Qanatliq Qurlar

1
572 ret oqıldı

Çoka muzlar/ Paqirap çiqqan quyaş qara çekitlärni hasil qilmaqta. Quyaş täptigä taqabil turalmiğan çoka muzlar šylärniŋ çedirlirida säpkä tizildi. «Bir-birimizni yšlisäk, başqa çüşkän külpätlärni yeŋişqa bolidu», deyişkän ular, huddi җäŋgä hazirlanğandäk, täp-täkşi tizilip turdi. Çoŋliriniŋ salapätlik bästigä, boy-turqiğa qarap, kiçikliri mäğrurlandi, ilhamlandi.«Bu halitidä hovup tuğduridu» degän banä-säväp bilän äŋ uzun, äŋ bäquvät, äŋ yoğan çoka muzlar qeqilip çüşirilişkä başlidi. Täkkän zärbä täsiridin çoŋliriniŋ gumran boluvatqanliğini kšrüştin başqa çarisi qalmiğan kiçikliri nemä qilişini bilmäy täntiräp qaldi. Bu kšrünüş ularniŋ mäniviy häm җismaniy šsüşinimu tosup qoydi. Çünki  «Çoŋ bolup yoq bolğiçä, kiçik bolup yaşayli», degän qararğa kälgän edi ular.

Hulasä: alplardin ayrilğansiri häm mäniviy, häm җismaniy uşşaqlişiş җäriyani iştikläydiğan ohşaydu.

Tšrt çaq

Bu tšrt çaq qäyärlärgä barmidi?! Kimlärni, nemilärni aparmidi?! Zimmisigä jüklängän eğirliqniŋ az-kšpligigä qarimay, qançilik musapilärni besip štti. Tağ-taş, dala-tüz, oyman-çoŋqur, umumän, yär ziminğa tegişlik barliq rel'efni šz kšzi bilän kšrdi. Ahiri çarçidi, upridi…

Kšp meŋip horiğan tšrt çaq ändi ayliniş oqidin çiqirildi. Җismida küç-quvät, ğäyrät, qolida hizmät bar vaqtida bu tšrt çaq šzara täŋsitmäslik, kšrälmäslik kesälliklirigä muptila bolup, bir yolda ketip barsimu, bir-birigä topa-qum çeçiş, lay çaçiritiş, epi kälsä, taş etiş işliri bilän šmrini štküzüptu. Ändiliktä ularni bir täğdir: «Çaqlarniŋ dozaq oti» hesaplinidiğan monçiniŋ mäşidä kšyüş yaki ähläthanilarda «devanä» boluş kütüp turatti. Ötküzgän hataliqlirini ändila çüşinip šküngän bu tšrt çaq šzliriniŋ orniğa selinivatqan, zavodtin yeŋi kälgän, yaltirap turğan yaş ävlat – tšrt çaqqa mäslihät qilmaqçi bolup tämşäldi. Amma keçikti… Bir-birigä çaŋ-tozaŋ çeçip, ularmu säpirini başlavätti…

Hulasä: bir ğayä ätrapida juğirilmay, etiqat nişani yoq yärdä nätiҗisiz upraş, bir-birini horitiş kšp bolidekän.

Qattiq yaŋaq

Yaŋaq meviliri šzini šstürgän, bügünki küngä yätküzgän ğolidin zadila ayrilğusi yoq edi. Birnäççä yaŋaq mevisiniŋ peşanisigä yezilğini şumu, äytävir äriksiz hiҗranliq därdini tartişqa toğra käldi. Bir top qarğilarniŋ çaŋgilida egiz kškkä kštirildi. «Bizgä şundaq egiz pärvaz qiliş nesip bolup qaptu», däp häҗäplängän yaŋaqlar qarğilarniŋ tirniğiniŋ «mähbusi» ekänligini ändila his qilişqa başliğanda, ularğa «ärkinlik» berildi. Biraq asfal'tqa «taq-taq» qilip çüşüşkä başliğan yaŋaqlar qarğiniŋ šz çaŋgilidin boşatqanliğiniŋ mahiyitigä ändila çškti. Asfal'tqa tegip yerilğanliri qarğilarniŋ yämtügigä aylandi. Arisida päqät birla yaŋaq yerilmidi. Qarğilar novät bilän uni egizliktin taşlaşqa başlidi. Lekin bu yaŋaqnp zadila çaqalmidi. Ahiri u yaqqa, bu yaqqa taşlinip, näm topiliq yärgä çüşüp yiltiz tartişqa başlidi. U ätrapta yaŋaq däriği yoq җayda šsüp-yetilip nahayiti mol mevä bärdi.

Hulasä: härqandaq җiddiy ähvalda šz äsligä sadiq bolup näslini yoqatmiğanlar šz qävmi üçün mol hosul bärgänlär bolup hesaplinidu.

Aznat TALİPOV.

Almuta şähiri.

Bälüşüş

1 izahät

  1. Bu çonkur manalik kurlar kan filosofiyaga ega.Jamiyitimizdiki korunuşlar oz aksini tepiptu.Yaraysiz!

Javap qalduruŋ