Belalovlarniŋ küçi — birliktä

0
528 ret oqıldı

Almuta şähiri Jetisu nahiyälik hakimiyiti jil yäküni boyiçä nahiyäniŋ iҗtimaiy-ihtisadiy täräqqiyatiğa qoşqan hässisi üçün «Belalov» quruluş materiallirini işläpçiqiriş şirkitiniŋ mudiri Qasimҗan Belalovqa hakimniŋ Pähriy yarliğini tapşurdi. U  şundaqla «Lyubov'» naka balilar šyiniŋ, «Pokolenie» җämiyätlik fondiniŋ turaqliq hamiyi ekän.

Һakimğa šz minnätdarliğini izhar qilğan Qasimҗan Märüp oğli bügünkidäk utuqqa yetişidä atisi Märüp haҗim bilän anisi Aminämniŋ kšp küç çiqarğanliğini äsläp štti.

— Biz ailidä toqquz pärzänt, — däp sšzini başlidi u. — Altä oğul, üç qiz. Tohsininçi jilliri atimiz oğullarniŋ beşini qoşup, «Plamya» kooperativini qurğan edi. Biz biraz vaqit Җambul nahiyäsidä  hak kšydürüş bilän şuğullanduq. Dadam bizni kiçigimizdin ämgäkkä ügätti. U «Bir-biriŋlar bilän šm boluŋlar, işta şirkät hadimi, talağa çiqqanda aka-uka ekänligiŋlarni untumaŋlar. Şu vaqitta işiŋlar alğa basidu» degän edi. Mana moşu kämgiçä atimizniŋ bu nesihitigä ämäl qilip kelivatimiz. Amma ata-animizniŋ pärzäntliriniŋ halavitini, moşundaq utuqlarğa qol yätküzginimizni kšridiğan päyttä alämdin štkini eçinarliq.

Almutida mundaq şirkätniŋ barliğini däsläpki qetim aŋliğaçqa, märasimdin keyin Qasimҗan Märüp oğlini qisqiçä sšhbätkä җälip qilduq. U Belalovlar ailisi häqqidä tšvändikilärni eytip bärdi.

Märüp haҗim Belalov Ğulҗa nahiyäsiniŋ Turpanyüzi yezisida tuğulup, uniŋ baliliği şu yärdä štüptu. 1959-jili uniŋ atisi Teyip degän kişi oğlini ailisi bilän elip Keŋäşlär İttipaqiğa kšçüp çiqqan ekän. Ular däsläp Panfilov nahiyäsiniŋ Avat yezisida turup, şu yärdä 18 jil kolhozda işläydu. Toqquz baliniŋ anisi Aminäm ana asasän šy işliri bilän bänt bolup, Märüp haҗim «Kalinin» namidiki kolhozda hak kšydürgän ekän. Belalovlar ailisi Җambul nahiyäsiniŋ Fabriçnıy yezisiğa (hazirqi Qarğalı) kšçüp kälgändimu ata bu işini davam qilip, šz hünirini çoŋ bolup qalğan baliliriğa ügitidu. Belalovlar bu mähällidimu on säkkiz jil yaşaptu. Ata җamaätçilik işliriğimu yeqindin arilişip, jut aktivistliridin bolğan. Bügünki kündä Belalovlar — Qurvanҗan, Asiyäm, Turğanҗan, Qasimҗan, Päridäm, Tursunbüvi, Üsüpҗan, Ayupҗan vä Pärhat hämmisi  җänubiy paytähttä turidu. Ata-aniniŋ hahişi şundaq bolğan ekän.

Ular Almutiğa kšçüp kälgändin keyin oğullar «Belalov» quruluş materiallarini işläpçiqiriş şirkitini quridu. Aka-ukilar šz paaliyitini yağaşçiliqtin başlap, bügünki kündä plastikiliq işik, derizä, hiş vä başqimu quruluş materiallirini işläp çiqirivatidu. Yänä şu ata väsiyiti bilän turmuş-tirikçiligi naçarlarğa, jitim vä naka balilarğa yardäm qolini sunup turidu. «Adämlärgä yahşiliq qilsaŋlar, җämiyitimizdä yahşi namiŋlar qalidu», dättekän ata pat-pat balilirini ätrapiğa jiğivelip.

Ata hatalaşmiğan ekän, bügünki märasimda nahiyä hakimi, balilar šyi bilän җämiyätlik fondniŋ rähbärliri Belalovlarniŋ namiğa šzliriniŋ illiq lävzini bildürdi. Şundaqla sšzgä çiqquçilar şirkät mudiri Qasimҗan Märüp oğlini 50 yaşliq tävälludi bilän täbrikläşnimu untumidi. Bizmu uni tuğulğan küni bilän täbrikläp, işiğa utuq tiläymiz.

Bähtişat SOPİEV.

Bälüşüş

Javap qalduruŋ