Ustazim — pährim

0
581 ret oqıldı

Ötkän җümä küni җänubiy paytähttiki Almuta İçki işlar akademiyasidä buniŋdin ottuz jil ilgiri uşbu bilim därgahidin uçum bolğan vä hazirqi kündä җumhuriyitimizniŋ җay-җayliridiki içki işlar organlirida hizmät qilivatqan politsiya hadimliriniŋ uçrişişi bolup štti. Uniŋğa akademiyaniŋ veteran ustazliri bilän juqarqi kursniŋ tiŋşiğuçiliri qatnaşti. Uçrişişniŋ räsmiy qismi başlanğiçä uzundin buyan didarlaşmiğan uçumkarlar içki işlar hizmitiniŋ qir-sirlirini ügätkän ustazliri bilän uzaq muŋdaşti. Özliri oquğan siniplarni vä yaşiğan yataqhana bšlmilirini arilap, u җaylarda yüz bärgän qiziq vaqiälärni äskä aldi.

Andin ular akademiyaniŋ mäҗlislär zalida ustazliri Muhpul Yüsüpovni, Qadır Talipovni vä Amraq Һasanovni sähnä tšrigä täklip qildi. Baş qoşuşni mäzkür bilim därgahi başliğiniŋ oqutuş işliri boyiçä orunbasari Talğat Bapanov kirişmä sšz bilän eçip, 1985-jilniŋ uçumkarliridin šz sahasi boyiçä yetük mutähässislärniŋ yetilip çiqqanliğini alahidä täkitläp, ularniŋ kšpçiligi hazir juquri lavazimlarni egiläydiğanliğiğa qarimay, diliğa bilim uruğini säpkän ustazlirini yadidin çiqarmiğanliğiğa apirin äylidi. Şundaqla ularniŋ moşu paaliyiti zalda oltarğan yüzligän keläçäk politsiya hadimliriğa ülgä ekänligini bildürdi. Andin juqurida ismi atalğan ustazlar sšzgä çiqip, şagirtliriniŋ mäyrämlik käypiyat hädiyä qilivatqiniğa rähmitini eytqaç, içki işlar orginida hizmät qilişniŋ näqädär qiyin ekänligigä tohtaldi häm uzun jilliq täҗribisigä asaslanğan halda bahaliq mäslihätlirini bärdi.

Uçrişiş җäriyanida «Avğanstan uruşi veteranliri vä nakaliri» jämiyätlik birläşmisiniŋ räisi Murat Abduşükürov Muhpul Yüsüpov bilän Qadır Talipovni İçki işlar sahasidiki vä Veteranlar keŋişiniŋ paaliyitini җanlanduruşta siŋärgän pidakaranä ämgigi üçün «Za zaslugi» medalini tapşurup, uçrişiş qatnaşquçiliri namidin akademiyagä atiğan soğilirini tapşurdi. Maliyä politsiyasi akademiyasiniŋ başliği Sarqıtbek Moldabaevmu ustazliriğa hšrmät bildürgäç, җämiyätlik tärtipni saqlaş mutähässisligini talliğan adämlärniŋ päqät üzlüksiz izdiniş arqiliq yahşi nätiҗilärni qolğa kältürüşi mümkin ekänligini vä bu sahada ahali behätärligi äŋ muhim orunda turidiğanliğini alahidä qäyt qildi.

Biz, bu küni mäzkür bilim därgahiniŋ peşqädäm ustazi, polkovnik Muhpul Yüsüpov häqqidä illiq pikirlärni bildürgän Ädliyä pänliriniŋ doktori Sarqıtbek Moldabaevtin ustazi toğriliq eytip berişini iltimas qilduq.

—  Män ustazim Muhpul İmir oğlini bir šmür hšrmät qilip štüşkä täyyar, — däp pähirländi Sarqıtbek Moldabaev. – Sävävi, mundaq aliy päzilätlik peşqädämlärni hazir bizniŋ җämiyitimizdä tepiş intayin qiyin. U şu jilliri biz bilän billä oquğan yüzgä yeqin kursantnila ämäs, bälki ularniŋ ata-anisi vä yeqinlirinimu yahşi tonuydiğan häm şu arqiliq şagirtliriniŋ çoŋqur bilim elişiğa asas yaritip bärgän. Şähsän män bu kişiniŋ yol-yoruq kšrsitişi tüpäyli, däsläp Yarkänt täväsigä hizmätkä kätkän edim. Şundaqla u härbiy ädäbiyatni kšp oquydiğan häm bizdinmu şuni täläp qilatti. U kişidiki sämimiylik, kämtarliq šz käspigä bolğan sadaqät meniŋda alahidä täsirat qaldurğan. Şu tüpäyli hazir qäyärdä bolmayli, billä oquğan savaqdaşlarniŋ beşi qoşulupla qalsa, birinçi novättä, Muhpul İmir oğliğa telefon qilimiz. Qisqisi, ustazim — meniŋ pährim.

Qazaqstan Җumhuriyitiniŋ maliyä sistemisida ismi kšpçilikkä yahşi tonuş şähsniŋ pikridin keyin, ustaz bilän şagirtni hatirä sürätkä çüşirivaldim.

Mäşür SASİQOV. 

Bälüşüş

Javap qalduruŋ