Dadam häqqidä

0
432 ret oqıldı

Märhumlar rohiğa tazim/ Ägär dadam hayat bolsa, 4-may küni 80 yaşqa tolattekän. Äpsus, u buniŋdin bäş jil ilgiri duniyadin štti. Dadam — Qähriman Rozibaqiev, 1935-jili Ämgäkçiqazaq nahiyäsi Ämgäk yezisida tuğulğan ekän. U qiyin, mäşäqiti tola, amma bähitlik hayat käçürdi däp oylaymän.Dadam üç yaş vaqtida atisidin ayrilğan ekän. Bizniŋ bovimiz Yüsüp Ämgäkçiqazaq nahiyälik partiya komitetida instruktor bolup işlävatqan päytidä, yäni 1937-jili täqipkä uçrap, sotlinip ketidu. Ularniŋ İşiktä şähiridiki šyini hškümät tartivalidu. Momam šziniŋ tšrt oğli bilän uruq-tuqqanliriniŋ işigidä yaşaşqa mäҗbur bolidu. Bovimiz täqipkä uçriğan jili dadimiz ändila üç yaşqa tolğan edi. Şuŋlaşqa šziniŋ dadisi toğriliq heçnemä bilmätti. Päqät 1958-jili bovimizniŋ aqlanğanliği toğriliq räsmiy qäğäz kälgändin keyinla uniŋ qäyärdä vapat bolğanliği häqqidä bilidu. U jilliri «Häliq düşmininiŋ ailisi» degän bädnam ataqqa egä bolğan aililärniŋ küniniŋ qançilik müşkül bolğanliğini eytmisammu çüşinişlik.

Dadam 1958-jili Şämşinur İlieva bilän ailä quridu. Bir jil štmäyla apamniŋ ata-anisi duniyadin štüp, jitim qalğan iniliri — Abdukerim, Abdulҗan vä Qasimҗanni beqiş dadam bilän apamniŋ zimmisigä çüşidu.

Dadamniŋ eytip berişiçä, u mäktäpni tamamlap, İşiktä şähiridiki peduçiliöeğa çüşkän ekän. Amma bir küni oqutquçi däris päytidä uniŋğa «Sän häliq düşmininiŋ balisi» deginidä, uniŋğa qarşi çiqip, ahiri oquştin ketişkä mäҗbur bolidu. Keyiniräk Çemolğanda quruluşta işläydu. Şuniŋdin keyin Almutida quruluş tehnikumini tamamlaydu.

Dadam nahayiti kämtar, dilkäş vä mehrivan adäm edi. U heçqaçan başqa kişilär toğriliq yaman gäp qilmaydiğan. Һazir oylisam, şu dävirniŋ adämliriniŋ hämmisila şundaqmekin däp qalimän. U biz bala päytimizdä šyümizdä mäyrämlärni uyuşturuşni än°änigä aylanduratti. Һär Yeŋi jili, tuğulğan künlirimizdä soğilarni täyyarlap, bizni häyran qalduratti. U şeiriyätkä bäk qiziqatti. Puşkinniŋ, Lermontovniŋ, Maqataevniŋ, İliya Bähtiyaniŋ şeirlirini yadqa bilätti. Eseninniŋ «Ana heti» şeirini nahayiti yahşi kšrätti. U päytlärdä klassik yazğuçilarniŋ kitaplirini tepiş qiyin bolidiğan. Dadam äşundaq kitaplarni qäyärlärdindu äkelidiğan. Kitaphanimizda Buninniŋ, Çehovniŋ, Tolstoyniŋ, Drayzerniŋ vä başqimu klassik yazğuçilarniŋ kitapliri bar edi. Bäzi çağlarda dadam šzimu şeir yazidiğan.

Һazir biz šzimiz çoŋ bolup balilirimizni tärbiyilävatimiz. Bäzidä җavapkär bir qarar qobul qiliş päytidä «Buni dadam qandaq qilattekin?» däp soal qoyup qalimän häm dadamğa ohşaş adil boluşqa tirişimän. U dayim başqa şähsniŋ pikrini tiŋşaşni bilätti häm härqandaq mäsilini çüşinip, toğra mäslihät berişkä intilatti. Biz, baliliriğa, heçqaçan qopal gäp qilmaydiğan. Uniŋ bir kšzqarişidinla hata iş qilivatqanliğimizni çüşinip, uni җšndäşkä aldirattuq.

Dadam jutida җämiyätlik işlarğa yeqindin arilişatti. Pensiyagä çiqqandin keyin yezimizdiki Aqsaqallar keŋişiniŋ räisi bolup saylandi. Jutdaşlirimizniŋ yardimi bilän Birlik yezisida meçit selişqa yeqindin yardäm qildi. U yätmiş yaşqa kirgän päytidä «Ämgäkçiqazaq nahiyäsiniŋ Pähriy grajdini» ataldi. Şu päyttä uniŋ qançilik hoşal bolğanliği helimu yadimda. Uniŋ  ämgigi juquri bahalanğanliği hämmimizni hoşal qilğan edi.

Biyil biz Uluq Ğalibiyätniŋ 70 jilliğini nişanlavatimiz. Dadam Qaraturuq, Täşkänsaz, Birlik yezilirida Uluq Vätän uruşida vapat bolğan ata-bovilarniŋ hšrmitigä hatirä-tahtilarni ornitişqa yeqindin arilaşqan. U moşu ämgigi arqiliq uruşta qaza bolğan jutdaşliriğa šz hšrmitini kšrsättimekin, däp oylaymän.

El'mira MOLOTOVA.

Bälüşüş

Javap qalduruŋ