«Ğunçäm» tamaşibinlarni kütidu

0
831 ret oqıldı

Uyğur teatrida/ Ötkän җümä küni Q.Ğoҗamiyarov namidiki җumhuriyätlik dšlät Uyğur muzıkiliq komediya teatrida yazğuçi-dramaturg Zunun Qadiriyniŋ qälimigä mänsüp «Ğunçäm» spektaklini tapşuruş täntänisi bolup štti. Uniŋğa yazğuçi-dramaturglar, rejisserlar vä ammiviy ähbarat vasitiliriniŋ hadimliri iştrak qildi.

Mälumki, Zunun Qadiriyniŋ štkän äsirdä yezilğan bu äsäri buniŋdin ottuz jil ilgiri Özbäkstandiki uyğur bšlümidä bilim alğan studentlar täripidin sähniläştürülgini bolmisa, çoŋ sähnidä qoyulmiğan edi. Bu qetim teatr rejisseri Muhitҗan Һezimov uni sähniläştürdi. Teatr mudiri Savutҗan Sonurovniŋ eytişiğa qariğanda, mäzkür äsär toluq işlinip vä uniŋ muzıkisini rätläş işliriğa biraz vaqit särip qilinğan. Bu yärdä Alimҗan Toqaevniŋ siŋdürgän äҗrini alahidä tilğa elişqa ärziydu.

«Ğunçäm» dramisida asasän äşu bir jilliri hälqimizniŋ beşiğa çüşkän eğir künlär, şularniŋ arisida bäg-bägzadilär atalmişlarniŋ addiy häliqqä salğan zulumi, yala-tšhmätlär arqiliq ularniŋ barliq mal-mülkini tartivelişi vä moşundaq ähvallar yüz berivatqanda dehan Nurum bilän Ğunçämniŋ taza muhäbbiti bayan qilinidu. Qisqiçä eytqanda, Ömär şaŋiyu Ğunçämniŋ anisiniŋ vapatidin keyin azğina pul hiraҗät qilip qoyup, «Män birmunçä çiqimğa uçridim, ändi şuniŋ hesaviğa seniŋ ata-anaŋdin qalğan mevilik bağ meniŋ ilkimgä štidu, šzäŋ bolsaŋ, meniŋ oğlumğa turmuşqa çiqisän», däp zorluq-zombiliq bilän uni Seyitqa bärmäkçi bolğanliği häm şu ariliqta Nurumniŋ Ğunçämni oğriliqçä elip kätmäk bolğan oyi ämälgä aşmay, baylarniŋ qizni zalimlarçä horlaşliri bayan qilinidu.

Spektakl'niŋ tapşuruş täntänisigä iştrak qilğan sän°ätşunas alim Ähmätҗan Qadirov, yazğuçi-dramaturg Ähmätҗan Һaşiri, rejisser Äkräm Ähmätov, jurnalist Tel'man Nurahunov, yazğuçi Dürnäm Mäşürova vä «Aziya bügün» gezitiniŋ baş muhärriri Avut Mäsimov äsär toğrisidiki pikir-mulahiziliri bilän ortaqlaşti. Şundaqla ular mäzkür ämgäktä häqiqätänmu rejisser bilän akterlar kollektiviniŋ kšp izdinişi tüpäyli utuqluq çiqqanliğini vä şuniŋ bilän billä bäzi kamçiliq-nuqsanlardinmu hali ämäsligini tilğa aldi. Bolupmu ular bayniŋ oğli Seyitniŋ rolini iҗra qilğan Dilşat Amanbaevniŋ, Nurum vä Ğunçäm rolidiki Luiza Rozahunova bilän Risam Mamutovniŋ akterluq maharitigä juquri baha bärdi.

Ahirida Muhit Һezimov sšz elip, juqurida eytilğan kamçiliqlardin toğra hulasä çiqiridiğanliğini izhar qildi.

Mäşür SASİQOV.

Bälüşüş

Javap qalduruŋ