Җumhuriyät sariyidiki sän°ät mäyrimi

17
1 757 ret oqıldı

Şinҗaŋ sän°ät yurti sän°ätkarliriniŋ kontserti/ Ötkän җümä vä şänbä künliri җänubiy paytähtiki Җumhuriyät sariyida Almuta şähärlik hakimiyitiniŋ qollap-quvätlişi bilän şähärdiki yättä etnomädäniyät märkiziniŋ, җümlidin Almuta şähärlik Uyğur etnomädäniyät märkiziniŋ qurulğininiŋ 25 jilliğiğa dair Şinҗaŋ sän°ät yurti  «Muqam» ansambliniŋ  kontsert programmisi kšrsitildi.Kontsert başliniştin ilgiri riyasätçi qizlar uşbu mäyrämgä beğişlanğan mäyrämni uyuşturuşniŋ täşäbbuskari bolğan Almuta şähärlik Uyğur etnomädäniyät märkiziniŋ räisi Abdullam Һoşurovni, şundaqla җumhuriyätlik Uyğur etnomädäniyät märkiziniŋ räisi Şahimärdan Nurumovni vä ŞUARdin kälgän väkillärni sähnigä täklip qildi. Abdullam Abduqadir oğli nutqini mäzkür kontsert programmisiniŋ uyuşturuluş җäriyaniğa qaratti vä šzigä yeqindin yar-yšläk bolğan märkäzniŋ başqarma äzaliriğa häm tamaşibinlarğa minnätdarliğini bildürdi. Şahimärdan Üsäyin oğli bolsa, Qazaqstan diyariğa qädäm täşrip qilğan sän°ätkarlarni täbrikläp, šz pikrini tšvändikiçä izhar qildi:

—Mälumki, nahşini yahşi kšrmäydiğan, sän°ätni sšymäydiğan, uni yat kšridiğan birmu uyğur näslini uçratqili bolmaydu. Hälqimizniŋ sän°iti vä sän°äthumarliği äzäldinla eğizdin çüşmäy kelivatqanliğiğa tarihniŋ šzi guva. Һä, bu bolsa, hälqimiz štmüşidä sän°ätniŋ bolğanliğiniŋ, bügünki taŋdimu barliğiniŋ vä kälgüsidimu bolidiğanliğiniŋ bälgüsidur. Ändi bügünki Şinҗaŋ sän°ät yurti sän°ätçiliriniŋ kontsert programmisi tamaşibin täşnaliğini qanduridiğanliğiğa işänçä hasil qilimiz.

Tünügün, yäni kontsertniŋ däsläpki küni җumhuriyätlik Uyğur etnomädäniyät märkizi namidin Almuta şähärlik Uyğur etnomädäniyät märkiziniŋ qurulğininiŋ 25 jilliği munasiviti bilän märkäz räisi Abdullam Һoşurovqa vä mäzkür җämiyätlik täşkilat yenidiki Hanim-qizlar keŋişiniŋ räisi Gülzaräm İliyasovağa hšrmät kšrsitip, ton kiygüzduq.  Bügün yänä bir qetim barçä tamaşibinni äynä şu mäyräm munasiviti bilän Qazaqstan diyariğa qädäm täşrip qilğan sän°ätkarlirimizğa qädimiŋlar qutluq bolsun demäkçimän.

HHҖdin kälgän väkillärmu täbrik sšzlirini izhar qilğandin keyin, kontsert «Qäşqär sänimi» ussuli bilän başlandi. Güldürligän alqişlar astida sähnigä çiqqan ussulçi qiz-jigitlärniŋ bir-birigä beqişip, yenik härikät qilğan halda orunliğan ussuli tamaşibinni därhal šzigä mäptun qilivaldi. Ändi ataqliq ussulçi Tursunay İvrayimҗan orunliğan näpis vä ävrişim ussullar tamaşibinlarğa arambähş dämlärni beğişlidi. Tsirkçi-sehirgärlär Ğäyrät İziz bilän Hanqiz Pärhat täripidin namayiş qilinğan oyunlar hämminiŋ kšŋlidin çiqqanliği talaşsiz. Ular kšpçilikni šzlirigä häqiqätänmu mähliya qilalidi. Uni  biz tamaşibinlarniŋ ularni davamliq alqişlar bilän uzitip turğinidin oçuq bayqiduq.

