U qälblärdä yaşaydu

0
545 ret oqıldı

1945-jili 334-gvardiyalik eğir artilleriya polkiniŋ җäŋçisi İSU-152 җäŋgivar maşininiŋ komandiri, gvardiya leytenanti İbragim Säydimov bir җäŋdä düşmänniŋ tankiğa qarşi ikki zämbirigini, üç pulemet nuqtisiniŋ vä minometçilar batareyasini uҗuqturidu. Qorqumsiz komandirniŋ ekipaji nemisniŋ 25kä yeqin soldat vä ofitserini šltüridu. Moşu җasariti üçün «Qizil Tuğ» ordeni bilän mukapatlanğan İbragim Säydimov Uyğur nahiyäsiniŋ Dolata yezisida 1921-jili duniyağa kälgän. Atisi Säydim bilän anisi Roshan ilgiri dehançiliq qilidiğan. Däsläp «Ämgäk» kolhozida işligän Säydim ata keyiniräk yeziliq mäktäpniŋ hoҗiliq işlirini başqurğan. 1941-jili ottura mäktäpni tamamlap, bir jildin keyin uruşqa atlanğan İbragim ikki aydäk härbiy täyyarliqtin štidu. 38-armiya 842-atquçilar polkiniŋ 1-atquçilar batal'oni tärkividä şu jilniŋ avgust eyida Voronej mäydanidiki җäŋlärgä qatnişidu Keyin Menzelinsk şähiridiki üç ayliq Mar'insk härbiy säyasiy kursqa ävätilgän kiçik serjant Bel'bey şähiridiki Mar'insk artilleriya vä Saratov şähiridiki šzi maŋidiğan eğir artilleriya uçiliöelirida oqup, 1944-jili mart eyida 1- vä 2-Belorussiya frontliriğa ävätilidu. Uruşni atquçilar polkida başliğan җäŋçi җäŋgivar talay şiddätlik җäŋlärgä iştrak qildi. Kšpligän yeza-şähärlärni düşmändin tazilap, eğir җäŋlärdä tavlanğan җäŋçi säpdaşliri bilän faşistlar eligiçä barğan.

Çoŋ leytenant İbragim Säydimov 1946-jili iyun' eyiğiçä däsläp 85-gvardiyalik eğir tank polkida, keyiniräk 152-gvardiyalik ayrim tank polkiniŋ 2-batal'onida Germaniya vä Avstriya älliridä hizmät qilip, andin ana jutiğa qaytidu.

«Qizil Tuğ» ordeni, «Varşavini azat qilğini üçün», «Berlinni alğini üçün» vä «Germaniya üstidin ğalibiyät qazanğini üçün» ohşaş җäŋgivar medal'lar bilän mäydisini bezäp qaytqan sabiq җäŋçi ata-anisini, qerindaşliri Äprushan, Zorabüvi, Abdurehim, Rahätbüvi, Abdureşit vä Rehanbüvini, uruş aldida ändila bir yastuqqa baş qoyğan šmürlük җüpti Şarvanämni qayta quçti. İkki jil Lenin namidiki kolhozda başlanğuç partiya täşkilatiniŋ kativi bolup işlidi. 1950-jili Qazaq pedagogikiliq institutiğa oquşqa çüşüp, uni utuqluq tamamliğandin keyin šzi oquğan mäktäptä şagirtliriğa tarih pänidin däris bärdi. Ariliqta tšrt jil štüp, Avat ottura mäktiviniŋ mudirliğiğa tayinlanğan ustaz keyin ana jutidiki mäktäpni başqurğan. Yaş ävlat diliğa märipät çiriğini yaqqan İbragim atiniŋ teçliq hayat qoynidiki ämgigimu munasip bahalinip, u Uluq Ğalibiyätniŋ 20, 25 vä 30 jilliği, Keŋäş İttipaqi Quralliq Küçliriniŋ 50 jilliği käbi tävälludluq medal'lar bilän mukapatlanğan. 1975-jili istipadiki ofitserğa kapitan unvani berildi. Һä, 1986-jili bolsa, uniŋğa İ däriҗilik «Uluq Vätän uruşi» ordeni tapşuruldi.

Mana, İbragim ata šziniŋ şanliq hayatida äşundaq ana Vätängä, hälqigä hizmät qilip štkän. Minnätdar jutdaşliri җäŋgivar komandirniŋ ismini äbädiyläştürüp, ana jutidiki çoŋ koçilarniŋ birigä uniŋ namini bärdi. Teçliq hayat üçün qan käçkän oğlan hazir äl qälbidä yaşimaqta.

    Mahmut İSRAPİLOV.

Uyğur nahiyäsi.

SÜRÄTTÄ: çoŋ leytenant İ.Säydimov räpiqisi Şarvanäm bilän (1946-jil).

Bälüşüş

Javap qalduruŋ