Alaqilarni küçäytidiğan yeŋi qädämlär

0
487 ret oqıldı

Ötkän çarşänbä küni Dšlät rähbiri Nursultan Nazarbaev elimizgä räsmiy säpär bilän kälgän Pakstan İslam Җumhuriyitiniŋ Prem'er-Ministri Navaz Şarif bilän uçraşti.

Uçrişişta soda-ihtisadiy, transport-tranzitliq, ilmiy-tehnikiliq vä mädäniy-gumanitarliq sahalardiki ikkitäräplimä hämkarliqni küçäytiş mäsililiri muhakimä qilindi. Şundaqla häliqara kün tärtividiki ähmiyätlik vaqiälär häqqidä sšz qozğaldi.Uçrişiş davamida Qazaqstan Prezidenti Pakstanniŋ sistemiliq täräqqiyatida Navaz Şarifniŋ atqurğan rolini täkitlidi.

«Siz eğir ähvalda dšlättä ihtisadiy vä säyasiy islahatlarni utuqluq ämälgä aşurup, Pakstanniŋ abroyi bilän rolini kštiridiğan häliqara säyasät jürgüzüvatisiz. Qazaqstan bilän Pakstanniŋ orunlaşqan regionniŋ dšlätliri šzara soda vä mädäniy munasivätlär turğusidin dayim ziç munasivättä boluvatidu. İlgirimu Siz bizniŋ sabiq paytähtimiz Almutiğa kälgän ediŋiz. Şuniŋdin beri az vaqit içidä biz yeŋi paytäht salduq. Bu şähär — bizniŋ mustäqilligimiz bilän elimiz mustäqillik jillirida yätkän utuqliriniŋ rämzi», dedi Dšlät rähbiri.

Öz novitidä Navaz Şarif Nursultan Nazarbaevqa Qazaqstanğa täklip qilğanliği üçün täşäkkür izhar qilip, ikki häliqniŋ munasivätliriniŋ tarihi bar ekänligini täkitlidi.

İkkitäräplimä uçrişiştin keyin Qazaqstan Prezidenti bilän Pakstan Prem'er-Ministri käŋäytilgän tärkiptä štkän muzakirilärgä qatnaşti. U yärdä Qazaqstan Prezidenti šz sšzidä Navaz Şarifniŋ säpiri ikkitäräplimä munasivätlärni җanlanduruşqa yeŋi sür°ät beridiğanliğiğa işänçä bildürdi.

Bälüşüş

Javap qalduruŋ