Şuniŋdin keyin sähnä ataqliq artist vä kompozitor Mahmut Sulaymanniŋ ilkigä štti. U šz iҗadidiki «Ärkäk», «Yaşisamkän bäş yüz jil yänä» nahşilirini alahidä tävrinip iҗra qildiki, tamaşibinlar, ularniŋ arisida ayrim yaşanğanlar bilän yaşlar orunliridin turuşup, bäs-bäs bilän ussulğa çüşti. Nahşa eytiş noviti huş avazliq daŋliq sän°ätkar İzzät İliyasqa kälgändä, u «Yahşi tiläk», «Ana yurttin duniyağa salam» nahşilirini şundaq maharät vä milliy rohta iҗra qildiki, hämmä uniŋğa qayil boluşti. Nahşiçi birdä mäyüslinip, birdä tävrinip, šziniŋ bar muŋ-därdini nahşa arqiliq bayan qilivatqandäk bilindi bizgä. Nahşa tamamlinişi bilän tamaşibinlar iҗraçini çoŋ hayaҗanliniş ilkidä güldürligän alqişlar bilän qarşi elip, güldästilär tutti.

Ahirida AŞUEM räisiniŋ orunbasari Qälbinur Arup vä milliy mädäniyitimizniŋ җankšyäri Täl°ät Һämraev sšz elip, mäzkür kontsert programmisini uyuşturuşqa kšp küç çiqarğan Almuta şähärlik etnomädäniyät märkizigä vä märkäzniŋ barliq başqarma äzaliriğa, hususän yättä nahiyälik mädäniyät märkizi bilän yaşlar, hanim-qizlar keŋäşliriniŋ äzaliriğa minnätdarliq bildürüp, işliriğa utuq tilidi.

Җämläp eytqanda, ikki kün davam qilğan Şinҗaŋ sän°ät yurti sän°ätçiliriniŋ kontsert programmisi tamaşibin qälbigä dava bolalidimu, yoqmu, u toğriliq pikirni tamaşibinlarniŋ šz ihtiyariğa qalduruşni hop kšrduq.

Şämşidin AYuPOV.

Mäşür SASİQOV çüşärgän sürät.

Bälüşüş

17 İzahät

  1. uyghurning saniti dunya sanitining gul-taji.muxundak madaniyat almaxturuxlar kopirak uyuxturulsa yahxi bolatti

  2. Novättiki mehmanlirimizniŋ kontserti kšpçilikni oylandurup qoydi. Zalmu adämlärgä tolmidi. Kšŋlimizniŋ yerim bolğini, ünimizniŋ tehi boğuq ekänligi, ärkin näpäs alalmayvatqanliğimiz, nutqimizniŋ savatsizliği,sähnidiki milliy qiyapitimizniŋ eçinişliği, hoşal boludiğan yerimiz; vätändin kälgän artistlirimizdiki täşnaliq,milliy hissiyat çoŋqurliği. Ular heç närsä deyälmisimu (degili qoymidi), amma säzgür häliq uni yahşi çüşändi.Bizgä kona nahşilarni eytsimu, biz ularniŋ yeŋi nahşilarni hädiyä qilğusi bar ekänligi säzduq. Bäzi nahşilarda çoŋqur mänaliq sšzlärgä ättäy urğu qoyuldi. Bu ularniŋ häqiqiy salimi boldi.

  3. Sähnigä çiqivelip bir birigä çapan yapqini nahayiti eçinarliq vä uyat iş boldi. Bu çapançilardin toydi kişi. Qaysu kontsertqa barsaŋ bir birini mahtişip çapan yepip hähni bezar qildi. Bu çapançilarniŋ därdidin teatrğa barmaydiğan halğa yättuq. Biz teatrğa yeŋiliq kšrimiz däp barimiz. Bu çapançilarniŋ sähnigä çiqivelip hähniŋ vaqtini alidiğan nemä häqqi bar?

  4. Pikir yazğanda uniŋ arqa kšrünişigimu diqqät qiliş keräk!
    Bäzi inahşilarda çoŋqur mänaliq sšzlärgä ättäy urğu qoyuldi.», däptu, Alimjan Tilivaldi.
    Äynäktin putaq çiqiridiğan hitaylar äşu «urğu»din putaq çiqarmasliğiğa kim kepillik

    ?

  5. Togra daisiz.Tabrikligisi kalsa oyiga barsun. Ozlirini reklama kilmastin. Pulga bilet elip kuruk khoshamatcilikni tinshap kaitisan. Unindin kanca uygur baliliri okysh okuvatkinini disin.

  6. Ändi Nuriya «medal'niŋ ikki täripi bar» degändäk, uniŋ ijabiy täripimu bar. Bizniŋ, yäni uyğur millitiniŋ başqa yärlärgä çiqip eçilip sayraydiğan mümkinçiligi yoqniŋ ornida, häm millätlär ara razimänlikni saqlaş üçünma jämiyätlik täşkilatlar iş elip berivatidu, demäk, ular elimizdä boluvatqan här qandaq yeŋiliqni vä hälqimiz hayatidiki här qandaq vaqiälärni şu yeganä teatrimiz sähnisidä eytivelişqa tirişidu. Yä, sizniŋ oyiŋizçä, häliqni kontsertqa aranla jiğimiz, jiğin däp çaqirsa kelidu däp oylamsiz? Deyiş keräk däp, yeziş keräk däp «qara» çaplaverişkä bolmaydu, bizgä heç bir täşkilat rähbiri yaqmaydu, sizma uyğurniŋ pärzändi, sizma çiqip sähnidä sšzläp, häliq davasini qilip kšrüŋ aldi bilän.

