«Altun bälgümu» kapalätlik berälmäydu

0
583 ret oqıldı

Mälumki, štkän häptidä bilim grantlirini beriş boyiçä komissiya šz işini ayaqlaşturup, dšlät hesaviğa oquş hoquqiğa egä bolğan 32168 adämniŋ tizimi märkiziy gezitlarda elan qilindi. Biraq keyin mälum boluşiçä, Qazaqstan Җumhuriyiti Bilim vä pän ministrliginiŋ mälumatliriğa asaslansaq, 39 «Altun bälgü» egisi, 8 häliqara olimpiadilarniŋ ğalibi, 92 häliqara ilmiy musabiqilarniŋ vä 293 türlük iҗadiy häm sport musabiqiliriniŋ ğalipliri aliy oquş orunlirida bilim eliş grantiğa erişälmidi. Sävävi mäktäpni äla bahağa tamamliğan  vä olimpiadilar ğalibi atalğan barliq uçumkarlarğa grant yätmäy qalğan.

Bilim vä pän ministrligi aliy oquş ornidin keyinki bilim eliş vä häliqara hämkarliq departamenti mudiriniŋ väzipisini orunliğuçi Serik Ömirbaevniŋ çüşändürişiçä, biyil päqät «Altun bälgü» egilirila qobul qilinğan birqatar mutähässisliklär bar. Mäsilän, häliqara munasivätlär, şäriqşunasliq, çät äl filologiyasi, ädliyä, bajhana işi, barliq ihtisadiy mutähässisliklär, meditsina äynä şular җümlisidindur. Uniŋdin taşqiri ihtisadiy vä ädliyä mutähässisliklirigä grant az bšlüngän.

Äynä şundaq ähval qeliplaşqandin keyin bilim vä pän ministri Aslan Särinjipov vä konkurs komissiyasiniŋ äzaliri milliy universitetlarniŋ, regionluq aliy oquş orunliriniŋ rektorliriğa dšlät grantiğa erişälmigän talantliq balilarni rektor grantiğa qobul qiliş toğriliq muraҗiät qildi. Buniŋ üçün grantqa erişälmigänlär hšҗҗätlirini tapşurğan aliy oquş orniğa kelip, qobul qiliş komissiyasigä yoluquşi şärt.

Eytmaqçi, Qazaqstanniŋ aliy oquş orunlirimu älaçi uçumkarlarğa qiziqivatqanliğini bildürdi. Mäsilän, Astanadiki Qazaq injenerliq-tehnikiliq akademiyasi, Yassavi namidiki Häliqara qazaq-türk universiteti ularğa häqsiz oquş imkaniyitini yaritip berişkä täyyar.

 

Bälüşüş

Javap qalduruŋ