«Vijdanliq, ämgäksšygüç adämlärni hšrmät qilimän»

0
634 ret oqıldı

Yänä bäş kündin keyin tonulğan җämiyät ärbabi Ähmätҗan Şardinovniŋ tuğulğan küni. Qazaqstandiki turmuş-tirikçiligi äŋ yahşi uyğurlarniŋ biri bolğan Ähmätҗan Bäkrim oğli tuğulğan künini, adättä, qandaq nişanlaydu? Yeqinda u moşu vä başqimu şähsiy hayatiğa munasivätlik soallirimizğa җavap bärdi.Şardinovniŋ  käştisi

Ähmätҗan Bäkrim oğli ätigänligi saat yättidä turidu. Top-toğra saat säkkizdä iş orniğa yetip baridu. İşläpçiqirişqa beğişlanğan «bäş minutluq jiğinni» štküzüvätkändin keyin eqimdiki işlarğa kirişidu.

– Siz işiŋizni oğluŋiz Şšhrätkä alliqaçan štküzüvätkän ämäsmu? –  soridim uniŋdin.

–  Toğra. Män uniŋğa päqät kšrük materiallirini yasaydiğan çoŋ zavodni štküzüp bärdim. U –  AZMK däp atilidu. Җay-җaylarda uniŋ yänä üç şšbisi moҗut. Ularniŋ härqaysisiniŋ šzigä tegişlik väzipisi bar. Män şularniŋ hämmisini nazarät qilidiğan «AZMK gruppqa» rähbärlik qilimän. Bizniŋ karhana bügünki kündä Prezidentimizniŋ «Nwrlı jol» programmisi boyiçä işlävatidu. Moşu jili  hämmisi bolup on säkkiz kšrük   salduq.

–  Şundaq qilip, çüşkiçä zavodta bolisiz, çüştin keyin…

– Çüştin keyin җämiyätlik işlar bilän şuğullinimän. Almuta şähärlik mäslihätniŋ sessiyasi, «Nur otan» partiyasidiki baş qoşuş, «Atameken» Milliy tiҗarätçilär palatisiniŋ Almuta şähärlik şšbisidiki uçrişiş vä hakazilar şular җümlisidinlur. Vaqtim yätsä, җumhuriyätlik Uyğur etnomädäniyät märkizigä yoluqimän. Şundaq qilip, käç kiridu.

Şardinovniŋ räpiqisi

Şardinovniŋ ailisi häqqidä gäp qozğilip qalsa, u dayim sšzini räpiqisi Klara Tursun qizidin başlaydu.

— Klara Almutidiki Häliq egiligi institutini pütärgän, kšp jillar Yeza egiligi ministrligidä hizmät qildi. Һazir hšrmätlik däm elişta. Ailimizdä bala tärbiyisi bilän asasiy җähättin Klara şuğullandi. Bügünki kündä bolsa, nävrilärni tärbiyilävatidu. Uniŋdin başqa җämiyätlik işlarniŋmu paal iştraqçisi. Bir jil «Uyğur avaziniŋ» dostliri» klubiğa rähbärlik qildi. Һazir «İşbilärmän ayallar klubiniŋ» räisi. Mäzkür klub qurulğandin beri, şähär vä vilayättä talay häyrihahliq işlarni ämälgä aşurdi. Moşu yeqindila mäzkür klub äzaliri Muällimlär künigä munasivätlik şähärdiki uyğur baliliri bilim elivatqan tšrt mäktäpkä šz ianilirini hädiyä qildi.

Şardinovniŋ pärzäntliri

Ähmätҗan Bäkrim oğliniŋ üç pärzändi bar. Tunҗisi Bähtiyar bilän känҗisi Ruslan dšlät hizmitidä. Otturançisi Şšhrät dadisiniŋ izi bilän kelivatidu.

–  Başta eytip štkinimdäk, šz vaqtida iş babi bilän balilarniŋ qandaq çoŋ bolğininimu säzmäy qaptimän. Ätigänligi ular uhlavatqanda šydin çiqip ketimän. Käçtä kälsäm, yänä uhlavatqan. Amma balilirim mäktäptä oquvatqanda ata-anilar jiğiniğa šzäm qatnişattim. Oğullirimniŋ härbiriniŋ kündiligini šzäm täkşürüp turattim. Ularni päqät bilim elişqa dävät qildim. Balilar aliy oquş orunliriğa çüşkändimu, ailimizdä tärtip-intizam şundaqla davam qildi. Bäzi vaqitlarda ularni başlap kitaphanilarğa barğan päytlirimmu bolğan. Һazir balilirim maŋa miŋ bir rähmitini eytip, alğan biliminiŋ «mevisini» yävatidu. Män dayim ularğa «bayliq bilän bilimni täŋläştürmäŋlar» däp mäslihät berimän. Bayliq bügün bar, ätä yoq. Bilimlik adäm heçqaçan yärdä qalmaydu.

Şardinovniŋ nävriliri

Şardinovniŋ säkkiz nävrisi bar. Biyil ularniŋ üçi – Karina, Diyana vä Äsqär birinçi sinipqa kirdi. Biyilqi birinçi qoŋğuraq märasimiğa Şardinovlar ailisi toluği bilän bardi. Nävrilirini yetiläp kälgän Ähmätҗan Bäkrim oğlini mäktäp mudiri tonup qelip, aldiğa kelip salamlaşti vä «Siz şähärlik mäslihätniŋ deputati Şardinovqu?» däp uniŋğa märasimda sšz bärdi.

