Utuq tiläymiz

0
567 ret oqıldı

Ämgäkçiqazaq nahiyäsiniŋ Pähriy grajdini, peşqädäm ustaz Muzäppär Mitälipov, yaşlarni bilim bilän qanatlandurup, ularniŋ hayattin šz ornini tepişiğa şarait yaratqan şähs. Yeşi säksändin alqiğan mštivärni bügün ismi duniyağa tonulğan oğli Şšhrät vä qizi Maysäm vä nävrilirimu hoşal qilip kälmäktä: Muzäppär akiniŋ amerikiliq nävriliri Nargiz suda üzüş bilän, Dilşat boks bilän şuğullinip, çoŋ-çoŋ utuqlarğa erişivetiptu. Aqsaqalniŋ qazaqstanliq nävrilirimu qabiliyätlik.                – Yaşliğimizda barliq küç-җigärimizni balilar tärbiyisigä särip qiliveduq, şükri, mana hazir halavitini kšrüvatimiz, – däydu Muzäppär aka pähirliniş bilän. – Sağlam hayat tärizini kündilik ämigigä aylandurğan 12 yaşliq nävräm Renat «QR sport şeberine ümitker» namini elip, bizni nahayiti hoşal qildi.

Älvättä, Renat bu utuqqa šziniŋ tirişçanliği vä җapaliq ämgiginiŋ nätiҗisi bilän qol yätküzdi. Uniŋ Almuta şähiridiki Berik Qabulov namidiki karate märkizidä tärbiyilinivatqiniğa bäş jildin artuq vaqit boluptu. Yättä yeşida sportqa iştiyaq bağliğan Renat sport mahiri Sergey Demidovniŋ rähbärligidä yerim jil mabaynida şäriq yäkmu-yäkliri – şinkiokuşinkay bilän şuğullinidu. Sportqa pütkül vuҗudi bilän berilgän u bäş jil mabaynida 60tin oşuq turnirğa qatnişip, uniŋ täŋdin-tolisida İ orundin kšrüngän. Renat bultu Astanada štkän vä 400 sportçi qatnaşqan «Astana cup-2013» oçuq çempionatiğa, biyil 17 mämlikätniŋ 250 sportçisi qatnaşqan Şveytsariyadiki häliqara turnirğa iştrak qilip, här ikkilisidä mukapatliq orundin kšründi.

Renat päqät sportnila yahşi kšrmäydu, u şundaqla matematika, til vä ädäbiyat pänlirinimu sšyüp oquydu. Asasiy väzipisini bilim eliş däp bilidu.

18-dekabr' küni Moskva şähiridä yaşlar arisida şinkiokuşinkay boyiçä duniya çempionati štidu. Һazir Renat Mitälipov äşu çempionatqa qizğin täyyarlinivatidu. Mähsiti — çempionatta mukapatliq orundin kšrünüş.

Ata-anisiniŋ, ustazliri bilän yeqinliriniŋ pährigä aylanğan yaş sportçiğa utuq tiläymiz.

Raşidäm RÄҺMANOVA.

Ämgäkçiqazaq nahiyäsi.

Bälüşüş

Javap qalduruŋ