«Jurnalist boluşumğa anam säväpkar»

0
523 ret oqıldı

Dilmurat Dilşat oğli Mutällipov päqät anisiniŋ tärbiyisini elip šsti. U Almutidiki 15-mäktäpni tügitip, 2001-jili Almuta Häliqara jurnalistika institutiğa oquşqa çüşidu. Uni äla bahalarğa tamamlaydu, biraq egiligän käspi boyiçä işlimäydu: däsläp qirakäşlik bilän şuğullinidu, andin muzıka äsvaplirini satidiğan dukanda setiqçiliq qilidu.— Qisqisi, moşu vaqit içidä härhil tirikçilik bilän bänt boldum. Eniğiraq eytsam, işlimigän yär qalmidi. Һazir kšrsitişlärni täyyarlaşta bu maŋa yahşi yardäm berivatidu, — däydu Dilmurat biz bilän bolğan sšhbättä.

Һayatida «Kirişkä bolmaydu» däp yezilğan işikni eçip kiriş keräk» degän şiarni tuğ qilğan bu yaş jigit arminiğa aylanğan jurnalistika sahasiğa päqät 2006-jili kelidu. Şu-şu boldidä, uniŋ paaliyiti kündin-küngä җanlinip, «Rahat TV», «Taŋ», «Evraziya» vä «Astana» kanallirida täҗribä toplaydu. Һär käsipniŋ šzigä has qir-sirliri bolğinidäk, asasän kšpçilikkä ähbaratni däl šz vaqtida, qiziqarliq däriҗidä yätküzüş üçün kšp izdiniş täläp qilinidu. «Almatı» telekanaliniŋ muhbiri Dilmurat käspigä bolğan sadaqiti tüpäyli uniŋ käsipdaşliri arisida abroy-inaviti üstün. Teletamaşibinlarmu u täyyarliğan materiallarğa juquri bahasini bärmäktä.

Җänubiy paytäht tur­ğun­lirini başqa jut­lardin kälgänlär «heç­qandaq problemisi yoq», däp täsävvur qilişi mümkin. Amma ämäliyatta almutiliqlarnimu helila jillardin buyan qiynap kelivatqan mäsililär az ämäs. Dilmurat äynä şundaq kšpçilikkä aram bärmäyvatqan mäsililärniŋ iҗabiy häl qilinişiğa birkişilik hässisini qoşup, almutiliqlarniŋ illiq inkasliriğa egä boluvatidu. Buniŋdin taşqiri, şähär hayatida yüz berivatqan yeŋiliqlarni šz vaqtida yätküzüşmu uniŋ zimmisidä. Bizniŋ «Nemä üçün jurnalist käspini tallavaldiŋ?» degän soalimizğa u mundaq җavap bärdi:

– Anam bu käsipkä kiçigidin iştiyaq bağliğan ekän. Biraq uniŋ bu armini ämälgä aşmaptu. Şu tüpäyli anam meniŋ jurnalist boluşumni halap, maŋa moşu yšniliştä bilim elişimğa şarait yaratti. Öz novitidä, mänmu duniyadiki äŋ mehrivan insanniŋ tälivini rät qilalmidim. Qisqisi, meniŋ jurnalist boluşumğa anam säväpkar.

Aniniŋ hahişi bi­län jurnalist atalğan käsip­dişimizğa utuq, ailisigä hatirҗämlik tiläymiz.

Mäşür SASİQOV.   

Bälüşüş

Javap qalduruŋ