«Yultuzum bol»

0
837 ret oqıldı

İlgiri hävär qilğinimizdäk, štkän yäkşänbä küni Q.Ğoҗamiyarov namidiki җumhuriyätlik dšlät Uyğur muzıkiliq komediya teatrida Qazaqstandiki uyğur sän°ätkarliriniŋ beşini qoşup kelivatqan «Pärvaz» iҗraçilar birläşmisiniŋ qollap-quvätlişi bilän «Yayra» duetiniŋ yäkkä kontserti bolup štti. Uniŋğa talantliq nahşiçi häm kompozitor Rustäm Niyazov riyasätçilik qildi.Mälumki, «Yayra» dueti buniŋdin on jil ilgiri qurulğan bolup, uniŋ äzaliri Nasima Şavaeva bilän Azamat Abdurahmanovlar bir-birigä җor boluşup, šzliriniŋ yeqimliq nahşiliri bilän sän°ät muhlisliri täripidin alahidä etirap qilinip kelivatidu. Şu künki kontsert, duetniŋ hesaviti süpitidä, yäni on jilliğiğa beğişlandi.

Kontsert hälqimizniŋ milliy durdanisi bolğan muqamlar bilän başlandi. Andin uniŋ davamida duet asasän, šz stilida iҗra qilinidiğan nahşiliri bilän tamaşibinlar qälbigä yol tutti. Bolupmu šzgilärdin ubdanla päriqlinidiğan iҗra qiliş uslubida orunlanğan nahşilar zaldikilär täripidin qizğin qarşi elindi. Şundaqla käsipdaşlirini yäkkä kontserti bilän täbrikläp, kontsertqa mehman süpitidä qatnaşqan sän°ätkarlar, җümlidin nahşiçi-kompozitor Artur İlahunov, qiziqçi Alimҗan Bavdinov, «Diyar», «Nur» topliri, «İradä» ansambli vä «Fiesta» ussul topi kontsertniŋ tehimu qiziqarliq štüşigä häm uniŋdin tamaşibinlarniŋ juquri käypiyat ilkidä qaytişiğa türtkä boldi. Buniŋdin taşqiri, Nasima Şavaevaniŋ anisi Halima Şavaeva sähnigä çiqip, pärzäntliriniŋ uyğur hälqiniŋ muqäddäs sähnisidä yäkkä kontsert beriştäk büyük çoqqiğa yätkänligi bilän ularni sämimiy täbrikläp, tamaşibinlarğa «Yaşnisun» nahşisini täğdim qildi. Alahidä täkitläş lazimki, mäzkür kontsertniŋ šzgiçiligi şuki, bu yärdä hämmä nahşilar fonogrammisiz, yäni  «tirik avazda» iҗra qilindi.

Şu küni yaŋriğan nahşilarniŋ babiğa yätküzülüp iҗra qilinişi duet äzaliriniŋ häqiqätänmu talant egiliri ekänligidin dalalät bärsä, ändi sähniniŋ bezändürülüşigä qarap, uyuşturğuçilarniŋ uşbu çarä-tädbirni štküzüşkä käspiy җähättin härtäräplimä yandaşqanliğini bayqiğili bolidu. Şundaqla bu yärdä alahidä maharät kšrsätkän sazändilärniŋmu ämgigini tilğa eliş orunluqtur.

Kontsert ahirida җumhuriyätlik Uyğur etnomädäniyät märkiziniŋ iҗraiy mudiri Zihrullam Qurvanbaqiev tamaşibinlarğa untulmas däqiqilärni hädiyä qilğan sän°ätkarlarğa minnätdarliq bildürüp, duet äzaliriğa ҖUEM namidin Pähriy yarliqlarni tapşurdi häm qabiliyätlik nahşiçi-sazändilärgä yol-yoruq kšrsitip, pana boluvatqan «Pärvaz» iҗraçilar birläşmisiniŋ işiğa utuq tilidi.

Mäşür SASİQOV.

Bälüşüş

Javap qalduruŋ