Mänaviyat şäydasiğa hšrmät

0
2 531 ret oqıldı

Düşänbä  küni  Almuta şähiridiki  89-rus-uyğur  ottura  mäktividä  peşqädäm märipätçi, balilar yazğuçisi Qasim İsmayilovniŋ 80 jilliq tävälludiğa beğişlanğan ädäbiy käç bolup štti. Mäzkür çarä-tädbirniŋ riyasätçiliri jiğilğanlarni peşqädäm märipätçiniŋ qisqiçä tärҗimihali vä iҗadiy paaliyiti bilän tonuşturup štti. Mäktäp mudiri Asiyäm Yüsüpova uşbu käçkä täklip qilinğan mehmanlarni tonuşturğandin keyin,  novät oquğuçilarğa berildi. Sähnidä yaş ğunçilarniŋ iҗrasida ävrişim ussullar, yeqimliq saz- näğmilär bilän häliq nahşiliri yaŋrap, şeirlar yadqa oquldi. Yazğuçiniŋ balilar hayatiğa beğişlanğan äsärliridin tüzülgän sähnä kšrünüşliri mehmanlarğa baliliq dävrini äslätkändäk qildi.

Käç җäriyanida Türksib, Yeŋi hayat mähälliliridin vä peşqädäm märipätçiniŋ tuğulğan juti Qaraturuq yezisidin kälgän җamaätçilik işliriniŋ aktivistliri, jut mštivärliri, jigitbaşliri, hanim-qizlar, jurnalistlar tävällud egisi namiğa illiq sšzlirini eytip, atiğan soğilirini täğdim qildi. Mäktäp mudiri Asiyäm Yüsüpova ustazini  tävälludi vä uniŋ šy-otaqliq bolğiniğa ällik jil toluşi munasiviti bilän sämimiy täbrikläp, kollektivniŋ soğisini tapşurdi. Bu küni şundaqla millät äynigi hesaplinidiğan milliy näşirlirimiz — «Uyğur avazi», «Aziya bügün», «İntizar», «Ğunçä», «İhsan» jurnalliriğa  җamaätçilikniŋ bir kişidäk yezilişini täminläş mäsililiri toğriliq ätrapliq sšz boldi.

Käçniŋ ahirida sähnigä kštirilgän Qasim İsmayilov vä uniŋ räpiqisi Risalät haҗim Mutällipova mehmanlarğa vä mäzkür käçni uyuşturuşta kšp küç çiqarğan mäktäp kollektiviğa, җümlidin uyğur tili vä ädäbiyati pänliriniŋ muällimlirigä çäksiz minnätdarliğini izhar qildi.

Şämşidin AYuPOV.

Bälüşüş

Javap qalduruŋ