Rossiya konsulhanisida Qäşqär häqqidä sšz boldi

0
2 402 ret oqıldı

İsmayilҗan İminov härqandaq mäsiligä intayin juquri җavapkärlik bilän qaraydiğan, bir işni qolğa alsa, ahiriğa yätküzmigiçä tinim tapmaydiğan, kšp izdinidiğan, bilim dairisi käŋ qäläm sahibi. Şuniŋ üçün bolsa keräk, u ädäbiyat mäydaniğa keçikip qädäm taşlisimu, az vaqitniŋ içidila oqurmänlär qälbigä yol tepip, ularniŋ illiq ihlasiğa bšlünüştäk şäräpkä muvappäq bolalidi. Şuŋlaşqa bügünki künlüktä uniŋ ismini iҗadiyät alimidä qizğin häm utuqluq paaliyät elip berivatqan kšrnäklik iҗatkarlar qatarida tilğa elişqa ärziydu.

Mälumki, hälqimiz arisida İsmayilҗan İminovtäk rus tilida qäläm tävritip kelivatqan yazğuçilar ançä nurğun ämäs. Biz azsanliq şu qerindaşlirimizniŋ iҗadiyiti bilän tonuş bolsaqmu, yazğuçiliq maharitigä, äsärliriniŋ  bädiiy   süpitigä baha bärgändä äŋ aldi bilän ular iҗat qilip kelivatqan til ähliniŋ ädäbiyatşunasliriniŋ pikirlirigä asaslinimiz. Şu turğidin qariğanda, İsmayilҗan İminov rus tilliq iҗatkarlar täripidinmu etirap qilinğan, ädäbiyatta šzigä has til-uslubi şäkillängän yazğuçidur. Yeqinda Almutidiki Rossiya Federatsiyasiniŋ Baş konsulhanisiniŋ uyuşturuşida İsmayilҗan İminovniŋ iҗadiyitigä beğişlanğan «Tarih dohmuşliri: Äzizanä Qäşqär» mavzusida bolup štkän ädäbiy käç sšzümizgä ispat bolalisa keräk.

Konsul İrina Pereverzevaniŋ riyasätçiligidä štkän mäzkür ädäbiy käç kšpçilikkä päqät yazğuçi süpitidila ämäs, şundaqla tarihçi häm säyyah retidimu tonulğan İsmayilҗan İminovniŋ kšpqirliqliğini namayän qilidiğan hšҗҗätlik fil'mni tamaşä qiliş bilän başlandi. Ötkän jili Qazaqstan Milliy Geografiyalik җämiyiti täripidin «Çoqan Välihanovniŋ izi bilän» äҗdatlar ziminiğa uyuşturulğan ekspeditsiya җäriyanida toplanğan mälumatlar asasida çüşirilgän bu fil'm iştrakçilarni qattiq tävrändürdi. Şuniŋ nätiҗisidä Svetlana Nazarova, Nadejda Luşnikova, Bahıtjan Qanapiyanov ohşaş şairlar, Turğan Sopiev, Klara Hafizova, Şeripҗan Nadirov, Tileu Qulbaev, Sağınbay Qozıbaev qatarliq härhil saha alimliri, şundaqla Qazaqstan Җumhuriyiti Prezidentiniŋ mätbuat hizmiti byurosiniŋ rähbiri Valeriy Jandäuletov, «İnayät» assotsiatsiyasiniŋ räisi Turğanҗan Rozahunov vä «Mısl'» jurnali baş muhärririniŋ orunbasari Saule Ahmetovalar käyni-käynidin sšz elip, İsmayilҗan İminovniŋ ijadiyitidiki alahidiliklärni mämnuniyät bilän tilğa alğan halda, hälqimizgä munasivätlik illiq oy-pikirliri bilän bšlüşti. Öz novitidä mäzkür käçniŋ asasiy qährimaniğimu sšz noviti berilip, u qoliğa qäläm elişiğa türtkä bolğan ayrim vaqiälär, murat-mähsätliri, iş-reҗiliri toğriliq qiziqarliq sšzläp bärdi.

Ötkän jilniŋ ahirida İsmayilҗan İminovniŋ qälimigä mänsüp yeŋi kitap yoruq kšrgän edi. U «Rodniki moego detstva» («Baliliq çağniŋ bulaqliri») däp atilidu. Namidin çiqip turğinidäk, uniŋğa asasän yazğuçiniŋ balilarğa beğişlanğan äsärliri җämlängän. Äynä şu kitapniŋ tonuşturuluşi mäzkür käçtiki äŋ asasiy yeŋiliqlarniŋ biri boldi.

Şundaqla mäzkür käç dairisidä kšrnäklik uyğur rässami Һaşimҗan Qurbanovniŋ  Qäşqärgä munasivätlik räsimliri kšrgäzmisiniŋ uyuşturuluşi uniŋ mäzmun-mahiyitini tehimu beyitti. Çünki İsmayilҗan İminovniŋ iҗadiyitidä Qäşqär mavzusiniŋ alahidä orunni egiläydiğanliğini diqqätçan gezithanlar alliqaçan çüşinivalğan bolsa keräk.

Muhtärҗan ҖUMAROV.

Bälüşüş

Javap qalduruŋ