« Mukapatlar yamğuri»

4
1 699 ret oqıldı

Biyilqi käspiy mäyräm «Uyğur avaziniŋ» jurnalistliriğa untulmas däqiqilärni hädiyä qildi

Duniyada jurnalist äŋ hätärlik käsiplärniŋ biri bolup hesaplinidu. Biz bu җähättin haŋçilardin keyin ikkinçi orunda turidekänmiz. Ändi uyğur mätbuati undaq «hätärdin» jiraq. Amma ayrim gezithanlirimizniŋ «ahanitidin» baş kštirälmäy qelivatqinimizmu bar. Uniŋsiz mümkin ämäs. Amma jiliğa bir qetim bizniŋmu ahanät ämäs, illiq tiläklärni aŋlaydiğan  künimiz bar. U bizniŋ käspiy mäyrimimiz, yäni Alaqä vä ähbarat hadimliri küni.Bizniŋ käspiy mäyrimimiz här jili iyun' eyiniŋ ahirqi yäkşänbisidä nişanlinidu. Adättä, mäyräm häptiniŋ beşida jiraq-yeqindin kälgän täbriklärdin başlinidu. Biyilmu şundaq boldi. Telefon arqiliq täbrikligänlärniŋ arisida Qazaqstan Җumhuriyiti Parlamenti Mäҗlisiniŋ deputati Murat Ähmädiev, Qazaqstanniŋ hizmät kšrsätkän ärbabi, tonulğan kollektsioner Azat Һekimbäk, Qazaqstan tiҗarätçilär foruminiŋ iҗraiy mudiri Munävvär Paltaşeva, Almuta şähärlik tiҗarätçilär assotsiatsiyasiniŋ iҗraiy mudiri Saniyäm  Paltuşeva, Qazaqstan hälqi Assambleyasi Astana şähärlik kativatiniŋ kativi Murat Tohtibaqiev, tonulğan vraç, meditsina pänliriniŋ doktori Äbäydullam Җapparov, «Därvişlär» topiniŋ rähbiri, Qazaqstan kompozitorlar ittipaqiniŋ äzasi Dilmurat Baharov vä başqilar bar.

Tärkividä birnäççä näşir bar «Qazaq gazetteri» ҖÇY bolsa, mäyrämni seşänbä küni başlap, šzliriniŋ än°äniviy mukapatlirini tapşurdi. «Qazaq gazetteriniŋ» baş mukapiti — «Altun qäläm» bu qetim bizgä, yäni gezitimizniŋ Maarip bšlüminiŋ başliği Şämşidin Ayupovqa (sürättä) berildi.

Şundaqla baş muhärrirniŋ orunbasari Muhtärҗan Җumarov Qazaq gazetteri ҖÇYniŋ Täşşäkürnamisi bilän täğdirländi.

Җümä küni tähriratimizğa gezitimizniŋ bir top dostliri šzliriniŋ soğilirini kštirip yetip käptu. Ular — «Uyğur mäktivini qollap-quvätläş» fondiniŋ iҗraiy mudiri Muzäppär Zayitov, Besağaş jutiniŋ turğunliridin yazğuçi Abduhaliq Mahmutov, mäzkür mähälliniŋ baş jigitbeşi Ähmätҗan  Ahmollaev vä uniŋ orunbasari Oktyabr' Qurbanniyazov, Talğir nahiyälik Uyğur etnomädäniyät märkiziniŋ Besağaş yezisidiki şšbisiniŋ räisi Azat Ablizov vä «Ğalҗat» җämiyätlik fondi räisiniŋ orunbasari Abduväli İmirov. Ular bir top gezit hadimliriğa šzliri atiğan soğilarni tapşurup, illiq lävzini bildürdi.  Ändi şair Ähmät Һäsän, җumhuriyätlik Uyğur etnomädäniyät märkizi yenidiki Jigitbaşliri keŋişiniŋ räisi Abdureşit Mähsütov, kšrnäklik alim  Bährim Ğlavdinov rähbärligidiki mäşräp ähli, tiҗarätçi Rabidin Rozahunov soğa selinğan «mäyrämlik konvertlirini» ävätiptu.

Yäkşänbä küni bolsa, «Uyğur avazi» gezitiniŋ dostliri» klubiniŋ räisi Klara Şardinova gezit kollektivi bilän birtop veteranlarni «Şaris» restoraniğa täklip qildi. Mätbuat künigä beğişlanğan märasimni җumhuriyätlik Uyğur etnomädäniyät märkiziniŋ räisi Şahimärdan Nurumov eçip, jurnalistlarni mäyrimi bilän täbriklidi. Öz novitidä u «Uyğur avaziniŋ» baş muhärriri Erşat Äsmätovqa çapan kiydürdi. Şundaqla u gezit veteranliriğa ҖUEMniŋ Pähriy yarliqlirini tapşurdi.

Novättiki natiq — «Qazaq gazetteri» ҖÇYniŋ mudiri – Muhärrirlär keŋişiniŋ räisi  Jumabek Kenjalin käsipdaşlarğa šzliriniŋ illiq lävzini izhar qilip, gezitniŋ baş muhärriri Erşat Äsmätov (juqarqi sürättä) bilän bšlüm başliği Bähtişat Sopievqa (tšvänki sürät) mätbuat sahasidiki kšp jilliq mevilik ämgiginiŋ bahasi süpitidä Qazaqstan Җumhuriyiti İnvestitsiyalär vä täräqqiyat ministrliginiŋ «Aqparat salasınıŋ üzdigi» bälgüsini tapşurdi.

