Käspigä sadaqät

0
641 ret oqıldı

Gülnaräm Һapizova – «Dance-Life» häliq vä zamaniviy ussul mäktiviniŋ mudiri. U moşu däriҗigä päqät šziniŋ ussulğa aşiqliği tüpäyli, yäni üç yeşidin tartip, sän°ätkä bağliğan iştiyaqi arqiliq yätti. Һazir bolsa, yüzdin oşuq šsmür mäşiqlinivatqan mäzkür mäktäpkä rähbärlik qilivatidu. Yeqinda uşbu ussulçilar šmigi bäşinçi «tuğulğan künini» atap štti.Abduşükür Һapizov bilän Hasiyät İminovaniŋ ailisidä duniyağa kälgän Gülnaräm üç yeşidin tartip sähnidin çüşmäy kelivetiptu. Däsläp çoŋ-kiçik ailäviy märasimlarda yeqinlirini häyran qaldurğan u keyiniräk sän°ät duniyasida štküzülgän vilayätlik vä җumhuriyätlik bayqaş-kšrüklärdä talanti arqiliq juquri maharät bilän «asan boy ägmäs» qazilarni qayil qilişqa başlidi. Uniŋ bir alahidiligi şuki, Gülnaräm qaysi millätniŋ ussulini iҗra qilmisun, şu ussulğa çoŋqur çškkän halda, uniŋ tamaşibin qälbidin orun elişini täminläşkä tirişidu. Şuŋlaşqa insan on üç yeşida Q.Ğoҗamiyarov namidiki җumhuriyätlik dšlät Uyğur muzıkiliq komediya teatrida käspiy ussulçilar Gülbähräm İbragimova bilän Roza İmirğali qiziniŋ qolida tähsil kšridu. Ussulniŋ qir-sirliridin ubdan häviri bar ustazlar tärbiyisini alğan Gülnaräm Һapizova kšp štmäy šz käsipiniŋ häqiqiy mahiri atilidu. Şundimu aliy bilim eliş keräkligini  yahşi çüşängän yaş ussulçi ariliqta uniŋğimu ülgiriptu. Şundaq qilip, 2010-jili ana juti Talğir şähiridiki Mädäniyät šyidä «Dance-Life» ussul mäktivini eçip, däsläp bari-yoqi on bäş bala bilän iş elip barğan bolsa, hazir ularniŋ sani yüzdin eşiptu. Muhimi, moşu bäş jil mabaynida mäzkür sän°ät mäktiviniŋ şagirtliri päqät җumhuriyät dairisidiki konkurs-olimpiadilardila ämäs, bälki häliqara däriҗidiki, җümlidin İspaniyaniŋ Kosta-Brava şähiridä štkän «Sredizemnomor'e – 2011» konkursida kümüç medal' alğan, vä şundaqla İtaliya häm Frantsiya dšlätliridiki musabiqilarda mukapatliq orunlardin kšrünüp kelivetiptu. Ğalip çiqqan yaş ussulçilar sani şunçilik kšpki, ularniŋ hämmisini atap štüş äsla mümkin ämäs.

Kšpligän talantliq yaşlarniŋ šz hünirini namayiş qilişiğa türtkä boluvatqan Gülnaräm Һapizovağa Talğir şähiridiki Mädäniyät šyidä ussuldin taşqiri vokal, gimnastika bilän şuğullinivatqan şagirtlar ata-aniliriniŋ uniŋğa eytar minnätdarliği çäksiz. Ularniŋ eytişiçä, yaşlardiki talant bilän qabiliyätni bayqap, ularni toğra yolğa seliştäk väzipini atquruvatqan insanniŋ äҗri šz bahasini elişi lazim.

Öz novitidä, bizmu qaytmas iradisi tüpäyli arzu-armanlirini ämälgä aşuruvatqan käspiy ussulçini ussul mäktiviniŋ «tuğulğan küni» bilän sämimiy täbrikläp, işiğa utuq tiliduq.

Mäşür SASİQOV.

Talğir şähiri.

Bälüşüş

Javap qalduruŋ