Fotokonkurs: «Biz bähitlik ailä»

0
664 ret oqıldı

Bügünki kündä sürätkä çüşiriş qiyin ämäs. Һazir ikkiniŋ biridä fotoapparat yaki yanfon bar. Şulardin paydilinip, ailiŋizdiki äŋ ästä qalarliq däqiqilärni çüşirip, redaktsiyagä ävätsiŋiz, şu kupayä.Ägär u mäzmuni häm süpiti җähättin layiq däp tepilsa, sšzsiz, gezitimizda elan qilinidu.

Konkurs yäküni jil ahirida çiqirilip, «Äŋ bähitlik ailiniŋ» muällipi maddiy soğa bilän mukapatlinidu. Sürätkä qoşup ailiŋiz häqqidä qisqiçä mälumat berişni, makan-җayiŋizni vä alaqä telefoniŋizni yezişni untumaŋ.

Sürätlärni «Uyğur avaziniŋ» monu elektron poçtisiğa ävätiş keräk: u_avazi@mail.ru

Һärbir insan bähitlik boluşqa intilidu. Bäzilär aldiğa bir mähsät qoyup, şuniŋğa yetişkä tirişidu. Ämgäkçiqazaq nahiyäsiniŋ Qoram yezisida istiqamät qilidiğan dostlirim Märüpjan Mämätohtiev bilän Zohra İminovalarniŋ ailisi häqqidä äynä şundaq deyişkä bolidu. Märüpjan video vä fotoğa çüşiriş bilän şuğullinidiğan addiy bir jigit. Zohra bolsa, käspi boyiçä muällim. Umumän, muällimlärni alahidä hšrmätläydiğan ağinäm ikki pärzändi — İsmayil bilän Säyyaräniŋmu moşu sahani tallişini toğra kšrdi. Ata ikki balisiniŋ ana izi bilän meŋişiğa şarait yaratti vä ahiri mähsitigä yätti.

Dostlirimniŋ yänä bir alahidiligi, ular ailäviy säyahät qilğanni bäk yaqturidu. Ötkän jili ular meniŋ jutum — Uyğur nahiyäsiniŋ Ğalҗat yezisiğa kelip, yezimizniŋ mänzirilik җaylirini ziyarät qildi. Monu sürätni şu çağda çüşirivalğan edim.

Zäynidin ŞAKİROV.

Ğalҗat yezisi, Uyğur nahiyäsi.

Bälüşüş

Javap qalduruŋ