Şuniŋdin keyin sšz novitini alğan Klara Tursun qizi gezitniŋ bügünki hadimliri bilän veteranlirini mäyrimi bilän täbrikläp, härbirigä här jilqi än°änä boyiçä «konvert» soğa qildi. Gezitimizniŋ yeqin dostliriniŋ biri, Almuta şähärlik mäslihätniŋ deputati Ähmätҗan Şardinov räpiqisiniŋ tiligigä qoşulup, kelär jili Şardinovlar ailisi namidin jurnalistlar künigä 1000 AQŞ dolliri miqdarida mähsus mukapat täsis qilidiğan boldi. Uniŋ bu täşäbbusi mehmanlar arisida qollap-quvätläşkä egä bolup, «Nur Otan» partiyasiniŋ Almuta şähärlik säyasiy byurosiniŋ äzasi Asimҗan Zlavdinov šz mäşrivi namidin peşqädäm jurnalist Abdukerim Tudiyarovqa  soğisini tapşurdi. Eytmaqçi, u küni kšp jillar gezitimizniŋ Panfilov nahiyäsi boyiçä šz muhbiri bolğan vä moşu künlärdimu jurnalistikidin qol üzmäy kelivatqan Abdukerim Tudiyarov «Beybitşilik älemi» häliqara täşkilatiniŋ «Er ardaqtısı» medali bilän mukapatlandi. Ändi gezitimizniŋ Uyğur nahiyäsi boyiçä šz muhbiri Mahmut İsrapilov bolsa, Qazaqstan Jurnalistlar ittipaqiniŋ äzasi, kšrnäklik jurnalist, märhum Qasim Mähsütov namidin mukapatqa  (diplom vä 40 miŋ täŋgä) muyässär boldi. Moşu yärdä mäzkür mukapatniŋ täsisçisi, tiҗarätçi Asimҗan Mähsütovqa alahidä minnätdarliq bildürüşkä ärziydu. Näq moşundaq mukapatqa gezitimizni uzun jillar başqurup kälgän peşqädäm jurnalist Tudahun Näzärovniŋ ailisi namidiki mukapatqa (diplom vä 40 miŋ täŋgä)gezitimizniŋ Panfilov nahiyäsi boyiçä šz muhbiri Nurähmät Ähmätov sazavär boldi. İlgiri gezitimizniŋ Ämgäkçiqazaq nahiyäsi boyiçä šz muhbiri bolup işligän Mähämätҗan Һapizovmu quruq qol qaytmidi. U redaktsiyaniŋ mähsus soğisiğa erişti.

U küni käspiy mäyrämni nişanlaşqa jiğilğan qäläm egiliriniŋ hämmisi olҗiliq qaytti. Һätta gezitimizğa yeqindin arilişip kelivatqan talantliq yaşlar Aznat Talipov bilän Firuza Nävirdinovamu diqqättin sirt qalmidi. Ularğa «Uyğur avaziniŋ» ştattin taşqiri muhbiri» degän guvanamä tapşurulup, gezitimizniŋ dosti, ҖUEM yenidiki Nuraniy anilar keŋişiniŋ räisi Gülҗahan Muratova yaşlarni maddiy җähättin räğbätländürdi. U yaqmu bu än°änini här jili davam qilişqa vädä bärdi.

Älvättä, soğiniŋ kiçik-çoŋi bolmaydu. Şundimu bu qetim gezitimizğa äŋ qimmät soğini yeqin dostlarniŋ biri, mätbääçi Gülҗahan Yüsüpova (sürättä) täğdim qilğanliğini eytip štmisäk bolmaydu. U bizgä käspiy fotoapparat (bahasi — 400 miŋ täŋgä) soğa qildi.

Şundaq qilip, «Uyğur avaziniŋ» hadimliri bilän gezitimiz veteranliriniŋ hämmisi soğilarğa erişip, «mukapatlar yamğuriniŋ» astida qaldi. Buniŋ üçün gezitimizğa çäksiz muhäbbät bağliğan millätpärvär insanlarğa çäksiz minnätdarliq bildürimiz.

Jurnalistlar mäyrimigä beğişlanğan ziyapätkä salamätligigä bola kelälmäy qalğan, hayatiniŋ çaräk äsirini mätbuat sahasiğa beğişliğan, җämiyätlik işlarniŋ paal iştrakçisi Tohtasun Beyşanovni (sürättä) šyigä yoqlap berip, uniŋğa gezitimizniŋ Pähriy yarliği bilän «Uyğur avaziniŋ» dostliri klubiniŋ» ahçiliq mukapitini tapşurduq.

Jurnalistlar küniniŋ ahiri «Uyğur avaziniŋ» dostliri klubiniŋ» yeŋi räisini saylaş än°änisi bilän yäkünländi. Yäni klub räisligigä gezitimizniŋ җankšyäri, mätbääçi Gülҗahan Yüsüpova, uniŋ orunbasarliğiğa ҖUEM yenidiki Nuraniy anilar keŋişiniŋ räisi Gülҗahan Muratova saylandi.

Hursän bolarliq yeri, bu qetimqi käspiy mäyrimimizdä «Uyğur avaziniŋ» kollektivi mäniviy mukapatlardin taşqiri, hamiylar täripidin җämi 1 million 200 miŋ täŋgä miqdarida ianigä egä boldi.

Bälüşüş

4 İzahät

  1. Käsipdaşlirimni bu hil mukapatliri bilän täbrikläp, milliy gezitimizni tehimu janlanduruş yolida ularğa amät vä ijadiy utuqlar yar bolsun demäkçimän!

  2. Tabriklaymiz «,Uygur avazi » da amgak kilivatkan barlik jurnaltstlar an jukiri mukapatka layik.

  3. Barlik «Uyghur avazi»da hizmet kilivatkan vetendashlarni tabrikleymen.Internet arkilik soyumluk gezitimzni okivatimiz.Silerga kop rahmet.
    Evropa Belgiya.

Javap qalduruŋ