Mävsüm «Ğerip —Sänäm» bilän eçilidu

1
1 339 ret oqıldı

Ätä Quddus Ğoҗamiyarov namidiki җumhuriyätlik dšlät Uyğur muzıkiliq komediya teatriniŋ yeŋi mävsümi eçilidu. Şu munasivät bilän teatr mudiri Savutҗan SONUROVni sšhbätkä җälip qilğan eduq.— Savutҗan aka, bu jili mävsümni än°änä boyiçä «Anarhan» bilän ämäs, nemişkä «Ğerip — Sänäm» bilän açisilär?

—  Mälumki, «Anarhan» tragediyalik äsär. Şuŋlaşqa yeŋi mävsümniŋ eçilişida tamaşibinlirimizğa rohiy җähättin qandaqtu-bir huş käypiyat beğişlaş mäh-sitidä, başlinişi qayğuluq bolsimu, ahiri, härhalda hoşalliq däqiqiliri bilän tamamlinidiğan «Ğerip Sänäm» muzıkiliq dramisini hädiyä qilişni muvapiq kšrduq. Oylaymänki, bu teatrimizniŋ yeŋiliqqa bolğan intilişidiki däsläpki qädämdur.

— Ändi teatrğa tamaşibinlarni җälip qilişta qandaq yeŋiliq bar?

— Tamaşibinlarni teatrğa җälip qiliş boyi-çä birqatar paaliyätlärni jürgüzüvatimiz. Jildiqidäk abonement tarqitişmu yoq ämäs, u җay-җaylardiki
milliy sän°itimizniŋ җankšyärliriniŋ jümlidin, jigitbaşliri, hanim-qiz-lar keŋäşliri äzaliriniŋ vä jut aktivistliriniŋ paaliyätçanliği arqisida šz däriҗisidä ketip baridu. Pursättin paydilinip, ularğa teatr kollektivi häm şähsän šzämniŋ namidin sämimiy minnätdarliğimni bildürimän. Çünki ularniŋ bizgä kšrsitivatqan yardimi alahidä. Ändi tamaşibinlarğa avtobus ävätiş mäsilisigä kälsäk, bizdä ikki transport vasitisi moҗut. Amma ularniŋ bügünki ähvali bilän, yänä kelip ularniŋ biri bari-yoqi  jigirmä adämgä, yänä biri on yoluvçiğa molҗalanğanliğini äskä alsaq, hämmisiniŋ kšŋlidin çiqalaymiz däp eytiş qiyin. Älvättä, Almuta vä uniŋ ätrapidiki äŋ jiraq mähällilärgä ävätişkä tirişimiz. Bu yärdä tamaşibinlirimizğa qoyilidiğan tälivimizmu bar. Buniŋ üçün şu mälidä 30 40 abonement setilişi keräk.

— Abonementlar bahasini bilişkä bolamdu?

— Abonementlarniŋ bahaliri ançä qimmät ämäs. Äŋ qimmiti bari-yoqi 2500 täŋgä. Buniŋğa tamaşibinlar eyiğa tšrt qetim teatrimizğa keliş pursitigä egä bolalaydu. Şuni alahidä täkitläymänki, ägär qolida abonement yoq bolsa, härbir qoyulumğa biletni kassidin 1000 täŋgigä setivelişiğa toğra kelidu. Kšrüp turimizki, abonement sistemisi tamaşibin ihtisadini mälum däriҗidä teҗäşkä qaritilğan. Moşu yärdä tamaşibinlarğa yänä bir eytarim, ägär ular abonement elip qoyup teatrğa kelälmigän ähvalda uni yeqinliriğa berivätsimu bolidu.

— Yeŋi mävsümdä tamaşibinlarni qandaq yeŋiliq, šzgirişlär kütidu?

— Bu soaliŋğa ätrapliq tohtilişqa toğra kelidu. Çünki štkän jili biz җay-җaylarğa gastrol'larğa barğinimizda, mäyli ansambl' bolsun, mäyli akterlar truppisi bolsun, ularniŋ tärkivi toluq boldi. İlgiri ihtisat mäsilisigä bağliq bu mümkinçilik yoq edi. Moşu säpärlär davamida biz vaqitni ünümlük paydilinip, tamaşibinlarniŋ täläp-hahişlirini tiŋşap kšrduq. Mäsilän, ular sähnimizdä qaysi äsärni kšrgisi kelidu, degän soallarğa җavap izdiduq. Şuŋlaşqa yeŋi mävsüm programmisini tüzüştä asasän tamaşibinlarniŋ täläplirini inavätkä alduq. Buniŋğa qoşumçä Qazaqstan šz mustäqilligigä erişkändin keyin yezilğan äsärlärni sähniläştürsäŋlar, degän täläpmu boluvatidu. Kälgüsidä bu işnimu ämälgä aşuruşni kšzdä tutuvatimiz.

Yeŋiliqlarğa tohtilidiğan bolsam, tamaşibinlirimiz bu qetim Zunun Qadiriyniŋ «Ğunçäm» muzıkiliq dramisini, Abdullam Samsaqovniŋ «Bayançur» tarihiy dramisini, B.Muqayniŋ «Mäҗnun jigitlär» komediyasini, Ähmätҗan Һaşiriniŋ «Yalğuz yalpuz» dramisini kšrüş pursitigä egä bolidu.

— Teatrniŋ 80 jilliq sänäsini qaçan atap štmäkçisilär?

— Yeqinda teatr rähbärliri baş qoşup, uni yeŋi jilğa yeqin nişanlaş qarariğa kälduq. Һazir uniŋğa qizğin täyyarliq kšrüvatimiz. Bizniŋ işimiz tamaşibinlar üçün. Şundaq ekän, ularni taqätsizlik bilän kütimiz. Märhämät, teatrimiz işigi härdayim oçuq.

Sšhbitiŋizgä rähmät.

Sšhbätläşkän Mäşür SASİQOV.

Bälüşüş

1 izahät

  1. Män Zunun Qadiriyniŋ «Ğunçäm» muzıkiliq dramisini buniŋdin 30 jil burun Taşkänttä studentlarniŋ diplom işi süpütidä kšrgän edim.Şu äsärni nemişkä qayta sähniläştürmäydikin däp oylattim.Ändi uni kšrüşni taqätsizlik bilän kütümän štküzüp almisam bolattiğu…

Javap qalduruŋ