Bügünki kündä Şardinovniŋ nävrilirimu helä utuqlarni qolğa kältürdi. Çoŋ nävrisi, yäni Şšhrätniŋ oğli Murat Nazarbaev Universitetiniŋ studenti. Bähtiyar bilän Ruslanniŋ pärzäntliri Malik bilän Älişer Nazarbaev äqliy mäktividä oquydu. Altinçi sinip oquğuçiliri Leyla bilän Kärim «Koka-kola içimliginiŋ adäm organizmiğa ziyini» mavzusida doklad yezip, Almuta şähiridiki mäktäplärara štkän oquğuçilarniŋ bilimini sinaş konkursida üçinçi orunğa erişti.

–  Siz җumhuriyätlik Uyğur etnomädäniyät märkiziniŋ «tizgigini» štküzüvatqan päytiŋizdä «däm elişqa çiqip, nävrilirimgä kämpüt berip, ularni istirahät beğida oynitimän» devidiŋiz, arminiŋizğa yättiŋizmu?

– Nävrilär eyiğa ikki qetim meniŋ aldimda hesavat beridu. Һämmisiniŋ kündiligini šzäm täkşürüp, qolumni qoyumän. Bilimi, tärtivi täripidin kšzgä çüşkän nävrilärni ata-anisi bilän billä çät ällärgä däm elişqa ävätimiz. Һazirçä «bu kämpütni» nävrilärniŋ hämmisi yävatidu. Män şuniŋğa hoşal.

Şardinovniŋ hšrmiti

– Sizni koçilarda yaki birär muhimlarda siz ilgiri-keyin kšrmigän adämlär pat-pat tonup qalidiğan päytlär bolup turamdu?

— Undaqlar nurğun, toy-tškün, näzir-çiraqlarda jut çoŋliridin «Sizni Nazarbaev qobul qilğan», «Siz Qazaqstan hälqi Assambleyasidä Nazarbaevniŋ  orunbasari bolğan» degän gäplärni pat-pat aŋlaymän.

Eytmaqçi, yeqinda Bauırjan Baybek Almuta şähiriniŋ hakimi bolup tayinlanğanda, uni bizgä, mäslihät deputatliriğa, Nursultan Äbiş oğliniŋ šzi tonuşturdi. Şu vaqitta ilgärki hakim Ahmetjan Esimovqa minnätdarliq bildürüp sšzligänlärniŋ arisida mänmu boldum. Bu qazaq hälqiniŋ yalğuz maŋila ämäs, bälkt pütkül uyğur hälqigä bolğan hšrmiti. Prezident bilän bolğan uçrişişlarni, uniŋ orunbasari bolğanliğimni taraziğa selip, şundaq hulasägä kelimän.

Şardinovniŋ bayliği

– Siz Qazaqstandiki äŋ bay uyğurlarniŋ biri. Öz vaqtida, җumhuriyätlik Uyğur etnomädäniyät märkiziniŋ räisi bolğiniŋizda,  uniŋ paaliyitigä millionliğan täŋgä hiraҗät qilğanliğiŋizni yahşi bilimiz. Talay şähslärgimu yardäm qoluŋizni sundiŋiz. Sorimaqçi bolğinim, bu aditiŋiz hazirğiçä saqlinip qaldimu?

– Män hälqim, pärzäntlirim, ävlatlirim bilän bay adäm. Buni dayim mahtiniş bilän tilğa alimän. Rast, hazir pulsiz iş pütmäydu. Toqquz jilniŋ içidä pulni helä särip qildim. Uniŋ bahasini häliq bärsun. Häyrihahliq mähsättä häşligän pulni eytişniŋ šzi qolaysiz. Äslidä oŋ qol bärgänni sol qol bilmäsligi keräk. Şundaqtimu soaliŋ җavapsiz qalmisun. Ahirqi qetim Qarağaylı yezisiğa säl kälgändä helä adämlär zärdap çäkti. Şu vaqitta ailimiz namidin ularğa bir million täŋgä ianä qildim.

Şardinovniŋ  dostliri

– «Şardinovniŋ dostliri kšp» yaki «dostliri yoq» degän gäplärnimu aŋlaymiz.

– On bäş jildin buyan mäşräp oynavatqan  ağinilirim  bar. Şular meniŋ yeqin dostlirim. Ular Azat Һekimbäg, Vladimir Tohtasunov, Asimҗan Zlavdinov, Ähmätҗan Ähät, Mahmut İskändärov, Abdureşit Älqämov, Ğäyrät Zayitov, Abdekim Abduşükürov, Äbäydullam Җapparov, Һämraҗan Roziev.

– Adättä, tuğulğan küniŋiznimu moşu ağinilär bilän nişanlamsiz?

­– Tuğulğan künümni ailäm bilän qarşi alimän. U küni balilar bilän nävrilär šz hünärlirini namayiş qilidu. Bu meniŋ üçün äŋ çoŋ soğa.

Şardinovniŋ şiari

– Män vijdanliq, ämgäksšygüç adämlärni yahşi kšrimän. Undaq adämlär yeniŋda jürsä, saŋa rohiy vä җismaniy mädät beridu. İşiŋğa bärikät elip kelidu. Män buni šzämniŋ ämgäk paaliyitimdin misal qilip eytip beräläymän. Zavodta miŋdin oşuq adäm ämgäk qilidu. Ular — 27 millätniŋ väkili. Arisida aldi qiriq jildin oşuq işlävatqanlarmu, ata-balilar bilän ularniŋ nävrilirimu bar. Äynä şundaq vijdanliq, ämgäksšygüç adämlärniŋ küçi bilän zavodimiz «Altın sapa», «Parız» mukapatliriğa egä boldi. Demäk, işligän – çişläydu.

Bähtişat SOPİEV.

Bälüşüş

Javap qalduruŋ