Һäsrätkä tolğan jillar untulmaydu

0
802 ret oqıldı

31-may küni, җay-җaylardikigä ohşaş Uyğur nahiyäsidimu säyasiy täqipläş qurvanliri hatirisigä beğişlanğan çarä-tädbirlär štküzüldi. Märasim qazaq hälqiniŋ munävvär pärzändi Ahmet Baytursınovniŋ hayati bayan qilinğan «Tutqun» namliq sähnilik kšrünüş bilän başlinip, mäzkür qoyulum gunasiz talay ziyalilar bilän addiy ämgäk adämliriniŋ täğdirini kümpäyküm qilğan zulmät jillarniŋ tarihidin uçur bärdi.Gunasiz җazalanğanlar hatirisigä bir minut süküt saqlandi. Andin sšzgä çiqqan nahiyä hakiminiŋ orunbasari Dävletjan Demenbaev säyasiy täqipläş jilliri elimizdä asassiz äyiplinip qätil qilinğanlar, uzaq muddätkä sotlanğanlar vä ularniŋ bala-çaqiliri, umumän, häliq beşiğa çüşkän azap-oqubätlär häqqidä täpsiliy eytip štti. Sšz novitini alğan natiqlar — Käribay Qojağulov, Roza Maeva vä Dmitriy Šerbakov säyasiy täqipkä uçriğan ata-boviliri häqqidä äslimiliri bilän ortaqlaşti. Mäsilän, Roza aniniŋ atisi Abdurehim qolğa elinğan ekän. Oydurma äyiplär bilän «häliq düşmini» atilip, hävärsiz kätkän atisiniŋ päqät 1954-jili aqlanğinidin uçur kelidu. Lekin ariliqta štkän jillar mabaynida «häliq düşmininiŋ» balisi degän çepiq bilän yaşiğan pütünsürük bir ävlatniŋ tartqan azavini äsläp, šksigän aniniŋ kšz yeşi barçini tävrändürdi.

Ahirida märasim iştrakçiliri säyasiy täqipläş qurvanliri hatirisigä ornitilğan yadikarliqqa güldästilär qoyup, ularniŋ rohi aldida baş ägdi.

    Mahmut İSRAPİLOV.

    Uyğur nahiyäsi.

Bälüşüş

Javap qalduruŋ