Qädimimiz işäşlik bolidu

1
677 ret oqıldı

Bügünki taŋda elimiz çoŋ tarihiy basquçni baştin käçürüvatidu. Biz şu tarihiy vaqiälärniŋ guvaçisi boluvatimiz. «Tarihiy basquç»  deginimniŋ sävävi — uniŋ asasida çoŋ ihtisadiy, säyasiy vä iҗtimaiy täräqqiyat yatidu. Buni kündilik hayatimizdin kšrüvatimiz. Şähsän šzäm deputat süpitidä җay-җaylarğa berip, addiy häliq bilän uçraşqinimda bayqiğinim, barliq yärlärdä quruluş işliri qizğin ketip baridu: iҗtimaiy-mädäniy ob°ektlar qäd kštirivatidu, yollar selinmaqta. Şuniŋ arqisida yärlik ahali iş bilän täminlinivatidu. Buni biz Prezidentimiz Nursultan Nazarbaevniŋ dana säyasitiniŋ mevisi däp bilimiz. Ändi mana Prezidentimiz Qazaqstan hälqigä novättiki «Nwrlı jol — keläçäkkä başlaydiğan yol» Mäktübini yollidi. Mäzkür Mäktüpniŋ ihtisadiy säyasitini «Qazaqstan-2050» Strategiyasini ämälgä aşuridiğan yol däp hesaplaymän. Mäktüptä eytilğan mäsililärni ämälgä aşuruşta häliqni birläştürüşni biliş çoŋ mäsilä. Şuŋlaşqa  hazir bizniŋ aldimizda çoŋ väzipilär turidu.

Şähsän šzämniŋ pikriçä, Prezidentimizniŋ Mäktübi pütkül qazaqstanliqlar täripidin qollap-quvätläşkä egä bolmaqta. Sävävi, u härbir adämniŋ, härbir ailiniŋ ätiki künigä degän işänçisi. Täkitläş lazimki, bügünki kündä ätiki küniniŋ nemä bolidiğanliğini bilmäy avarä boluvatqan häliqlärmu kšpqu. Jiraqqa barmayla, Ukraina vä Yeqin Şäriq älliridiki yüz berivatqan qanliq toqunuşlar  aqivitidin millionliğan addiy häliq zärdap çäkmäktä. Şundaq vaqiälärni aŋliğinimizda Qazaqstandiki teçliq hayatniŋ näqädär qimmätligini çüşiniveliş täs ämäs. Prezidentimiz bizniŋ asasiy utuğimiz millätlärara razimänlik, turaqliq, dostluq, šmlük däp härdayim täkitläydu. Mäktüptä moşu mäsiligä alahidä kšŋül bšlüngän. Elimizdiki 130din oşuq millätniŋ beşini biriktürüp aldimizğa qoyğan umumiy mähsätkä yetiş üçün birläştürüşni biliş— bu Millät Lideriniŋ qolidin kelidiğan iş. Bizniŋ väzipimiz — moşu yšniliştä işimizni davamlaşturuş. Çünki bizniŋ qolğa kältürgän utuqlirimizniŋ asasida, juqurida täkitliginimdäk, turaqliq  vä teçliq turidu.

Prezident Mäktübidä yeŋi ihtisadiy säyasätni şäkilländürüş qolğa elinğanliğini bayqidim. Prezident eytqinidäk, duniyada yüz berivatqan ihtisadiy bohran vä šzgirişlär päytidä ihtisadiy yšnilişlirimizni rivaҗlanduruşniŋ ähmiyiti zor. Bu җähättin ahalini turuşluq šy bilän täminläş sahasida qobul qilinidiğan yenikçiliklär vä häliqni iҗtimaiy turğudin qollap-quvätläşniŋ davamlişidiğanliği hämmimizni hoşal qilğanliği eniq.

Prezident Mäktübidä, şundaqla elimizniŋ härbir ahaliliq punktini šzara qoşidiğan yollarni selişniŋ, kiçik vä ottura tiҗarätni, industriyalik infraqurulumlarni täräqqiy ätküzüşniŋ eniq  yšnilişliri kšrsitilgän. Nursultan Nazarbaev «Dšlätniŋ täräqqiy ätkinini kšrgiŋ kälsä, yoliğa qara» degändäk, vilayätlär arisidiki hava yoliniŋ, tšmür yoliniŋ, avtotransport yoliniŋ vä şundaqla deŋiz yoliniŋ täräqqiyati dšlät ihtisadi täräqqiyatiniŋ kepili ekänligigä kšŋül bšldi.

Mälumki, 2015-jil Qazaqstan hälqi üçün alahidä jil bolmaqçi. Prezident bu häqtä šz Mäktübidä mundaq dedi: «2015-jil — Milliy tarihimizni uluqlaş vä bügünki utuqlirimizni bahalaş turğisidin  ähmiyätlik jil bolmaqçi. Qazaq hanliğiniŋ 550 jilliğini, Qazaqstan hälqi Assambleyasiniŋ vä Konstitutsiyamizniŋ 20 jilliğini, Uluq Ğalibiyätniŋ 70 jilliğini nişanlap štimiz. Moşundaq tarihiy basquçlar yaş ävlat qälbidä yeŋi qazaqstanliq vätänpärvärlik hissiyatlirini siŋdürüşkä yol açidu. 2015-jil Qazaqstan hälqi Assambleyasiniŋ jili däp elan qilindi. Şu arqiliq elimizdiki razimänlik vä birlik, teçliq vä dostluqniŋ ähmiyitigä alahidä kšŋül bšlüvatimiz».

Һazir häliq arisida Prezident Mäktübini muhakimä qiliş qizğin jürgüzülüvatidu häm häliq Dšlät rähbiriniŋ bu säyasitini toluği bilän qollap-quvätläydiğanliğini izhar qilmaqta. Ändi biz, deputatlarniŋ, asasiy väzipisi — mäzkür Mäktüpniŋ mahiyitini, alahidiligini häliqqä täşviqat qiliş vä yeqindin çüşändürüştin ibarät. Hulasiläp  eytqanda, Prezidentimizniŋ «Nwrlı jol — keläçäkkä başlaydiğan yol» Mäktübi härbir qazaqstanliq üçün keläçäkkä bolğan işänçisini yänä bir qetim aşuridiğan hšҗҗät däp eytişqa toluq asas bar. Mäktüpniŋ mäzmunini häliqqä yätküzgändä moşuni näzärdä tutqinimiz ävzäl.

Murat ÄHMÄDİEV,Qazaqstan Җumhuriyiti Parlamenti Mäҗlisiniŋ deputati.

Bälüşüş

1 izahät

  1. «Nurluq yol-keläçäkkä başlaydiğan yol» däp mäktüp mavzusini toluq tärjimilisä toğra bolatti meniŋçä. Yaki toluq qazaqçä ataş keräk jümlini buzmay.

Javap qalduruŋ