Һärqandaq uyğurni oylanduridu

0
546 ret oqıldı

«Uyğur avazi» gezitida  Rabik İsmayilovniŋ «Bizgä milliy mirasgah kerak» degän maqalisini oqup, nahayiti hoşal boldum. Şuŋlaşqa,  addiy oqurmän süpitidä, šzämniŋ pikrini yazğim käldi.Bu maqalida muällip duniyağa tonulğan uyğur kollektsioneri, kšrnäklik җämiyät ärbabi Azat Һekimbäkniŋ šz hälqiniŋ täğdirini oylap, keläçäk tarihimizni saklap qeliş vä duniya hälqigä tonuşturuş mähsitidä onliğan jillar davamida jiqqan kollektsiyasini saqlap qeliş üçün birär milliy mirasgah keräk ekänligi toğriliq uyğur hälqigä muraҗiät   qiliptu. Meniŋçä, bu maqalini oquğan  vä kškrigidä milliy ğururi bar uyğur bir tolğanğandu däp oylaymän. Ägär tiligimiz iҗavät bolup, kšpçilikniŋ qollap-quvätlişigä erişsä, nur üstigä nur bolar edi. Bu mirasgahta päqät Azat Һekimbäkniŋla ämäs, bälki barliq uyğur yazğuçi-alimlarniŋ kitaplirimu saqlinatti, mirasgah  häqiqiy mänasida qazaqstanliq uyğurlarniŋ mädäniy märkizigä aylinatti. Bu bizniŋ hälqimizniŋ qolidin kelidiğan iş. Esiŋlarda bolsa, Uyğur teatrini tikläştä barliq uyğurlar mäbläğ jiğişqa qatnişip,  šzliriniŋ nemigä qabil ekänligini kšrsitälidi.  Bu qetimmu şundaq bolidu, däp oylaymän. Çünki kšp jillardin beri bu eksponatlarni saqlap kelivatqan Azatҗanniŋ ämgigini bahaliğan härqandaq uyğur buniŋdin çättä qalmasliği keräk.

Män 80 yaşqa kälgän pensioner, mäbläğ jiğilsa, mänmu šz ianämni berişkä täyyar. Şundaqla keläçäk egiliri bolğan balilirimiz bilän nävirlirimizni şuniŋğa dävät qilimän. Çüşinişimiz keräkki, bu mirasgah Azat Һekimbäkniŋ şähsiy mänpiyiti üçün ämäs, Uyğur teatri ohşaş, häliq mänpiyiti  üçün, bizniŋ tarihiy mirasimizni saqlap qeliş üçün keräk. Bu işniŋ hämmisi җumhuriyätliq Uyğur etnomädäniyät märkizi  arqiliq ämälgä aşidu däp ümüt qilimän.

Mayminäm  İMÄROVA,

Qazaqstan maarip älaçisi.

Yarkänt şähiri.

Bälüşüş

Javap qalduruŋ