Vätän üçün җenini pida qilğan

0
637 ret oqıldı

Uluq Vätän uruşidiki Uluq Ğalibiyätkä 70 jil boldi. Muqäddäs mäyräm. Şuniŋ bilän billä kšzlärgä yaş ägküzüp, jüräklärni moҗuydiğan mäyräm. Şunçä jil štsimu, uruşniŋ häsriti untulğini yoq. Һä, häm untulmaydudä! Vätän azatliği üçün däsläpkilärdin җäŋ mäydaniğa atlanğan şirğuran jigitlär qatarida bizniŋ bovimiz Üsüp İlahunovmu bolğan. U 1905-jili Çeläk nahiyäsiniŋ Qariyota yezisida tuğulğan. Üsüp atisiğa qol-qanat bolup, süyigi qatmayla etiz-eriq işliriğa arilaşti. Oktyabr' inqilavidin keyin kämbäğällär hayati šzgirip, asta-asta häliq turmuşi yahşilinişqa başlidi. Äpsus, kšp štmäy nemis-faşistliri Keŋäş İttipaqiğa besip kirdi. Ärlär bilän kamalätkä tolğan jigitlär җäŋ mäydaniğa atlandi. Bovam Üsüp 1941-jili 36 yeşida Çeläk nahiyälik härbiy komissariati täripidin armiya sepigä çaqirtilidu. Bu vaqitta u šy-oçaqliq bolup, üç pärzändniŋ atisi edi. Üsüpni uruşqa atlandurğan räpiqisi Ayşäm 13 yaşliq Abdullam, bäş yaşliq Һevullam vä 2 yaşliq Hasiyätni bağriğa besip qalidu. 1942-jili momimiz Ayşäm bovimiz hizmät qilğan härbiy qomandanliqtin «qara hät» alidu. Uniŋda mälum bolğinidäk, vätinini düşmändin qoğdaş yolida qan keçip küräşkän atimizniŋ җäsidi Stalingrad yenidiki җäŋ mäydanliriniŋ biridä qaptu.

Uruştin keyinki jillirimu asan bolğini yoq. Bizniŋ ğäyrätlik momimiz Ayşäm Häyrieva sovhozda seğinçi bolup işläp, üç pärzändini «tumşuqluqqa çoqturmay, qanatliqqa qaqturmay» qatarğa qoşup, tärbiyilidi. Ulardin 10 nävrä taridi. Çävrilärmu bar, şükri! Momimiz nävrä-çävrä oçumidin su içti. U 1988-jili, yäni 78 yeşida duniyadin štti.

Ävladiğa teçliq hayat hädiyä qilğan bovam – bizniŋ pährimiz! Һär jili 9-may küni biz, Üsüp İlahunovniŋ ävladi, Uluq Ğalibiyätkä šz hässisini qoşqan bovimizni häm momimizni  äskä elip, ularniŋ rohiğa atap dua-tägbir oquymiz, qädirdanlirimizniŋ җeni җännättä bolsun däp tiläymiz.

Sänäthan ABİTOVA, veteranniŋ nävrisi.

Ämgäkçiqazaq nahiyäsi.

Bälüşüş

Javap qalduruŋ