Ämgigi bilän qädirlik

0
660 ret oqıldı

Altšy — Yarkänt täväsidiki qedimiy jutlardin bolup hesaplinidu. Juttiki millitimiz väkilliriniŋ sani štkän äsirniŋ yätmiş — säksininçi jilliridikigä qariğanda mälum däriҗidä aziyip kätkänligi bügünki künniŋ häqiqiti. Bu altšylüklärniŋ iş-hizmät babi bilän yaki ailäviy şaraitqa bola kšçüp kätkänligi tüpäylidin yüz bärgän ähval. Amma şuniŋğa qarimastin, ular ata-bovilardin qalğan urpi-adät, räsim-qaidilirimizni saqlap, jutdarçiliq işlirini zaman tälivigä muvapiq jürgüzüp kelivatqanliği bilän päriqlinidu. Buniŋda šz vaqtida nämunilik ämgäk qilip, bügünki kündä hšrmätlik däm elişqa çiqqan bolsimu, jut ähli bilän hämnäpäs yaşap, šzliriniŋ bay hayatiy täҗribiliri asasida keyinkilärgä paydiliq äqil-mäslihätlirini berip kelivatqan jut çoŋliriniŋ hässisi bar ekänligini tilğa almay mümkin ämäs. Bügünki yaşlarniŋ çoŋ ävlatniŋ işiğa varisliq qilip, җämiyätkä munasip adämlärdin bolup qatarğa qoşuluvatqanliği äynä şularniŋ äqidä-äҗriniŋ nätiҗisi desäk, mubaliğä bolmaydu. Moşu künlärdä tävälludiniŋ yätmiş jilliğini nişanlavatqan Azat Tohtaev Altšyniŋ äynä şundaq abroy-inavätlik, sšzi yärdä qalmaydiğan çoŋliriniŋ җümlisidindur.

Azat Teyip oğliniŋ besip štkän hayat yoli jutdaşliridin ançä bir päriqlinip kätmäydu. Mäsilän, tävädiki kšpligän täŋtuşliriğa ohşaş tarihiy Vätinimizdä addiy dehan ailisidä tuğulğan. Täğdirniŋ täqäzasi tüpäyli 1964-jili ata-anisi bilän Qazaqstanğa kšçüp çiqip, nahiyädiki Çoŋ Çiğan yezisiğa oltiraqlişidu. Yezidiki mäktäptä oquşini davamlaşturup, säkkizinçi sinipni äla baha bilän tamamlaydu. Äpsuski, ailidiki ihtisadiy ähvaliğa bola, ottura bilim eliş mümkinçiligi bolmaydu. 1965-jili şoferlarni täyyarlaydiğan kursqa kirip oqup, qoliğa guvanamä alidu. On jil davamida Kirov namidiki kolhozda şofer bolup, egilik işläpçiqirişiniŋ härhil sahalirida işläydu. 1975-jili kolhoz räisi İvrayimҗan Qojahmetov egiliktiki yüzligän şoferlarniŋ arisidin ezigä şofer qilip tallavalğanliği uniŋ qandaq ämgäk qilğanliğini kšrsätsä keräk.

Azat Teyip oğli işqa orunlaşqan däsläpki künlärdin tartipla ataqliq räis uniŋğa härtäräplimä ğämhorluq kšrsitidu. Җümlidin kolhoz märkizi Altšygä kšçirip çiqip, šy bilän täminläydu, başqimu mäişiy mäsililirini häl qilip beridu. Şuniŋ bilän billä, šz işiğa härqaçan puhta boluşini, maşininiŋ tävlükniŋ härqandaq saatida yolğa täyyar halitidä turuşini җekiydu. Şundaqla uşşaq-çüşäk gäplär bilän yalğan-yavdaq sšzlärdin neri, härqandaq şaraitta rastçil boluşini akilik nesihät süpitidä eytidu.

Ägär şu çağlarda novät bilän nahiyälik partiya komitetini başqurğan Ğalım Turğanbaev bilän Serğazı Bespaevlarniŋ uni šzlirigä şofer qilişini haliğanliği, lekin räisniŋ abroy-inavitigä bola, siliğida rät qilip štkänligini äskä alidiğan bolsaq, uniŋ šz zimmisidiki väzipisini qançilik däriҗidä atqurğanliğini täsävvur qiliş qiyin bolmisa keräk.

On jilğa yeqin vaqit mana moşundaq ästaidil ämgäk qilip, 1983-jili räisniŋ qollap-quvätlişi häm raziliği bilän kolhozniŋ «Uçqun» qoy bodaş kompleksida mehanik bolup ämgäk paaliyitini davamlaşturidu. Kompleksta asasän komsomol-yaşlar ämgäk qilğaçqa, tehnikidin nätiҗidarliq bilän paydilinişniŋ yollirini ügitip, ustaz-yetäkçi süpitidä kšzgä çüşidu. Bu  yärdä kolhoz tarilip kätkiçä šz väzipisini juquri җavapkärlik bilän atqurup, çarviçiliq mähsulatliriniŋ mol yetiştürülüşigä tegişlik hässisini qoşidu.

Maqaliğa moşu yärdä çekit qoysaqmu bolatti.  Biraq Azat Tohtaevniŋ mädäniyitimiz bilän ädäbiyat-sän°itimizniŋ dit-talğimi üstün, häqiqiy җankšyäri ekänligini eytmisaq, uniŋ toğriliq toluq gäp qilmiğan bolup qalimiz. Yerim äsirdin beri «Uyğur avazi» gezitiniŋ birmu sanini qaldurmay oqup, tarihimiz bilän mädäniyitimizgä munasivätlik besilğan maqalilarni kšziniŋ qariçuğidäk saqlap kelivatqanliği helä-helimiz üçün ibrät bolsa keräk. Mabada gezitniŋ birär sani keçikip yaki tamamän kälmäy qalğidäk bolsa, u çağda yezidiki poçta alaqisi bšlümi hadimliriğimu, šzigimu aram yoq. Ändi Ziya Sämädi bilän Zordun Sabir ohşaş mäşhur yazğuçilarniŋ äsärlirini altä-yättä qetimdin oqup çiqqanliğiğa, šmridä bir kitapniŋ betini açmay štüvatqan bäzi qerindaşlirimizniŋ yaqa tutup, häyran qalidiğanliği täbiiy ähval.

Nuqsansiz ämgäk qilip štkän Azat Tohtaev šziniŋ kiçik peyil häm kämtarliği, siliq-sipayä müҗäz-hulqi bilän jutdaşliri arisida inavätlik, yaşlar üçün häqiqiy ülgä-nämunidur.

Nurähmät ÄHMÄTOV.

Panfilov nahiyäsi.

 

 

Bälüşüş

Javap qalduruŋ