Yetäkçi oquş orunliriniŋ qatarida

0
744 ret oqıldı

Äl-Farabi namidiki Qazaq milliy universiteti Duniyaviy universitetlar konsortsiuminiŋ  (World University Consortium) äzasi boldi. Şundaq qilip, mämlikät aliy bilim beriş sistemisida yetäkçi orunni egilävatqan mäzkür universitet šziniŋ abroy-märtivisini vä juquri häliqara ülgilärgä muvapiq ekänligini yänä bir qetim tästiqlidi.

Duniyaviy universitetlar konsortsiumi säyyarimizniŋ ilim-pän vä maarip sahasidiki yetäkçi aliy oquş orunlirini häm häliqara täşkilatlarni birläştüridu. Uniŋ väzipisi universitetlarniŋ insaniyätniŋ asasliq problemilarni häl qiliştiki rolini aşuruştin, munasip häm süpätlik bilim berişni härtäräplimä qollap-quvätläştin, maarip sistemisini mukämmälläştürüştin ibarät.Qaidä boyiçä, konsortsiumda bir mämlikätkä birla universitet vakalätlik qilidu. Äl-Farabi namidiki QazMU moşundaq alämşumul häliqara bilim beriş birläşmisiniŋ äzasi boluş şäripigä egä bolğan Märkiziy Aziyadiki däsläpki vä birdin-bir aliy oquş orni. Bu täsadipi ämäs. Mäsilän, keyinki jillarda universitet yetäkçi reytinglarda turaqliq alğa ilgirilävatidu, duniyaviy däriҗidiki konferentsiyalärni štküzüvatidu. Ändi QazMU Duniyaviy universitetlar konsortsiuminiŋ äzasi süpitidä päqät säyyarimizniŋ yetäkçi aliy oquş orunliriniŋla ämäs, bälki Duniyaviy sän°ät vä ilim-pän akademiyasi, Häliqara yeşil krest, Häliqara universitetlar prezidentliriniŋ assotsiatsiyasi, Mädäniy diplomatiya instituti, Aleksandriya Kitaphanisi vä başqimu birqatar abroyluq täşkilatlarniŋ şerigigä aylandi. Bu, sšzsizki, Qazaqstanniŋ duniyadiki aliy bilim beriş sistemisida riqabätkä qabilliğini aşuridu.

 

Şšhrät MÄSİMOV.

Bälüşüş

Javap qalduruŋ