Jutdaşlirim bilän pähirlinimän

0
491 ret oqıldı

Yezida tuğulup šskänlär ana jutniŋ qädir-qimmiti šzgiçä ekänligini yahşi bilidu. Mänmu yeqinda ana jutum — Altšygä berip, šzäm uçum bolğan Äbilhan Qasteev namidiki mäktivimgä qädäm täşrip qildim. Biyil qerindaş qazaq hälqi bilän uyğur hälqiniŋ munävvär pärzäntliri Äbilhan Qasteevniŋ tuğulğiniğa — 110 vä Ziya Sämädiniŋ 100 jilliq tävälludi nişanlanğanliği mälum. Eytmaqçi bolğinim, ustazlar bilän jut җankšyärliriniŋ birliktä küç çiqirişi tüpäyli, mäktäp yenida mirasgah eçiliptu. İkki danağa ayrim-ayrim zallar beğişliniptu. Mirasgahta Äbilhan Kasteev bilän Ziya Sämädiniŋ iҗadiy ämgäkliridin taşqiri, şähsiy buyumliri, kiygän kiyimliri vä pähriy yarliqliri orun alğan.

— Buniŋdin jigirmä jil ilgiri, yäni 1994-jili Äbilhan Qasteevniŋ tuğulğininiŋ 90 jilliği, Ziya Sämädiniŋ 80 jilliq tävälludiğa beğişlanğan çarä-tädbirdä yezidiki Mädäniyät šyiniŋ bir bšlmisidä däsläpki mirasgah eçilğan edi. Andin kolhoz tarqiğan çağda bu mirasgah täsviriy sän'ät päniniŋ muällimi Murat Jidenovniŋ täşäbbusi bilän 2000-jili mäktäp yenidiki ilgärki aşhana benasiğa  kšçirildi. Biyil bolsa, mirasgahni bšlüp, ayrim zallarğa käŋäytişni qolğa alduq. Jut җankšyärliri birlişip, 100din oşuq adäm mäbläğ toplap, hamiyliq qildi. Bu yärdä asasän «Birlik» yeza okruginiŋ hakimi Rahmanqul Aqan oğli Äuelbekovmu yardäm qolini sundi. Ändi mirasgahniŋ bezäş işlirini šz boyniğa elip, Kasteevniŋ byustini yasiğan käsipdişimiz Murat Qanat oğli bilän birqatarda uyuşturuş işliriğa kšp küç çiqarğan ustazlar Jetpisbay Medet, Hurşidäm Valieva, Aybek Sätibaev, Sahinur İslamova qatarliq insanlarniŋ ämgigini mämnuniyät ilkidä tilğa elişqa ärziydu. Şundaqla Äbilhan Kasteev bilän Ziya Sämädiniŋ pärzäntliri yeqinda atiliriniŋ şähsiy buyumlirini mirasgahqa soğa qildi. Pursättin paydilinip, ularğimu šz rähmitimizni  eytimiz, — däydu mäktäp mudiriniŋ tärbiyä işliri boyiçä orunbasari Maynur Nüsüpbekova.

Därhäqiqät, mäzkür mirasgah bu jutta inaq šmür sürüvatqan ikki qerindaş häliqniŋ birligi vä dostluği tüpäyli vuҗutqa käldi. Män bolsam, bu ikki mäşhur şähslärniŋ jutdişi bolğinim bilän pähirlinip qayttim.

Zuliyar SABİROV.

Bälüşüş

Javap qalduruŋ