  7. Şuniŋ bilän billä «yaqidu, yaqmaydu» däydiğan pikir natoğra. «O vkusah ne sporyat», däydiğu rusçä eytqanda, häqiqätänmu bir lider sizgä yaqmisa, yänä birsi yänä birsigä yaqmaydu. Uniŋdin äziz qerindaşlar, häliq mänpiyiti üçün hizmät qilivatqan insanlarğa kaşila bolmay, šz pikriŋizni içiŋizdä saqlap qalsiŋizmu bolidu, halas.

  8. Ana vetende khalqimiz matemde qan ichivatqinidin khevirihgiz iuq ukhshimamdu? Undaq kunsirtni faqatla cizdek milli ruhi iuqlarla arzu qilishi mumlin janabi ORHUN?!

  9. Ana vätändä boluvatqan hämmä vaqiälärdin ubdan hävirim bar. Qolumizdin kälsä bar mümkinçilikni yaratqan bolattim, äpsus, bu yärdä oltirivelip heç nemä qilğili bolmaydikän. Siz, «Küräş» hämmini bir tayaq bilän haydaşni qoyuŋ. Siz nädin bilisiz, kimniŋ vätänpärvär, kimniŋ undaq ämäsligini. Män näq şu vätänpärvär uyğurniŋ biri.

  10. Bügünki kündä mojutluğumiz üçün küräş — u päqätla häliq ara hoquq qoğdaş boyiçä tüzülgän konventsiyalärni paydiliniş bilän bağliq. Buniŋ sirtiğa çiqip ketidiğan bolsaq, u çağda dostimiz qalmaydu. Bizniŋ pajiämizmu — hälqimizniŋ umumiy savat därijisi bilän ziç bağliq. Bu mäsilidä keçikişkä härgiz bolmas. Bu halimiz bilän devilärniŋ qoynidin çiqip ketiş täs. Һoquqimiz üçün küräştimu bir eğiz lam demäy yetiveliş -yahşiliqniŋ işarisi ämäs.

  11. dURUS DÄYSİZ,A.Tilivaldi. Pikriŋizni quvätläymän! Biraq,siz degänlärniŋ hämmisi ziyalilarğa täälluq. Äpsuski, bizniŋ täsädipän ämäl — ataqliq boup qalğan ziyali atalmişlar, siz bilän män arzu qilğan işlarni qilmaydu, vaqti yoq; çapançiliq, yalaqçiliq qiliştin eşinmaydu.

  12. Bizniŋla dastihinimiz yeilip, tamaq kštirip barimiz mäyrämlägä. Başqilar yäp mahtişip taqaydu. Eğiz täkküzginigä ziyalilirimiz bähitlik bop ketidu. Ayallar mäyräm oynaşniŋ orniğa, šydiki işni az däp tamaq kštirip barimiz. Şuni qisqatsa jigitbaşliri.

  13. «MİLLÄTPÄRVÄR» janapliri!
    «Män näq şu vätänpärvär uyğurniŋ biri» däpsiz?
    Һämmä adäm šzi hususida huddi sizdäkla oylaydu. Äpsuski,şähsniŋ kimlik salahiyät tonini šzi ämäs, häliq ammisi piçidu.
    «Özini mahtiğan, birinçi ahmaq» bolup qamayli?!

  14. Fatema! cizni quvatlaiman!

    GÜLZARÄM!

    Siz degän tamaq mäsilisini bir täräp qiliş, jigit başliriniŋ ämäs,(ägär män toğra çüşänsäm), mädäniyät märkäzliriniŋ işi.

  15. Bizniŋ uyğurlarğa -moşu pikir sähipisigä nisbätän eytqanda, pikir ärkinligi — hoşamätlik mädihiyälärdin ibarät. Äksiçä bolğanda, meniŋ yazğanirim käyni — käynidin šçürilip taşlanmatti?

    Avutmaydu yolimni işäk,
    yetivelip, kšrgändä kšlni.
    Turup alar tiräjäp, suni
    İçäy desäm kšrgändä kšlni…

  16. Yänä bir iltimas, äyipkä buyrimay, juquridiki tüzütişni mundaq däp;
    YETİVİLİP KÖRGÄNDÄ KÜLNİ — oquğaysiz?

    Yänä bir iltimas, juquridiki tüzütişni yänä tüzäp, mundaq oqiğaysiz;
    YETİVİLİP KÖRGÄNDÄ KÜLNİ..

Javap qalduruŋ