Eqidäŋni qayturalmidim

0
417 ret oqıldı

Künlär künlärni, häptini häptilär qoğlap, aylar štmäktä. «Vaqit davalaydu» degän ibari barğu, amma seniŋ baqiliq bolup, bizni zar qahşitip kätkiniŋgä üç jil bolsimu, bu җudaliqniŋ häsriti heç untular ämäs. Jillar štkänsiri arimizda yoqliğiŋ kündin-küngä çoŋqur sezilip, qälbimizdä çäksiz seğiniş, kinäş tuyğulirini oyğatmaqta. Sän duniyadin štkändin keyin här jili küz kälgändä mäyüslinip qalimän. Yänila seniŋ hayat vaqtiŋ, kälmäs bolup kätkän beğubar baliliq, yaşliq dävrim yadimğa kelidu.Apam Nurbanäm Hudaybärdieva 1932-jili Uyğur nahiyäsiniŋ Kiçik Dehan yezisida tuğulğan ekän. Ändila teçliq hayat ornap, adämlärniŋ turmuş-tirikçiligi yahşilinişqa başlanğanda, dähşätlik uruş başlinip kätkäçkä, yezimizdiki barliq oqät qeri-çürilärgä, balilarğa qalidu. Apammu jutdaşliri qatarida beli qatmay eğir җismaniy iş bilän şuğullinişqa mäҗbur bolidu. Amma, nemişkidu, apam uruş jillirida tartqan җapa-mäşäqätliri, qilğan ämgigi häqqidä eytip berişni ançila yaqturup kätmäydiğan. Bäzidä, yäni 9-May — Ğalibiyät küni harpisida şu bir qiyin zamanlar toğriliq hekayä qilip berätti. Özi kšp җapa tartqaçqimu, biz, pärzäntliriniŋ, eğir ämgäk qilişimizğa yol bärmäydiğan. Öydiki hämmä oqätni, hätta taladiki bäzi işlarnimu šzi qilatti. «Apa bizmu çoŋ bolduq. Ändi işni biz qilayli» desäk, külümsiräp: «Һämmigä ülgirisilär, hazirçä küçüm bar, maŋa qoyup beriŋlar» däydiğan.

Apamniŋ yänä bir hisliti — u tevip bolidiğan. Jutumizniŋ adämliri saqliği bolmay qalsa, bizniŋ šygä kelätti. Apam päqät šzi bilidiğan uslublar bilän dorilarni täyyarlap, bemarlarni davalatti. Apamğa kšpiräk bala tapalmayvatqan yaş җuganlar kelidiğan. Şipaliq qolliriniŋ şapaitimu, äytävir, ular ana boluş bähtigä erişidiğan. Ular keyiniräk, naresidilirini kštirip, apamğa rähmät eytqili kelätti. Apam ularniŋ balilirini kšrgändä, huddi šziniŋ balisini kštärgändäk, hoşal bolup ketidiğan. Şu päytlärdä duniyada apamdäk bähitlik adäm yoqtäk bilinätti maŋa.

Bäzidä eğir ağriqlarni davalap bolğandin keyin apamniŋ šziniŋ tavi bolmay, yetipla qalatti. Män kayip, terikip kätsäm, apam «Qoluŋdin kälsä, adäm balisiğa yardäm qilğandin artuq bähit yoq» däp yänila illiq külüp qoyidiğan.

Dadam Tursun bilän apam biz, toqquz balini tepip, qatarğa qoşti. Apam «Qähriman Ana» ataldi. Ta duniyadin štkiçä hämmimizniŋ ätrapida säkparä bolup bizniŋ ğemimizni qildi. Hälqimizdä «Aniniŋ qädrini ana bolğanda bilisän» degän sšz bar. Һazir mänmu pärzänt tepip, ana bolğinimda apamniŋ qädrigä yetivatimän.

Mana bizmu är yetip, šz turmuş-tirikçiligimizni yahşilap, ändi animizniŋ eqidisini qayturayli degändä, şum äҗäl arimizdin elip kätti. Äpsus, täğdirgä tän bärmäy mümkin ämäs ekän. Apamniŋ yatqan yeri җännättä, imani yoldaş bolsun däp bir uluq Alladin tiläştin başqa ilaҗimiz yoq.

Gülzadäm ABDRASULOVA.

Uyğur nahiyäsi.

Bälüşüş

Javap qalduruŋ