550 jilniŋ bügünki çoqqisi

0
690 ret oqıldı

Dšlät rähbiri qazaq kosmonavtini aeroportta kütüvaldi.

Ötkän şänbä küni Dšlät rähbiri Nursultan Nazarbaev Astana aeroportida «Soyuz TMA-16M» ekipajiniŋ äzaliri bilän — kemä komandiri Gennadiy Padalka, bortinjenerlar Andreas Mogensen vä Aydın Ayımbetov bilän uçraşti.Näq moşu küni Astana hälqiniŋ Qazaq hanliğiniŋ 550 jilliğiniŋ nişanlişi bu vaqiägä tarihiy vä mäyrämlik süpät bärgändäk boldi. Kosmonavtlarni kütüvelişqa qerindaşliridin başqa, Astanadiki «Ğarışker» mähsus mäktiviniŋ oquğuçiliri, Qazaqstan vä Rossiyaniŋ kosmos sahasiniŋ hadimliri, Rossiyaniŋ Qazaqstandiki älçisi vä ammiviy ähbarat vasitiliriniŋ väkilliri qatnaşti.

Mälumki, moşu vaqiäniŋ aldida içidä qazaqstanliq kosmonavt Aydın Ayımbetov, Rossiya kosmonavti Gennadiy Padalka, Evropa kosmos agentliğiniŋ astranavti daniyalik Andreas Mogensen bar kosmos korablidin bšlünüp çiqqan kapsula Qarağanda vilayitidiki Jezqazğan vilayitigä çüşkän edi. Bu vaqiä Jezqazğan şähiriniŋ җänubiy şärqidiki 146 kilometr jiraqliqta Astana vaqti boyiçä 12-sentyabr' saat 6.51 minutta tirkälgän edi. Kosmonavtlarni mähsus täyyarlanğan top kütüvaldi.

Uçrişiş davamida Dšlät rähbiri ekipaj äzalirini aman-esän qaytip kelişi bilän Häliqara kosmos stantsiyasidiki ähmiyätlik missiyaliriniŋ ayaqlişişi bilän täbriklidi.

Biz uçuşni nazarät qilip turduq. Älvättä, qazaqstanliqlar dšlät tarihidiki üçinçi kosmonavt bolğan Aydın Ayımbetovniŋ paaliyitigä alahidä kšŋül bšldi, — dedi Nursultan Nazarbaev.

Dšlät rähbiri bilän uçrişiş davamida yärgä qonğan ekipaj äzaliri missiyaliriniŋ utuqluq ayaqlaşqanliğini eytip, pütkül Qazaqstan hälqini muhim vaqiä bilän täbriklidi.

A.Ayımbetov mämlikitimiz namidin Häliqara kosmos stantsiyasidä vakalätlik qiliş märtivisini işäş qilip tapşurğini üçün Dšlät rähbirigä vä Qazaqstan hälqigä täşäkkür izhar qildi.

Ammiviy ähbarat vasitiliri väkillirigä beğişlanğan brifing davamida Nursultan Nazarbaev bügünki taŋda duniya dšlätliriniŋ içidin sanaqliq dšlätlärla šzliriniŋ grajdanlirini kosmosqa ävätidiğanliğini eytip, Qazaqstanniŋ kosmos sahasi utuqluq täräqqiy etivatqanliğini täkitlidi.

Bälüşüş

Javap qalduruŋ