Keläçigimiz ätiki ävlatniŋ qolida

0
568 ret oqıldı

Qazaqstan Җumhuriyiti Prezidenti N.Ä. Nazarbaevniŋ häliqqä yolliğan biyilqi Mäktübi җämiyitimizdä zor qizğinliq oyğitip, ätiki küngä bolğan ümüt-işänçimizni aşurmaqta. Mäktüpni bügünki taŋda qazaqstanliqlarniŋ toluq qollap-quvätlävatqanliği uniŋ häqiqätänmu häliqniŋ arzu-armanliri bilän mähsät-muddialiriğa uyğun kelidiğanliğini ipadiläydu.Dšlät rähbiri elimizniŋ yeqin keläçäktiki häm istiqbaldiki iҗtimaiy-ihtisadiy täräqqiyatiniŋ muhim basquçlirini çoŋqur ilmiy-ämäliy asasta häm bügünki duniyaviy realliqlarğa tayanğan halda atap kšrsitip, hayatiy ähmiyätkä egä bolğan muhim väzipilärni ilgiri sürgän. Mana şuŋlaşqimu Prezidentniŋ bu Mäktübi tarihiy ähmiyätkä egä, häliqniŋ qizğin qollap-quvätlävatqanliğiniŋ sävävimu äynä şuniŋda.

Meniŋ ämgäk paaliyitim pedagogika sahasida štti. Һazir yeşim yetip, hšrmätlik däm elişqa çiqqan bolsammu, šsüvatqan ävlat tärbiyisigä munasivätlik mäsililärgä bepärva qarap turalmaymän. Bügünki mäktäp partisida oltarğan balilirimizniŋ qandaq oqup, qandaq tärbiyilinivatqanliği meni härqaçan oylanduridu, hätta täşvişländürüp qoyidu. Çünki bizniŋ keläçigimiz äşu ävlatlirimizniŋ qolida. Alämşumullaşturuş häm ihtisadiy bohranlar şaraitida kälgüsi täğdirimizniŋ qandaq boluşi šsüvatqan oğul-qizlirimizğa bağliq.

Qazaqstanda bilim beriş sahasida tüp-asasliq islahatlar jürgüzülüp, oqutuşniŋ süpitini duniyaviy standartlar däriҗisigä kštiriş üçün nurğun işlar qilinip, härtäräplimä şaraitlar yaritilivatidu. Bilim därgahliriniŋ maddiy-tehnikiliq җähättin täminlinişini yahşilap, muällimlärniŋ bevasitä bala tärbiyiläş işi bilän şuğullinişiğa imkaniyät yaritiş dšlät ähmiyitigä egä mäsilä süpitidä hemişäm diqqät märkizidä bolup kälmäktä. Dšlät rähbiriniŋ bu qetimqi häliqqä yolliğan Mäktübidimu bu häqtä alahidä eytilip, muhim mäsililär otturiğa qoyulğan. Mäsilän, 2017-jiliğiçä bolğan üç jilliq byudjetta kšzdä tutulğan mäbläğdin taşqiri, qoşumçä 70 milliard täŋgä bšlünidiğanliği atap kšrsitilgän. Şundaq qilip, šrülüp ketiş halitidä turğan mäktäplär bilän üç smenida oqutuş mäsilisi birtäräp qilinidiğan bolidu. Mäktäp yeşiğiçä bolğan tälim-tärbiyä işlirini yahşilaş mähsitidä balilar mähkimiliridiki orun tapçilliğini qisqartiş üçün 20 milliard täŋgä bšlünidiğanliği täkitlängän. Bularniŋ hämmisi bügünkidäk maliyäviy-ihtisadiy bohran ovҗ elivatqan päyttä qolğa elinivatqan çarä-tädbirlär ekänligini äskä alidiğan bolsaq, elimizdä bilim beriş sahasiğa qançilik däriҗidä ähmiyät berilivatqanliği šz-šzidin aydiŋlişidu.

Umumän, maarip sahasiğa kšrsitilivatqan ğämhorluqni bizniŋ keläçigimizgä bolğan ğämhorluq däp çüşinişimiz keräk. Çünki elimizniŋ ätiki täğdiri bügünki šsüvatqan ävlatniŋ qolida. Şuŋlaşimu bu işqa alahidä ähmiyät berilivatidu häm Mäktüptä yänä bir qetim šz ipadisini tapqan.

Ähmätҗan NADİROV, Qazaqstanniŋ hizmät kšrsätkän muällimi, Panfilov nahiyäsiniŋ Pähriy grajdini.

Bälüşüş

Javap qalduruŋ