Rohi aldida baş egimiz

0
688 ret oqıldı

Rast, insan üçün härqandaq җudaliqniŋ näqädär eğir ekänligi hämmigä mälum. Amma çaräk äsirgä yeqin šy tutup, oqät qilğan җüptüm Nurvanäm Җapparova baqiliq bolğanda, är üçün ayalidin ayrilişniŋ qançilik azap-oqubät ekänligini çüşändim. Ändila šsüp-yetilip, tehi mustäqil hayatqa qädäm taşlap ülgärmigän pärzäntlirimniŋ keläçigini oylap, gaŋgirapla qaldim. «Ärni är qilidiğan» insandin mährum bolğaçqa, šzämgä nahayiti çoŋ häm җavapkär väzipiniŋ jüklängänligini çoŋqur his qildim. Nurvanämniŋ rohini qorundurmas üçün qäddimni  pükmäy, üç oğlumni zaman tälivigä layiq, aliy bilimlik insanlardin qilip, ularniŋ hayattin šz ornini tepişiğa zämin yarattim. Öy-otaqliq qilip, 8 nävrä kšrdüm. Moşu utuq-muvappäqiyätlärniŋ hämmisi Nurvanäm ikkimizgä täälluq edi. Äpsus, märhum räpiqämgä moşundaq hoşalliqlarniŋ guvaçisi boluş buyrimidi.

Ändi 52 yeşida alämdin štkän mäzlumim häqqidä ikki eğiz sšz. Nurvanäm Uyğur nahiyäsiniŋ Çoŋ Aqsu yezisida tuğulğan. Bir jil šzi oquğan bilim därgahida pioner yetäkçisi bolup işlidi. Andin Almutidiki Qazaq politehnika institutiniŋ ihtisatçi mutähässisligi boyiçä tamamlidi. Şuniŋdin keyin šmriniŋ ahiriğiçä bir idaridä — Qazaq SSR Sanaät-quruluş materialliri ministrligidä ihtisatçi, baş ihtisatçi, hesapçi, bšlüm başliği hizmätliridä işlidi. Öziniŋ aliy insaniy hislätliri tüpäyli käsipdaşliriniŋ, uruq-tuqqan, dost-buradärliriniŋ aldidimu alahidä izzät-ehtiramğa egä bolidiğan. Bähitkä qarşi, uniŋğa şiҗaätlik  ämgiginiŋ mevisini, pärzäntliriniŋ toylirini häm nävriliriniŋ qiziğini kšrüş nesip bolmidi. Märhumniŋ arzu-armanliri bäk nurğun edi. Amma buniŋdin 15 jil muqäddäm  tuyuqsiz kälgän äҗäl ularniŋ royapqa çiqişiğa yol qoymidi.

2-iyun' — Nurvanämniŋ tuğulğan küni. Bizgä uni şat-horam qarşi elişniŋ orniğa  kšzimizgä yaş elip, jiğlap-bozlap märhumni yad äyläşkä toğra kelivatidu. Şuŋlaşqimu uniŋğa «Yatqan yeriŋ yumşaq, rohiŋ җännättä bolsun! Sizniŋ namiŋiz dayim qälbimiz tšridä saqlinidu» , däp iltiҗa qiliştin başqa ilaҗimiz yoq.

Nurahun ҺETAHUNOV.

Almuta şähiri.

Bälüşüş

Javap qalduruŋ