Mehrivan jüräklärniŋ hisdaşliği

0
590 ret oqıldı

Bala – bizniŋ bayliğimiz häm bähtimiz. Һayatimizniŋ sšlitimu şu balilar bolğanliqtin, pärzäntlirimizniŋ duniyağa täl-tšküz kelip, saq-salamät çoŋ boluşini arman qilimiz. Ularni huddi gül käbi, pärviş qilişqa tirişimiz. Һayattiki äŋ aliy arzu-armanlirimizni şular bilän bağlaşturimiz. Ämgäkçiqazaq nahiyäsi Qaraturuq yezisiniŋ turğunliri Adilҗan vä Tolqın Säydullaevlarniŋmu tiligi şu edi. Ularniŋ ikki pärzändi — Anelya bilän Radmir — ata-anisini şatliqqa bšläp šsüvatatti. Biraq, künlärniŋ biridä balilarniŋ kiçigi, 2012-jili tuğulğan üç ayliq Radmir šz-šzidinla çšçüydiğan adät çiqardi. Pärzändiniŋ ähvalidin täşvişlängän ata-ana oğlini därhal Almutidiki diagnostika märkizigä apiridu. Radmirğa «Sudorojnıy sindrom» diagnozi qoyulidu. Ata-ana dohturlarniŋ mäslihiti bilän baliğa «Depakin» suyuqluğini berişkä başlaydu. Biraq, baliniŋ ähvali yahşilanmiğanliqtin, dohturlar doriniŋ mšlçärini kšpäytişkä mäslihät beridu. Bir jildin keyin baliniŋ ağriği küçiyip, kšzliri tutulup, kšrmäy qalidu. Uniŋ ähvali kündin-küngä naçarlişişqa başlaydu. Bala asta-asta mağdiridin qelip, oynap-külüşnimu qoyidu. Ahirida iştiyi tutulup, päqät ana sütini istimal qiliş bilänla çäklinidu. Andin uniŋ gemoglobini 40qa çüşüp, tamdäk tatirip ketidu. Dohturlar Radmirni yollanma bilän nahiyälik ağriqhaniğa ävätidu. Qaraturuqtin İşiktä şähirigä yätkiçä baliniŋ gemoglobini 23kä tšvänläp, meyisigä qan quyulup, bala äs-hoşini yoqitidu.

– Ağriqhanida pärzäntdimizniŋ ähvalini kšrgän dohturlar «Baliniŋ jürigi bir-ikki häptigiçä šz paaliyitini tohtitidu. Uni šygä elip ketiŋlar», dedi. Tolqın ikkimiz  nemä qilarimizni bilmäy qalduq. Biraq Radmirni šlümgä qiyğumiz, ümütimizni üzgimiz kälmidi. Dohturlarniŋ balimizğa yänimu qarişini yalvurup iltimas qilduq. Bähtimizgä yarişa, bu yärdä juquri kategoriyalik anesteziolog-reanimatolog Rustäm İdrisovni yoluqturduq. Rustäm aka häqiqiy vraçlarğa has  җanpidaliq kšrsätti. Balimizniŋ šlümdin aman qelişi şähsän şu aliyҗanap akimizniŋ ämgigi däp bilimiz, – däydu Radmirniŋ atisi Adilҗan.

Qoşumçä qiliş keräkki, Rustäm İdrisov – meditsina sahasiniŋ veterani, Çeläk nahiyälik märkiziy ağriqhanisi baş dohturiniŋ sabiq orunbasari Kamil İdrisovniŋ oğli bolup, Ämgäkçiqazaq nahiyälik ağriqhaniniŋ reanimatsiya bšlümidä ünümlük ämgäk qilip kelivatqan yaş hirurg.

Adilҗan bilän Tolqınniŋ eytqinidäk, Rustäm Kamil oğli Radmirniŋ kesilini eniqlaş üçün balini җiddiy täkşürüştin štküzidu. Mälum boluşiçä, baliğa berilgän dora mšlçäri artuq bolup, bala organizmi eğir zähmilängän ekän. Şundaqla Radmirniŋ beşida bäz bolup, umu bala salamätliginiŋ naçarlişişiğa elip kälgän. Şu kündin başlap Tolqın baliğa dora beriştin baş tartip, ikki yaşliq Radmirğa barliq tamaqni eğizida çaynap berip, qoşuq bilän şorpa içküzüşkä başlaydu. U barliq küç-quvitini oğliğa beğişlap kelivatidu. Ana mehri hämmidin küçlük ämäsmu! Һazir Radmirniŋ ähvali birqädär yahşilandi. Asta-asta u uşşaq toğralğan tamaqni šzi yäydiğan boldi. Tamaqniŋ dämini ayrip, tetip qalğinini yänä soraydu. Tähiyilärgä yšläp qoysa, oltirip ätraptikilärni tiŋşaydu.  Kšzi kšrmisimu, tiviş çiqqan täräpkä burulidu.

Ändi baliniŋ beşidiki bäzni elip taşlaş keräk. Adilҗanmu vaqitni bekar štküzmäy, İnternet tori arqiliq balisiğa yardäm izdäydu. Mundaq operatsiya çät ällärdä yasilip, kam degändä 25 miŋ AQŞ dolliri turidekän. Uni yezida jiğiş mümkin ämäs. Şu säväptin Adilҗan Qaraturuq yeziliq Uyğur etnomädäniyät märkizi şšbisiniŋ räisi Büvinur Ğoҗämbärdievağa yoluqup, ähvalni çüşändüridu. Büvinur hädä nahiyälik Uyğur etnomädäniyät märkizigä muraҗiät qilip, җamaätçilik işlarniŋ aktivistliri, Radmirniŋ ailisi bilän kelişip, gezit arqiliq häliqqä muraҗiät qilişni, Radmirni qollap-quvätläş mähsitidä häyrihahliq kontsertlirini uyuşturuşni täklip qilidu.

