Täbiätniŋ qäğişligigä qarimay

0
714 ret oqıldı

Yarkäntlik dehanlar üçün biyilqi ätiyaz kütülmigän «soğilarni» elip käldi: qişta qar adättikidin kšpiräk mšlçärdä yaqqandäk qilivedi, bahar aylirida kündä degidäk çiqqan boranniŋ kasapitidin yärdä näm qalmidi. Uniŋ üstigä, kündüzi kün häddidin taşqiri issiğini bilän ahşimi salqin tartip, yärniŋ harariti kštirilmäy turuvaldi. Mundaq ähval tävä üçün asasliq su mänbäsi bolğan Җoŋğar Aliteğidiki qar erimastin, su qisinçiliğini päyda qildi vä terilğu işliriniŋ šz mäzgilidä jürgüzülüşigä sälbiy täsir kšrsätti.

Şundaq bolsimu biyil egiliklärdä «etiz mälikisigä« alahidä imtiyaz berildi. Uniŋ mäydani saqlinipla qalmastin, äksiçä, käŋäytilip, 25 112 gektarni täşkil qildi. Ziraätni pärviş qilip, qoşumçä ozuqlanduruş üçün ärzänlitilgän bahada 4570 tonna mineralliq oğut kältürüldi. Һaram çšplär bilän haşarätlärgä qarşi dorilaş işlirini jürgüzüş üçün härtäräplimä täyyarliqlar kšrüldi. Moşu künlärdä kšmüqonaq suğiriş işliri  täşkilliq bilän qolğa elindi.

Һava rayiniŋ qolaysizliği yetärlik mšlçärdiki mal ozuğini täyyarlaşqimu sälbiy täsir yätküzidiğanliği täbiiy ähval, älvättä. Mana şuniŋ üçünmu egiliklärdä bu mäsilä alahidä diqqät märkizidä turmaqta, 12 800 gektardin oşuq mäydandiki bedilikniŋ birinçi orumi asasän ayaqlişip qaldi. Ayrim җaylarda ikkinçi orumiğa kirişti. Һärbiy gektardin ottura hesap bilän üç tonnidin mal ozuği jiğişturulmaqta. Bediliklär bilän täbiiy piçänliklärdin ünümlük paydiliniş dehanlarniŋ asasiy mähsiti boluvatidu.

Nahiyädä teplitsilar bilän terilğu mäydanliri jildin-jilğa käŋäytilivatqan bolsimu ahaliniŋ kšktatqa bolğan ehtiyaҗi toluq qanaätländürülmäyvatidu. Nätiҗidä ekologiyalik җähättin gumanliq bolğan mähsulat sirttin qoşumçä kältürülüvatidu. Biyilqi jili barliği bolup 1284 gektar mäydanğa sävzä, piyaz, pomidor, kapusta vä başqimu kšktat türliri terilip, aldi bazarğa çiqişqa başlidi. Umumän, mäydani bäş gektarni täşkil qilidiğan teplitsilarda qiş boyi 210 tonna pomidor bilän tärhämäk yetiştürülüp setilğan edi. Ulardin taşqiri, 1390 gektar yärdä yaŋiyu šstürülüvatidu.

Aşliq bilän bediliklärni suğirip, kšktatlarni pärviş qiliş işliri Basqunçi, Pänҗim, Çuluqay, Üçaral, Kšktal yeza okruglirida täşkillik häm süpätlik elip berilivatqanliğini atap štkän orunluq.

Nurähmät ÄHMÄTOV.

Panfilov nahiyäsi.

Bälüşüş

Javap qalduruŋ