Yüz yaşaŋ, Ana!

0
698 ret oqıldı

Almutidiki nuraniy anilarniŋ biri — Tursunhan Äynidinova. U moşu jilniŋ 23-fevral' küni 94 yaşqa tolidekän. Biz ğämgüzar aniniŋ šyigä qädäm täşrip qilip, uniŋ bilän hämsšhbättä bolğinimizda, u bizgä šziniŋ besip štkän hayat yolini sšzläp bärdi. Aniniŋ eytişiçä, dadisi Ärşidin halliq adäm bolğan ekän.  Ötkän äsirniŋ 30-jilliri egiliktä brigadir bolup işläp, ailisidiki on җanni heçkimgä har qilmay beqip šstürgän. Һazir ularniŋ üçi hayat: siŋlisi — Anar 88 yaşta, inisi Şamahun 83 yaşta, Birlik yezisida yaşaydu.

— Dadamni partiya sepigä qobul qilimiz degändä, u oqumiğan adäm bolğaçqa, «Partiya degän nemä, uni maŋa çüşändürüp beriŋlar» däp turuvaptu, — däydu Tursunhan ana sšhbätara. — Şu çağda yeza keŋişidikilär «Partiya degän, mäsilän, jiğin bolsa, ata-anam ağrip qaldi demäysän. Partiya nägä ävätsä, şu yärgä barisän, jiğinlardin qalmaysän», — däptu. Dadam «Undaq işiŋniŋ maŋa kerigi yoq»  däp, üstälni bir urup çiqip kätkän ekän. Rämätlik kelişkän, egiz boyluq adäm bolidiğan. Anam Büvihan vapat bolğandin keyin dadamni Anar siŋlim ikkimiz Almutiğa äkelip baqtuq. Roza heyti päyti edi. Dadam 107 yaşqa kirgändä, «Meni mäligä apiriŋlar» däp  turuvaldi. Uniŋ iltimasini orunliduq. Şu yärdä üç kündin keyin ağrimay-silimayla tügäp qaldi.

Tursunhan aniniŋ işlimigän işi qalmaptu, malmu beqiptu, etizda sumu tutuptu. «Şuniŋ üçün tenim taza bolup, moşu yaşlarğa käldimmekin» däydu u. 17 yeşida İskändär Sulaymanov degän kişigä yatliq qiliniptu. Çoŋ bolup är yätkändä, tamakida işläptu. 1941-jili är-jigitlär җäŋ mäydaniğa atlinip, arqa säptiki hämmä eğir iş ayallarğa qalğinida, hardim-taldim demäy işlisä, ätä-ahşimi paypaq, päläy toqup, җäŋ mäydanida jürgän җäŋçilärgä ävätiptu.

Şu eğir jillarni äsläp ana mundaq däydu: «Birimiz brigadir, birimiz hesapçi, yänä birimiz agronom bolup işliduq. Meni keyiniräk otgonğa ävätti. Mal içidä jürdüm. U jilliri käyni-käynidin «qara hätlär» kelip, jut içini qayğu-häsrät, änsizçilik basqan edi. Meniŋ yoldişim häm siŋlimniŋ yoldişi uruşqa kätkän peti, qaytip kälmidi. Duniyağa kälgän qizimiznimu kšrmidi. Dadisiniŋ yoqluğini bilindürmäy, qizim Bibinurni ata-anam asrap-beqip çoŋ qildi.

1950-jili Almutiğa kelip, Mähpir Faridinov degän kişigä turmuşqa çiqtim. U kişiniŋ üç balisi bar edi. U yaq bilän 24 jil billä yaşiduq. Qizlirini talaliq qilip, oğlini šyliduq. Şat-şadiman hayat käçürüvatqan künlärniŋ biridä umu vapat boldi.

Tursunhan ana Almutiğa kälgändin keyin däsläp Märkiziy mirasgahta, keyiniräk şähärdiki trolleybus parkida işläptu. Şu yärdin pensiyagä çiqiptu.

— Öydä tikinçilik bilän şuğullinimän, — däydu ana šmür kitavini varaqlavetip. — Tšrt qetim operatsiya üstilidä yattim. Buniŋdin altä jil ilgiri bir kšzümdin ayrildim. Şundaq bolsimu, bekar oltarğanni yaqturmaymän. Ta moşu küngiçä bir kšzüm bilän bolsimu quraq çüşäklärni tikimän.

Һazir oylap kšrsäm, Almutiğa kälginimgä 65 jil boluptu. Demäk, män kätkändin keyinki tuğulğan balilar 65 yaşqa kirdi degän sšz. Yeqinda Birliktä şu balilar meçit saptu. Buni aŋlap hoşal boldum. Qurvan heytida, qizim Bibinur ikkimiz bazarğa berip bir giläm alduqtä, yeziğa barduq. «Silär meni tonumaysilär, silärniŋ ata-aniliriŋlar meniŋ dadam Ärşidinni yahşi tonusa keräk. Män şu yaqniŋ qizi bolimän. Moşundaq meçit salğiniŋlarğa rähmitimni bildürüp, silärgä soğa elip käldim», dedim. Ular «Giläm ämäs, bir җäynimaz bärsiŋizmu, biz Sizdäk anilardin razi» däp minnätdarliğini bildürdi. Mudhiş jillar yaşliğimizni oğrilap, hayatniŋ rahitini kšrsätmidi. Һär halda, moşuniŋğimu şükri, hazir qizim Bibinur, siŋlim Anar bilän billä bir-birimizgä yar-yšläk bolup quvalişip yaşavatimiz», — däp sšzini hulasilidi Tursunhan ana.

Öz novitidä bizmu nuraniy aniğa mustähkäm salamätlik tiläp, «Yüz yaşqa kiriŋ, Ana!» — däp hoşlaştuq.

Yultuzay SEMÄTOVA.

SÜRÄTTÄ: T.Äynidinova (soldin oŋğa) qizi Bibinur vä siŋlisi Anar bilän.

Bälüşüş

Javap qalduruŋ