Şundaq qilip, Radmirni qollap-quvätläşkä beğişlanğan «Mehrivan jüräklär» namliq çoŋ häyrihahliq kontserti Ämgäkçiqazaq nahiyälik Uyğur etnomädäniyät märkiziniŋ uyuşturuşi vä Ämgäkçiqazaq nahiyälik hakimiyätniŋ häm җumhuriyätlik Uyğur etnomädäniyät märkiziniŋ qollap-quvätlişi bilän 19-noyabr' küni Qaraturuq yezisidiki «Ayşa» kafesida vä 22-noyabr' küni Çeläk yezisiniŋ Mädäniyät šyidä štti.

«Häyrihahliq – insanniŋ esil hislätliriniŋ biri. Barliq insan quyaş käbi šziniŋ ätrapidikilärgä nurini çeçip, pütün duniyağa yahşi tiläklirini beğişlisa, muhtaҗlarğa qol uçini sozsa, qançimu insanni bähitlik qilalatti» degän sšzlär bilän mäzkür çarä-tädbirni başliğan Çeläktiki häyrihahliq kontsertiniŋ riyasätçiliri Rustäm Tayirov bilän Җšhärbüvi Gayitova däsläpki sšzni nahiyälik Uyğur etnomädäniyät märkiziniŋ muavin räisi Aynisäm Vaydenovağa, Çeläk yezisiniŋ çoŋ jigitbeşi Mähämätҗan Savutovqa vä Qoram yezisiniŋ jigitbeşi Qurvanҗan İslamovqa bärdi.

Natiqlar Radmirniŋ yalğuz ämäsligini, başqiniŋ därdigä därman bolalaydiğan sahavätlik äzimätlärniŋ arimizda nurğunliğini, «kšp tükärsä, kšl bolidiğinini» eytip, šzliriniŋ, şundaqla šzliri istiqamät qilivatqan jutlardiki jutdaşliriniŋ salimini Säydullaevlar ailisigä yätküzdi. Radmirni qollap-quvätläştä paalliq tonutqan jut adämlirini atap, jiğilğan mäbläğni ahça toplaş yaöigiğa saldi.

Kontsert štkän küni Mädäniyät šyiniŋ zali liq tolup, šrä turğuçilarmu az bolmidi. Bu Radmirniŋ därdigä bolğan hisdaşliqniŋ ispati, älvättä. Radmirğa salamätlik tiläp kälgän sän°ätkarlarmu nurğun boldi. «Täŋritağ» (Malivay yezisi) milliy çalğu äsvaplar ansambli, häliq talantliri Ablikim Tursun, Saida Furqät, Selimҗan Җalaldinov, Nargiza Ämätova, P.Çaykovskiy namidiki kolledjniŋ studentliri Mihrat vä Bäkzat, Qalbübi Isqaqova, Rinat Ötepov vä başqilarniŋ orunlişidiki nahşa, ussullarmu tamaşibinlarniŋ zor alqişiğa sazavär boldi.

Şuni qoşumçä qiliş lazimki, sähnigä çiqqan sähnä mahirliri Qälbinur Arup rähbärligidiki «Alamät» prodyuserliq märkiziniŋ «Azadä» ussulçi qizlar ansambli, Sähärdin Yüsüpov rähbärligidiki «Aziya plyus Records» studiyasiniŋ talantliq yaşlirimu kontsertniŋ qiziq vä täsirlik štüşini täminlidi.

Qaraturuq vä Çeläk yezilirida štkän kontsertlardin, jutlardin çüşkän 355 miŋ täŋgä Radmirniŋ hesap-çotiğa avduruldi.

Qaraturuq vä Çeläk yezilirida eğir ağriqqa muptila bolğan Radmirni qollap-quvätläş mähsitigä štküzülgän häyrihahliq kontsert җumhuriyätlik Uyğur etnomädäniyät märkiziniŋ qollap-quvätlişi bilän 1-dekabr' küni Q.Ğoҗamiyarov namidiki җumhuriyätlik dšlät Uyğur muzıkiliq komediya teatrida davamlişidu. Şundaqla 16-dekabr' küni Studentlar sariyida štidiğan «Şavkät-şou» teatriniŋ 20 җilliğiğa tävälludiğa beğişlanğan kontserttin çüşkän mäbläğniŋ 30 payizi Radmir oğlumizğa bšlünidiğanliğini sahavätlik insanlarniŋ diqqitigä yätküzmäkçimiz. Vaqit tamamän az. Alla tiliginidäk, bir-birimizgä mehir-şäpqätlik bolayli, qerindaşlar!

Raşidäm RÄҺMANOVA.

Ämgäkçiqazaq nahiyäsi.

Radmirğa maddiy җähättin yardäm qolini sunup, uniŋ hayatini saqlap qeliş hahişini büldüridiğan märt-märdanä, sahavätlik insanlar bolsa, uniŋ hesap-çoti tšvändikiçä:

İİK   KZ9192619014SR142000

Saydullaev Adilҗan Zununbekoviç

İİN 840414300957

KZKOKZKXBİK   KZKOKZKX

Alaqä bağlaş telefonliri: 8-778-426-20-92, 8-707-877-20-56.

SÜRÄTTÄ: Radmirniŋ bovisi häm momisi kšpçilikkä minnätdarliğini izhar qilivatqan päyti. 

Bälüşüş

Javap qalduruŋ