Qazaqstan komandisi ikkinçi orunda

0
1 102 ret oqıldı

16 — 23-noyabr' künliri ariliğida Rossiyaniŋ Medın' şähiridä sportniŋ universal җäŋ türi boyiçä duniya çempionati štti. — Sportniŋ universal җäŋ türiniŋ alahidilikliri kšp,— däydu «Universal җäŋ» federatsiyasiniŋ Almuta vilayiti boyiçä vitse-prezidenti Yalqunҗan Sadiqov. — Bu yärdä sportçi, birinçi novättä, tosalğular mäydanini besip štüşi keräk. Yäni, labirintni jügräp štidu, ikki vä altä metrliq egizliktin säkräydu, pistolettin atidu, piçaqni nişanğa däl täkküzüşi keräk, ağamçidin serilip çüşüşi lazim. Äŋ ahirida bäş raundtin tärkip tapqan «җäŋdä» uruşidu. Demäk, bu yärdä sportçi җismaniy vä psihologiyalik җähättin nahayiti küçlük boluşi keräk. Moşu җähättin Qazaqstan tallanma komandisini bu çempionatqa täyyarliğan İmid Tohtahunov, Qazbek Altıruov vä Şatliq Һämraev ohşaş sportçi vä mäşiqländürgüçilärniŋ ämgigini alahidä täkitläş lazim.

Mäzkür musabiqiniŋ yäkünliri boyiçä Rossiya komandisi birinçi, Qazaqstan komandisi ikkinçi, Äzärbäyҗan komandisi üçinçi orunni egilidi. Qazaqstan tallanma komandisi tärkividä şähsiy kšrsätküçliri bilän uyğur jigitliri Şšhrät Hudaybärdiev vä Rasul İliyasov mukapatliq orunğa erişti. Ayallar arisida bolsa, Raisa Baylieva ikki dürkün duniya çempioni ataldi. Täkitläş lazimki, bu çempionat davamida šzliriniŋ juquri maharitini kšrsätkän musabiqä sud'yaliriğimu mähsus sertifikatlar tapşuruldi. Qazaqstandin Yalqunҗan Sadiqov vä Qazbek Altıruov moşundaq sertifikat elişqa muyässär boldi.

Täkitläş lazimki, yeqinda İşiktä şähiridä yeŋi sport-sağlaşlaşturuş kompleksi eçildi. Kompleksqa rähbär bolup Yalqunҗan Sadiqov tayinlandi. Yalqunҗan akiniŋ eytişiçä, ändi yaşlarni sportqa җälip qilişqa, ularni sportta yeŋi utuqlarğa yätküzüş üçün yahşi şaraitlar yaritilğan. Keläçäktä bolsa, bu yärdin elimizni duniyağa tonutidiğan çempionlarniŋ çiqidiğanliği işänçimiz kamil.

Yoldaş MOLOTOV.          

Bälüşüş

Javap qalduruŋ