Huş käypiyat beğişlidi

0
766 ret oqıldı

 Yeqinda Җumhuriyät sariyida «Pärvaz» uyğur iҗraçilar birläşmisi bilän «Raim music records» studiyasiniŋ uyuşturuşi  vä  «Birlik» җämiyätlik fondiniŋ qollap-quvätlişidä «Bahar navasi» än°äniviy kontserti bolup štti. Uniŋğa Madina Balğabaeva, Dilşat Amanbaev vä Dilşat Zakirov riyasätçilik qildi.Kšpligän talantliq sän°ätkarlar iştrak qilğan kontsert Qazaqstan hälqi Assambleyasiniŋ 20 jilliğiğa beğişlandi. Täkitläş lazimki, mäzkür kontsertta päqät uyğur sän°ätkarlirila ämäs, bälki Qazaqstan estrada yultuzliri šz hünärlirini namayiş qildi. Atap eytsaq, RinGo topi, Maqpal İsabekova, Sanda, Kamşat Joldıbaeva şular җümlisidindur.  Ular bilän bir qatarda «Därvişlär», «Yaşliq»,  «Diyar», «Nur», «Dildar» «Tumar» «Tarim» topliri, Dilnaz Ähmädieva, Tahir İbragimov,  Abdureşit Һoşurov, Ravşan Tohtahunov, Saniyäm İsmail, Älişer Amutov, «Yayra» dueti, Bahara, Pärhat Mäsim, Molutҗan Tohtahunov, Nail' Һezbaqiev vä başqilar šzliriniŋ yeqimliq nahşilirini iҗra qiliş arqiliq tamaşibinlarğa arambähş dämlirini hädiyä qildi. Ändi ävrişim ussulliri bilän iҗraçilarğa җor bolğan «Taҗinisa», «Nargiz», «İradä» «Amannisahan», «TyurkAz»  ansambl'liriniŋ hünärlirini alahidä atap štüş orunluqtur. Şundaqla «Lagman.com» KVN komandisi, «Yaşliq» teatri  vä külkä mahiri Alimҗan Bavdinov huş çaqçaqliri bilän tamaşibinlarğa huş käypiyat beğişliğanliğinimu tilğa eliş orunluqtur.

Andin keyin sähnigä kštirilgän «Yaşliq» topini häm uyğur sähniliridä kšp kšrünmäy qalğan estrada yultuzi Dilnaz Ähmädieva vä Tahir İbragimovni tamaşibinlar seğiniş ilkidä güldürligän çavaklar astida qarşi aldi. Һayaҗan ilkidä Dilnaz Ähmädieva pat-arida üç yerim jil mabaynida täyyarlavatqan uyğur tilida iҗra qilinğan nahşilardin tärkip tapqan al'bominiŋ yoruq kšridiğanliğini yätküzdi. Saniyäm İsmayilniŋ lirik nahşiliri tamaşibin qälbini tävrätkän bolsa,  «RinGo» topiniŋ äzasi Adilҗan Ömärovniŋ «Yargulla» nahşisi zalğa tehimu җan kirgüzdi.

Qedimiy sän°itimizgä šz ülüşini qoşup kelivatqan bu yaş sän°ätkarlirimizğa iҗadiy utuq tiläp, muhlisliriniŋ tehimu kšp boluşiğa  tiläkdaşliq bildürimiz.

Molutҗan TOHTAHUNOV.

Bälüşüş

Javap qalduruŋ