«Apa, qerimaŋa»

0
428 ret oqıldı

Gülçimän biyil 1-sinipqa baridu. U intayin äqillik qiz.

Gülçimän çirayliq kiyin­gän natonuş bir ayalniŋ qoli­diki kün nurida çaqnap turğan sumkisini kšrüp, anisiğa mu­ra­­җiät qildi:Apa, ävu ayalniŋ qolidiki sumkini kšrüvatamsiz?

Һä, kšrüvatimän, qizim.

Apa, män çoŋ bolğanda, sizgä äşundaq sumka elip berimän.

Ağziŋizğa yağ, muradiŋizğa yetiŋ, qizim.

Ularniŋ aldida bir momay helila yoğan sumkini kštirip, tayaq tayinip, asta ketip baratti. Gülçimän uni kšrgändä içi ağrip kätti.

Apa, ävu momayniŋ qolidiki sumkisini kštirip, šyigä apirip beräyliçu.

Mänmu şuni oylap kelivatattim, meniŋ zeräk qizim.

Ular momayniŋ aldiğa käldi:

Ässalam, çoŋ apa! Qoluŋiz­diki sumka helä eğir ohşimamdu? Maŋa bärsilä, män kštirip šylirigä apirip beräy, — dedi Gülçimänniŋ apisi.

Helila qeriliq yetip qal­ğan momay bu kšyümçan ayalniŋ çirayiğa biraz säp selip qarap turdidä, andin soridi:

Balam, kimniŋ qizisän?

Ävu mäktäpniŋ käynidiki Seyitahunniŋ kelini.

Һä-ä-äy, qizim, Seyitahun qä­vätla jugaç, mšmün adäm edi. Yahşi yärgä kelin bolup käpsän. Alla saŋa rähmät qilsun, — däp qolidiki sumkini uniŋğa bärdi.

Çoŋ apa, šydä dukanğa bar­ğidäk nävriliriŋiz yoqmedi?

Momay tohtap, ikki qoli bilän tayaqqa tayinip turup, bir eğir «uh!» tartivaldidä, til qatti:

Qizim, qaysi birini däp beräy saŋa. Kšzümniŋ qari­çuğidäk yalğuz oğlum içimlikkä berilip kätkäçkä, buniŋdin on bäş jil ilgiri kelinim bir tal qizini bizgä taşlap qoyup, ketip qalğan. Näpsidin keçälmäy, «kasapätniŋ» där­didin oğlummu šlüp kätti. Nävräm šyümizniŋ käynidiki bäş — on tüp mšgidin ikki çeläk almini elip, ätigän bazarğa ketivedi. Tehi yoq…

Däl şu päyttä ularni qoğ­lap degidäk bir qiz yetip käldidä: «Ässalam!» däp salam berip, andin: «Moma, šydä oltirip tursiŋiz bolmamdu? Dukanğa šzäm barattimğu. Sizgä rähmät», däp Gülçimänniŋ anisiniŋ qolidiki sumkini aldi.

Momayniŋ dirildäp turğan quruq ustihan qolliridiki pultiyip çiqip turğan tomurlirini, yaşaŋğirap turğan nursiz kšzlirini kšrgändä, Gülçimänniŋ kšŋli buzuldi. Momay ularğa rähmitini eytip, ketişi bilänla Gülçimän kšzigä yaş elip: «Qeriğanda sizmu äşu momaydäk bolup qalarsizmu? Apa, qerimaŋa», däp apisini mäkkäm quçaq­lavaldi.

Bu pärzäntniŋ aniğa bol­ğan häqiqiy mehri vä nazuk qälbiniŋ yarqin kšrünüşi edi.

Qasim İSMAYİLOV.

Almuta şähiri.

Bälüşüş

Javap qalduruŋ