«Ändi küçimizni käspiy boksta sinaymiz»

0
919 ret oqıldı

İmid TOHTAHUNOV/ Sport sahasidiki «Free Sparrinq» federatsiyasiniŋ nami hämmigä mälum. Näq moşu federatsiyasidä birnäççä duniya çempioni tärbiyilinip çiqti. Yeqinda «Free Sparrinq» federatsiyasiniŋ prezidenti, Qazaqstan Җumhuriyitiniŋ ämgigi siŋgän mäşiqländürgüçisi İmid Tohtahunov bilän sšhbätläşkän eduq.İmid aka, keyinki vaqitlarda silärniŋ federatsiyaniŋ paaliyiti toğriliq mälumatlar yoqniŋ ornida. Nemişkä?

Federatsiya paaliyitini bir künmu tohtatqini yoq. «Free Sparrinq» federatsiyasi 1999-jili daŋliq sportçi Ayat İlahunovniŋ täşäbbusi bilän qurulğan edi. Esiŋlarda bolsa, şu jili qaidisiz yäkmu-yäk boyiçä AQŞ vä Qazaqstan komandiliriniŋ uçrişişini štküzduq. Bu uçrişişqa duniya çempioni Oleg Toktarovmu qatnaşqan. Alahidä täkitligüm keliduki, moşundaq häliqara däriҗidiki uçrişişni Qazaqstanda däsläpki qetim bizniŋ federatsiya uyuşturdi. Federatsiya qurulup, štkän on altä jilda kšpligän utuqlarğa yättuq, däp işäşlik eytalaymän. Mäsilän, qaidisiz yäkmu-yäk boyiçä päqät uyğurlardin Şatliq Һämraev üç dürkün duniya çempioni ataldi. Ändi Mähämätҗan Qurbanov bilän Dolqun Mämätov ikki qetim duniya çempioni boldi, Ähtämҗan Hälilov bolsa, kikboksingtin ikki dürkün duniya çempioni. Älvättä, utuqqa yätkän hämmä şagirtlirimizniŋ ismini eytip štüş mümkin ämäs. Äŋ muhimi, yaşlirimizniŋ sportqa bolğan qiziqişi šsti. Һayatta sportniŋ orni alahidä ekänligini çüşändi. Moşu jillar içidä sportçilarniŋ üç ävladini tärbiyiläp çiqtuq. Ular hayatta šz ornini tapti. Şundaqla sportçilirimiz çät ällärdä bolğan päytliridä duniyağa tonulğan, isimliri rivayätkä aylanğan şähslärdin tälim eliş bähtigä muyässär boldi. Mäsilän, AQŞta ismi duniyağa tonulğan käspiy boksçi Djordj Formenniŋ maharät därislirigä qatnaşqan şagirtlirimizmu bar. Ändi keyinki jillarda hayatini käspiy sportqa beğişlaşni halaydiğan yaşlirimiz kšpiyivatidu. Şuŋlaşqa biz Ayat aka bilän mäslihätlişip «Free Sparrinq» promouterliq şirkitini qurduq.

Bu şirkätni quruştiki asasiy mähsitiŋlar nemä?

Mälumki, sportniŋ yäkmu-yäk, boks türliri boyiçä qazaqstanliq sportçilarniŋ isimliri duniyağa yahşi tonuş. Bolupmu boksçilirimiz nahayiti küçlük. Ändi boksta bir salmaqtiki talantliq säkkiz balidin päqät birila Qazaqstanniŋ tallanma komandisi tärkivigä kiridu häm Olimpiadiğa yollanma elişi mümkin. Qalğan yättisi çoŋ sporttin çättä qelişi — hayat qanuni. Ularniŋ qabiliyiti, mahariti, intilişi bolsimu sporttiki utuqliri çäklinip qalidu. Ular käspiy sportqa štüşni halisimu, yol-yoruq kšrsitidiğan, mäbläğ җähättin yardäm beridiğanlar yoq. Ändi bizniŋ çät ällärdä, bolupmu käspiy boks täräqqiy ätkän AQŞta tonuşlirimiz kšp häm käspiy boks boyiçä uçrişişlarni štküzüş täҗribimizmu bar. Bizniŋ asasiy mähsitimiz — yeqindila yänä bir qetim šziniŋ maharitini kšrsätkän Gennadiy Golovkin ohşaş boksçilarni tärbiyiläş.

Paaliyitiŋlarniŋ däsläpki nätiҗiliri qandaq boluvatidu?

Biz boksçini talliğanda šzimizniŋ federatsiya yaki Qazaqstan bilän çäklinip qalmaymiz. Rossiyadä, Özbäkstanda tallaş işlirini ämälgä aşurduq, Bügünki taŋda Rossiyadin Meҗit Bektemirov, Özbäkstandin Bahadur Mominaliev, Ahrar Muralimov, Qazaqstandin Nikolay Veretnikov, Radmir Ahmadiev vä Äziz Һezbaqievni talliduq. Ular Amerikida titulliq uçrişişlarni štküzdi. Mäsilän, Meҗit Bektemirov on yättä yäkmu-yäk štküzüp, hämmisidä ğalibiyätkä erişti. Ahrar Muralimov jigirmä uçrişiş štküzüp, ularniŋ on ikkisidä räqivini nokaut bilän yäŋdi, Radmir Ahmadiev bolsa, yättä uçrişiş štküzüp, hämmisidä utuq qazandi. Äziz Һezbaqiev hazirçä bir uçrişiş štküzdi.

Meniŋ bilişimçä, Äziz käspiy boksta ringqa çiqqan däsläpki uyğur balisi boluşi keräk.

Äziz 24-oktyabr' küni H'yustonda däsläpki qetim käspiy boksçi süpitidä ringqa çiqti. U Brendon Magdaffi degän amerikiliq boksçini yäŋdi. Äziz šzi Çeläk täväsidin. Däsläpki mäşiqländürgüçisi Malik Hayrullin bolğan. Keyiniräk Almutida mäşiqlängän. Kikboksingtin Qostanay vilayitiniŋ komandisi tärkividä Qazaqstan çempioni boldi. Ändi tallanma komanda tärkividä Aziya çempioni atalğan. Talantliq bala hazir käspiy boksta šzini kšrsitişni mähsät qilivatidu. Amerikida mäşiqlinivatidu. Birinçi uçrişiştila utuqqa yetişi bizni rohlandurdi. Keläçigidin ümüt qilivatimiz. Qoşumçä qiliş keräkki, bizniŋ promouterliq şirkät Amerikida «Sevaris» promouterliq şirkiti bilän hämkarliqta işlävatidu. Bu şirkät AQŞtiki tonulğan vä täҗribilik mutähässisliri bar şirkätlärniŋ biri hesaplinidu. Şirkitimiz sportçilarniŋ barliq hiraҗitini šz zimmisigä alidu. Ular päqät yahşi mäşiqlinip, ğalibiyätlärgä erişsä boldi. Äzizmu Qazaqstan bayriğini egiz kštiridu, däp oylaymän.

Sšhbitiŋgä rähmät.

Yoldaş MOLOTOV.

Bälüşüş

Javap qalduruŋ