhil qiziq vaqiälär arqiliq ataqliq tarihiy şähslärniŋ obrazliri yaritilidu.

Äsli bu kitap 1895-jili Taşkänttä näşir qilinğan šzbäkçä nushisiğa asaslinip vä qayta işlinip, 1998-jili «Qäşqär uyğur näşriyati» täripidin äräp yeziğida yoruq kšrgän edi. Äynä şuniŋ asasida näşir qilinğan bu kitap — «Qissäsul änbiya» — ottura äsirgä täälluq bolğan iҗtimaiy, ählaqiy, mädäniy vä diniy mäsililärni, җümlidin şu dävirdiki uyğur ädäbiyati vä şuniŋğa munasivätlik närsilärni tätqiq qilğuçi alim-mutähässislär üçün muhim mänbä bolup hesaplinidu. Äsärniŋ tili, җümlidin bäzi sšz-ibarilär, täbiiyki, vaqitniŋ štüşi bilän bügünki  kitaphanlar üçün çüşiniksiz bolup qalğanliği eniq. Äynä moşu närsini näzärdä tutup, kitapni näşirgä täyyarliğuçi Sadiqҗan Yunusov bilän muhärriri Munävvär Yunusova qoşumçä izahlarni bärgän vä şu izahlar arqiliq sšzniŋ mänasini çüşiniveliş imkaniyiti bar.

Kitap milliy mädäniyitimizniŋ häqiqiy җankšyärliri — «Һaҗim» җämiyätlik fondiniŋ räisi Turğunay haҗim Ähmätova vä uniŋ šmürlük җüpti Mähämätҗan haҗim Һasanovniŋ mäbliği hesaviğa moşu yeqinda «Mir» näşriyati täripidin yoruqqa çiqti.

Uyğur klassik ädäbiyatiniŋ durdanisi bolğan Näsriddin Rabğoziniŋ «Qissäsul änbiya» kitavi bilän tonuşuşni haliğuçilar 251-86-24 vä 8-701-663-70-39 telefoni arqiliq muraҗiät qilsa bolidu.

Mäşür SASİQOV.

Bälüşüş

Javap qalduruŋ